କଟକ ଜିଲ୍ଲା ନୂଆପାଟଣା ଠାରେ ବିର୍ସାମୁଣ୍ଡା ପ୍ରଭାତ ଶାଖା ପକ୍ଷରୁ ଆନ୍ତର୍ଜାତିୟ ଯୋଗ ଦିବସ
#ଚୌଦ୍ୱାର (ଏନ୍.ଏମ୍.): ଯୋଗ ଦୂରକରେ ରୋଗ । ଯୋଗ ଭାରତର ଏକ ମୌଳିକ ଉପଚାର ଯାହାର ଶାରିରୀକ ଓ ମାନସିକସ୍ତରରେ ବେଶ ପ୍ରଭାବ ପକାଇଥାଏ । ଭାରତର ମୁନିରୁଷିମାନଙ୍କ ଠାରୁ ଆରମ୍ଭ ହୋଇଥିବା ଯୋଗ ସ୍ୱାସ୍ଥ୍ୟ ପାଇ ବେଶ ଉପଯୋଗୀ । ଯୋଗ ୱହ ପ୍ରକାଶ ହେ, ଯୋ ଏକ ବାର ଜଲା ଦିଆ ଯାଏ ତୋ, କଭି କମ ନେହିଁ ହୋତା, ପୁନଶ୍ଚ ମହର୍ଷ ପତଞ୍ଜଳିଙ୍କ ଭାଷାରେ ଯୋଗ ମନର ଦୁଃଖକୁ ମଧ୍ୟ ପରିସମାପ୍ତି କରିଥାଏ । ତେଣୁ କୁହାଯାଏ ଯୋଗ ଧର୍ମ ନେହି ବିଜ୍ଞାନ ହେ… ଇସ ମେ ଶରୀର, ମନ ଔର ଆତ୍ମା କୋ ଯୋଡ଼ନେ କା ବିଧାନ ହେ । ଗୋଟିଏ ପଟେ ଆମ୍ଭେ ପାଶ୍ଚାତ ସଭ୍ୟତା ପଛରେ ଧାଉଁଥିବାବେଳେ ବିଶ୍ୱର ଅନେକ ଦେଶ ଆଜି ଭାରତର ଯୋଗକୁ ଗ୍ରହଣ କରିଛନ୍ତି । ତେବେ ଯୋଗ କ୍ଷେତ୍ରରେ ଭାରତ ଆଜି ବିଶ୍ୱଗୁରୁ ପାଲଟି ଯାଇଛି । ୯ବର୍ଷ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗର ପ୍ରଚାର ପସାର ନିମନ୍ତେ ଯେଉଁ ଅଙ୍କୁରୋଦମ କରିଥିଲେ ତାହା ଆଜି ଏକ ବିରାଟ ଦ୍ରୁମରେ ପରିଣତ ହୋଇଛି । ଏହି ପରିପ୍ରେକ୍ଷୀରେ ଭାରତ ଆଜି ପାଳନ କରୁଛି ନବମ ଆନ୍ତର୍ଜାତିୟ ଯୋଗ ଦିବସ । ଏହି ଅବସରରେ କଟକ ଜିଲ୍ଲା ଚୌଦ୍ୱାର ନୂଆପାଟଣା ଠାରେ ବିର୍ସାମୁଣ୍ଡା ପ୍ରଭାତ ଶାଖା ଅନୁଷ୍ଠାନ ତରଫରୁ ସମୂହ ଯୋଗାଭ୍ୟାସ ପାଳନ ହୋଇଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ଜୁନ ମାସ ୨୧ତାରିଖକୁ ଆନ୍ତର୍ଜାତିକ ଯୋଗ ଦିବସ ରୁପେ ଘୋଷିତ କରାଯାଇଥିଲା । ସାରାଦେଶ ଏହି ଦିନଟିକୁ ଯୋଗ ଦିବସ ରୂପେ ପାଳନ କରୁଛି । ଉକ୍ତ ଶିବିରକୁ ଯୋଗଗୁରୁ ସରୋଜ କାନ୍ତ ପାଇଟାଲ ତଥା ରାଷ୍ଟ୍ରୀୟ ସ୍ୱଂୟ ସେବକ ସଂଘ କଟକ ଜିଲ୍ଲାର ସେବା ପ୍ରମୁଖ ଙ୍କ ତତ୍ତ୍ୱ ଅବଧାନରେ ଓ କୟଳପଡା ପି ଏସ୍ ସି ର ଯୋଗ ଶିକ୍ଷକ ନାରାୟଣ ମିଶ୍ରଙ୍କ ପ୍ରଶିକ୍ଷଣ ରେ ଗ୍ରାମର ଅନେକ ଜନସାଧରଣ ଏହି ଯୋଗ ଶିବିରରେ ଭାଗ ନେଇଥିଲେ । ତେବେ ଯୋଗ କରିବା ଦ୍ୱାରା ବିଭିନ୍ନ ରୋଗରୁ ଉପଶମ ମିଳିଥାଏ, ତଥା ମାନସିକ ଶାନ୍ତି ମିଳିବା ସମେତ ନିଜକୁ ସୁସ୍ଥ ସୁନ୍ଦର ଓ ନିରାମୟ କିଭଳି ରଖିହେବ ଏହା ଉପରେ ଆଲୋକ ପାତ କରିଥିଲେ ।