News by Akshaya Biswal (Rairang Pur)

ରାଇରଙ୍ଗପୁର ନୂତନ ଜିଲ୍ଲା ଘୋଷଣା ଦାବି ନେଇ ଜିଲ୍ଲାପାଳଙ୍କ ଜନ ଶୁଣାଣୀରେ ଲିଖିତ ଦାବିପତ୍ର

News by Akshaya Biswal (Rairang Pur)

#ରାଇରଙ୍ଗପୁର(ଏନ୍‌.ଏମ୍‌.): ଓଡ଼ିଶାର ସର୍ବବୃହତ୍ତମ ମୟୂରଭଞ୍ଜ ଜିଲ୍ଲାର ଦିତୀୟ ବୃହତ୍ତମ ବାମନଘାଟୀ ଉପଖଣ୍ଡ, ରାଇରଙ୍ଗପୁର ଶିକ୍ଷା, ସ୍ୱାସ୍ଥ୍ୟ, ଗମନାଗମନ, ବିଜୁଳି, ପାନୀୟ ଜଳ, ରେଳ, ସବୁଥିରେ ପଛୁଆ । ଏହା ୭ ଟି ବ୍ଳକ ଏବଂ ଗୋଟିଏ ମ୍ୟୁନିସିପାଲଟିକୁ ନେଇ ଗଠିତ । ଶତକଡା ୬୫ ଭାଗରୁ ଉର୍ଦ୍ଧ୍ୱ ଆଦିବାସୀ ଶ୍ରେଣୀର ଥିବାବେଳେ ୨୫ ଭାଗ ପଛୁଆ ବର୍ଗ । ନଦୀ, ନାଳ, ଜଙ୍ଗଲ, ପର୍ବତ, ଘାଟୀ ଏହା ଚାରିପଟକୁ ଘେରି ରହିଛି । ଜିଲ୍ଲା ସଦରମହକୁମା ବାରିପଦାରୁ ସିମାନ୍ତ ତିରିଂ ୧୨୦ କିମି ରୁ ଉର୍ଦ୍ଧ୍ୱ । ଚାରିପଟେ ପଡୋଶୀ ଝାଡଖଣ୍ଡ ଓ ପଶ୍ଚିମବଙ୍ଗ ଘେରି ରହିଛି । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଅମଳରେ ୧୩ରୁ ୩୦ଜିଲ୍ଲା ଗଠନ ସମୟରେ କୌଣସି ନା କୌଣସି କାରଣରୁ ରାଇରଙ୍ଗପୁର ଜିଲ୍ଲା ବାଦ ପଡି ଯାଇଥିଲା । ଯାହାକୁ ନେଇ ବିଜୁ ପଟ୍ଟନାୟକ ଅବଶୋଷ କରିଥିଲେ । ସେବେ ଠାରୁ ବାମନଘାଟୀ ଉପଖଣ୍ଡ ବାସୀ ସରକାରଙ୍କ ନୂତନ ଜିଲ୍ଲା ଘୋଷଣାକୁ ଚାତକ ପରି ଚାହିଁ ରହିଛନ୍ତି । ରାଇରଙ୍ଗପୁର ନୂତନ ଜିଲ୍ଲା ଗଠନ ଦାବି ନେଇ କିଛି ବର୍ଷ ହେଲା ବାମନଘାଟୀ ଉପଖଣ୍ଡରେ ରାଇରଙ୍ଗପୁର ଜିଲ୍ଲା ଆନ୍ଦୋଳନ ଜୋରଦାର ଜାରି ରହିଛି । ତେବେ ଏହି ବିଷୟରେ ମୁଖ୍ୟମନ୍ତ୍ରୀ, ୫ ଟି ସଚିବ, ମହାମହିମ ରାଷ୍ଟ୍ରପତିଙ୍କୁ ଜିଲ୍ଲା ପାଇଁ ଲିଖିତ ଦାବିପତ୍ର ପତ୍ର ପ୍ରଦାନ କରାଯାଇଛି । ଆନ୍ଦୋଳନକୁ ତିବ୍ରତର କରିବା ପାଇଁ କମିଟି ତରଫରୁ ରାଇରଙ୍ଗପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଜିଲ୍ଲା ଘୋଷଣା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପାଇଁ ଧାରଣା ଦିଆ ଯାଉଛି । ଏହି ପରିପ୍ରକ୍ଷୀରେ ବାମନଘାଟୀ ଉପଖଣ୍ଡସ୍ତରୀୟ ଯୁଗ୍ମ ଜନଶୁଣାଣୀ କାର୍ଯ୍ୟକ୍ରମରେ ଜିଲ୍ଲାପାଳଙ୍କୁ ନୂତନ ଜିଲ୍ଲା ଦାବିରେ ଏକ ଲିଖିତ ଦାବିପତ୍ର ପ୍ରଦାନ କରାଯାଇଛି । ଏଥିରେ ପୂର୍ବତନ କଂଗ୍ରେସ ବିଧାୟକ ଲକ୍ଷ୍ମଣ ମାଝୀ, ପୂର୍ବତନ ବିଧାୟକ ପ୍ରହଲ୍ଲାଦ ପୂର୍ତ୍ତି, ପୂର୍ବତନ ବିଧାୟକ ଶ୍ୟାମ ସୁନ୍ଦର ହାଁସଦାଙ୍କ ସମେତ ଗଣମାଧ୍ୟମ ପ୍ରତିନିଧି, ସାମାଜିକ କର୍ମୀ ପ୍ରମୁଖ ସାମିଲ ହୋଇଥିଲେ । ଜିଲ୍ଲାପାଳ ଏହାକୁ ରାଜ୍ୟ ସରକାରଙ୍କ ପାଖକୁ ପଠାଇବା ପାଇଁ କହିଥିଲେ ।

By admin

Leave a Reply

Your email address will not be published. Required fields are marked *