ନବବଧୂର ସନ୍ଦେହ ଜନକ ମୃତ୍ୟୁ: ଯୌତୁକ ପାଇଁ ହତ୍ୟା ଅଭିଯୋଗ

ଭଦ୍ରକ(ଏନ୍‌.ଏମ୍‌.): ଭଦ୍ରକ ଜିଲ୍ଲା ବାସୁଦେବ ପୁର ଅଞ୍ଚଳରେ ବଧୁହତ୍ୟା ଭଳି ଘଟଣା ଘଟିଛି । ଯୌତୁକ ପାଇଁ ନବ ବଧୁକୁ ହତ୍ୟା କରିଥିବା ଝିଅର ପରିବାର ଲୋକେ ଅଭିଯୋଗ କରିଛନ୍ତି । ତେବେ ଯୌତୁକ ଲୋଭି ରାକ୍ଷସ ଯୌତୁକ ପାଇଁ ନିଜର ମଣିଷ ପଣିଆ ଭୁଲିଯାଉଛନ୍ତି । ଯୌତୁକ ଏବେ ଯେମିତି ଗୋଟିଏ ସାମାଜିକ ବ୍ୟାଧି ହୋଇ ଯାଇଛି । ଏପରି ଘଟଣା ବାରମ୍ବାର ଗଟିବା ଦ୍ୱାରା ଝିଅ ଜନ୍ମ କରିବା ପାଇଁ ଲୋକ ମାନେ ଭୟ କଲେଣି । ଜନ୍ମିତ ଝିଅକୁ ଛୋଟ ରୁ ବଡ କରି ପାଠ ପଢାଇ ଭଲ ଜାନି ଯୌତୁକ ଦେଇ ବାହାଘର କରି ମଧ୍ୟ ପରିବାର ଲୋକ ଶାନ୍ତି ରେ ଘରେ ଶୋଇ ପାରୁନାହାନ୍ତି । କିଛି ଯୌତୁକ ଲୋଭି ରାକ୍ଷସଙ୍କ ପାଇଁ ଆଜିର ସମାଜ କଳୁଷିତ ହେବାକୁ ବସିଲାଣି । କିଏ ଜାଣେ କେତେବେଳେ ଯେ ଏହି ପରି ଯୌତୁକ ଲୋଭି ରାକ୍ଷସ ମାନେ କାହାର ଜୀବନ ନେଇଯିବେ ତାର ସୂଚନା କାହା ପାଖରେ ନାହିଁ । ଏହି ଭଳି ଘଟଣା ବାରମ୍ବାର ଘଟୁଥିଲେ ମଧ୍ୟ ଏହାକୁ କିଭଳି ସମ୍ପୂର୍ଣ୍ଣ ବନ୍ଦ କରାଯାଇ ପାରିବ ସେ ନେଇ କୌଣସି ବାଟ ମିଳୁନାହିଁ । ମିଳିଥିବା ସୂଚନା ଅନୁଯାୟୀ, ଅଭିଯୋଗକାରୀ ସନାତନ ରାଉତଙ୍କ ଅଭିଯୋଗ କ୍ରମେ ସେ ତାଙ୍କ ଝିଆରୀ କବିତାଙ୍କୁ ଗତ ୧୯.୦୨.୨୦୨୪ ରିଖ ରେ ହିନ୍ଦୁ ରୀତିନୀତି ଅନୁସାରେ ମନ୍ଦାରୀ ନିବାସୀ ରତିକାନ୍ତ ଭୋଇଙ୍କ ସହିତ ବିବାହ କରାଇଥିଲେ । ବିବାହ ସମୟରେ କନ୍ୟା ପକ୍ଷରୁ ବର ପକ୍ଷଙ୍କୁ ବର ପକ୍ଷର ଦାବି ମୁତାବକ ଯୌତୁକ ଦେଇ ଥିଲେ । ମାତ୍ର ବାହାଘରର ପନ୍ଦର ଦିନ ପରେ ରତିକାନ୍ତଙ୍କ ପରିବାର ତରଫରୁ ଆଉ ୫୦ ହଜାର ଅଧିକ ଯୌତୁକ ଦାବି କରି କବିତାଙ୍କୁ ଶାରିରୀକ ମାନସିକ ନିର୍ଯ୍ୟାତନା ସହିତ ଜୀବନରୁ ମାରି ଦେବାକୁ ଧମକ ଦେଉଥିଲେ । ଏ ନେଇ କିଛି ଦିନ ତଳେ ବର ପକ୍ଷ ଓ କନିଆଁ ପକ୍ଷ ମଧ୍ୟରେ ଆପୋଷ ବୁଝାମଣା ମଧ୍ୟ ହୋଇଥିଲା । ମାତ୍ର ଆଜି ବାସୁଦେବପୁର ମେଡିକାଲକୁ କୌଣସି କାମରେ ତାଙ୍କ ଗାଁର ଜଣେ ପିଲା ଯାଇଥିବାବେଳେ ମେଡିକାଲରେ କବିତାର ମୃତ ଦେହ ଦେଖି ଆଶ୍ଚର୍ଯ୍ୟ ହେବା ସହ ତାଙ୍କ ଘରକୁ ଖବର ଦେଇଥିଲେ । ଖବର ପାଇ କବିତାଙ୍କ ଦାଦା ମେଡ଼ିକାଲରେ ପହଞ୍ଚି କବିତାର ମୃତଦେହ ପଡ଼ିଥିବା ଏବଂ ଶାଶୁଘର ଲୋକେ କେହି ନଥିବା ଦେଖିବାକୁ ପାଇଥିଲେ । ଏଭଳି ମୃତ କବିତାଙ୍କ ପାଖରେ ତାଙ୍କ ସ୍ୱାମୀ ଓ ପରିବାରର ଲୋକ କେହି ନଥିବା ରୁ ଆମ ପରିବାରର ସନ୍ଦେହ ଆହୁରି ବଢି ଯାଇଥିଲା । ଅପରପକ୍ଷରେ କବିତାଙ୍କର କେମିତି ମୃତ୍ୟୁ ହେଲା ଓ କାହିଁକି ହେଲା ଏ ନେଇ ଶାଶୁଘର ଲୋକଙ୍କ ପ୍ରତିକ୍ରିୟା ମିଳିପାରିନାହିଁ । ତେବେ କବିତା ତିନି ମାସର ଗର୍ଭବତୀ ଥିବା ଜଣାପଡ଼ିଛି । ଏ ନେଇ ବାସୁଦେବପୁର ପୋଲିସ ଅଭିଯୋଗ ପାଇବା ପରେ ଘଟଣାକୁ ଗମ୍ଭୀରତା ସହିତ ନେଇ ତଦନ୍ତ ଆରମ୍ଭ କରିଛି । କବିତାଙ୍କ ମୃତ୍ୟୁ କେମିତି ହେଲା ଆଉ କେଉଁ କାରଣରୁ ହେଲା ତାର ଉପଯୁକ୍ତ ତଦନ୍ତ କରି କବିତାଙ୍କ ପରିବାରଙ୍କୁ ଉଚିତ୍ ନ୍ୟାୟ ପ୍ରଦାନ କରିବେ ବୋଲି କବିତାଙ୍କ ପରିବାର ଆସା ବାନ୍ଧି ବସିଛନ୍ତି ।