ରାଜ୍ୟସ୍ତରୀୟ ବିଶ୍ୱ ମୂଳନିବାସୀ ଦିବସ ପାଳନ ପାଇଁ ପ୍ରସ୍ତୁତି
#ଭୁବନେଶ୍ୱର (ଏନ୍.ଏମ୍.): ମିଳିତ ଜାତି ସଂଘ ତରଫରୁ ସମଗ୍ର ବିଶ୍ୱରେ ବିଶ୍ୱ ମୂଳନିବାସୀ ଦିବସ ପାଳନ କରିବାକୁ ଯାଉଥିବା ବେଳେ ଭାରତ ବର୍ଷରେ ମୂଳନିବାସୀଙ୍କ ସମାଜର ଅସ୍ଥିତ୍ୱ ନଷ୍ଟ କରିବା ପାଇଁ ପ୍ରୟାସ ଜାରୀ ରହିଛି । ସମସ୍ତ ସଂଗଠନକୁ ସାଙ୍ଗରେ ନେଇ ମୂଳନିବାସୀ ୟୁନାଇଟେଡ଼୍ ଫୋରମ୍ ଓଡ଼ିଶା ସାକାରତ୍ମକ ଢଙ୍ଗରେ ସାମାଜିକ ଜନ ବିପ୍ଲବ ଆଗକୁ ନେବାକୁ ପ୍ରୟାସ ଜାରି ରଖିଛି । ଏଭଳି ପରିସ୍ଥିତିରେ ଆଗାମୀ ୯ତାରିଖରେ ଦିନରେ ମୂଳନିବାସୀ ଇୟୁନାଇଟେଡ଼୍ ଫୋରମ୍ ତରଫରୁ ଏକ ଭୁବନେଶ୍ୱର ପିଏମ୍ଜି ଛକରୁ ସକାଳ ୧୦ ଘଟିକାରୁ ଏକ ଶୋଭାଯାତ୍ରା ବାହାରି ରାମ ମନ୍ଦିର ଛକ ଦେଇ ୟୁନିଟ-୪ ଇନ୍ଷ୍ଟିଚୁଟ୍ ଅଫ ଇଂଜିନିୟରିଙ୍ଗ ଠାରେ ପହଞ୍ଚି ସଭା ହେବ । ମୂଳନିବାସୀ ମାନଙ୍କର ଧର୍ମ ବୃତ୍ତି, ସଂସ୍କୁତି, ସାମ୍ବିଧାନିକ ମୌଳିକ ଅଧିକାର ଖନନ ଓ ଜଳ, ଜମି, ଜଙ୍ଘଲରୁ ବଞ୍ଚିତ କରିବା ପାଇଁ ଆସୁଥିବା ସମାନ ନାଗରିକତା ବିଲ ବା ୟୁନିଫର୍ମ ସିଭିଲ କୋର୍ଡ଼ ବିଲକୁ ବନ୍ଦ କରିବା ସହ ଉଦ୍ଦେଶ୍ୟ ମୂଳକ ଭାବେ ବାଦ୍ କରିଥିବା ସଅର ଓ ମେହେନ୍ତର ଜାତିଙ୍କୁ ଆଦିବାସୀ ତାଲିକାରେ ସାମିଲ ପାଇଁ ଏକତ୍ର ହେବାର ଆବଶ୍ୟକତା ଅଛି । ଏହି ଅବସରରେ ଆୟୋଜିତ ବୈଠକରେ ସାମାଜିକ କୁସଂସ୍କାର, ରୁଢୀବାଦୀ ବ୍ୟବସ୍ଥା ହେତୁ ସମତା, ସ୍ୱତନ୍ତ୍ରତା ଓ ଆତ୍ମ ସମ୍ମାନ କ୍ଷୁର୍ଣ୍ଣ ହୋଇ ଚାଲିଛି । ଏଭଳି ପରିସ୍ଥିତିରେ ଆମର ସ୍ଥିତି କେଉଁଠି ଅପାଣମାନେ ଅନୁମେୟ କରନ୍ତୁ ବୋଲି କୁହାଯାଇଥିଲା । ତେଣୁ ସାମ୍ବିଧାନିକ ମୌଳିକ ଅଧିକାର,ବ୍ୟବସ୍ଥାର ପରିବର୍ତନ କରି ସାମାଜିକ ନ୍ୟାୟ ପ୍ରତିଷ୍ଟା ପାଇଁ ଏହି ଫୋରମ୍ ଜରିଆରେ ମହିଳାମାନଙ୍କୁ ଜାଗରଣ ଓ ସଂଗଠିତ କରାଇ ରାଜ୍ୟବ୍ୟାପୀ ସଶକ୍ତ ଜନ ଆନ୍ଦୋଳନ ସଦୃଢ କରାଯିବା ପାଇଁ ଲକ୍ଷ୍ୟ ସ୍ଥିର କରାଯାଇଛି । ଏଭଳି ପରିସ୍ଥିତିରେ ମୂଳନିବାସୀ ଇୟୁନାଇଟେଡ଼୍ ଫୋରମ୍ ଓଡ଼ିଶା ବହୁଜନମାନଙ୍କ ସୟହାୟତାରେ ଯେଉଁ ଡାକରା ଦିଆଯାଇଛି ଏଥିରେ ବହୁ ସଂଖ୍ୟାରେ ନିର୍ଦ୍ଧାରିତ ତାରିଖ ଓ ସମୟରେ ମୂଳନିବାସୀ ସଂଗଠନ ନିଜନିଜର ପାରମ୍ପରିକ ଅସ୍ତ୍ରଶସ୍ତ୍ରରେ ଆସି ଯୋଗଦାନ କରିବାକୁ ଫୋରମ୍ ତରଫରୁ ଅଧ୍ୟକ୍ଷ ବିଦ୍ୟାଧର ଦେହୁରୀ, କାର୍ଯ୍ୟକାରୀ ଅଧ୍ୟକ୍ଷ ମନୋରଞ୍ଜନ ଜେନା ଓ ଗୌତମ ଗୋପାଳ, ଉପସଭାପତି ଶୁରେଶ ନାୟକ, ଯୁଗ୍ମ ସଂପାଦକ ଅଶୋକ ନାୟକ ରାଜ୍ୟର ସମସ୍ତ ଗଣସଂଗଠନକୁ ଅନୁରୋଧ କରିଛନ୍ତି ।