ମହାନଦୀରେ ବୁଡି ଦୁଇ ଜଣ କଲେଜ ଛାତ୍ର ନିଖୋଜ

#ବାରଙ୍ଗ(ଏନ୍‌.ଏମ୍‌.): ବାରଙ୍ଗ ବ୍ଲକ ଅନ୍ତର୍ଗତ ତଳଗଡ ଠାରେ ମହାନଦୀରେ ପୂର୍ବାହ୍ନ ୧୨ଘଟିକାରେ ଦୁଇଜଣ କଲେଜ ଛାତ୍ର ଗାଧୋଇବାକୁ ଆସି ଗଭୀର ପାଣିରେ ନିଖୋଜ ହୋଇଛନ୍ତି । ଖବର ପ୍ରକାଶ ଯେ, ଆଜି ପୂର୍ବାହ୍ନରେ କଟକରୁ ଆଠଜଣ ଛାତ୍ର ମହାନଦୀ ବନ୍ତ ନିକଟରେ ଗାଧୋଇବାକୁ ଆସିଥିଲେ । ଗାଧୋଇବା ଅବସ୍ଥାରେ ଦୁଇଜଣ ଛାତ୍ର ମହାନଦୀ ସ୍ରୋତରେ ଭାସିଯାଇ ନିଖୋଜ ହୋଇଥିବା ବେଳେ ଅନ୍ୟ ୬ଜଣ ଛାତ୍ର ଅଳ୍ପକେ ବର୍ତ୍ତୀ ଯାଇଥିଲେ । ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ସନ୍ଧ୍ୟା ୬ଘଟିକା ପର୍ଯନ୍ତ ଖୋଜା ଖୋଜି କରିଥିଲେ ମଧ୍ୟ ସେମାନଙ୍କୁ ଉଦ୍ଧାର କରି ପାରିନଥିଲେ । ରାତି ହୋଇଯିବାରୁ ଉଦ୍ଧାର କାର୍ଯ୍ୟ ବନ୍ଦ ରହିଥିଲା । ଆସନ୍ତା କାଲି ପୁଣି ସକାଳୁ ଉଦ୍ଧାର କାର୍ଯ୍ୟ ଆରମ୍ଭ କରାଯିବ । ତେବେ ନିଖୋଜ ହୋଇଥିବା ଛାତ୍ରଦ୍ୱୟ ନାମ ଆଦିତ୍ୟ ମଲିକ ଓ ଦେବପ୍ରିୟ ଚୌଧୁରୀବୋଲି ଜଣାପଡ଼ିଛି । ସେମାନେ ଉଭୟ +୨ଛାତ୍ର ଥିଲେ ବେଳେ ଘର କଟକ ସହର ବୋଲି ଜଣା ପଡିଛି ।