ସିଏମସି ପକ୍ଷରୁ ଚଳିତ ବର୍ଷର “ଷୋଳପୁଅ ମା” ପୂଜାପାଇଁ ପ୍ରସ୍ତୁତି ବୈଠକ

#କଟକ(ଏନ୍‌.ଏମ୍‌.): ଚଳିତ ବର୍ଷ ପାଇଁ ଷୋଳପୁଅ ମା’ ପୂଜା ନେଇ ସିଏମସି ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ସ୍ଥାନୀୟ ବିଜୁ ଭବନଠାରେ ସିଏମସି ମେୟର ସୁବାସ ସିଂହଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ପୂଜା ସମୟରେ ତେଲଗୁ ସମ୍ପ୍ରଦାୟ ଅଞ୍ଚଳରେ ପରିମଳ ବ୍ୟବସ୍ତା, ଦୁଇ ଓଳି ରାସ୍ତା ସଫେଇ, ୨୪ ଘଣ୍ଟା ଶୁଦ୍ଧ ପାନୀୟ ଜଳ ଯୋଗାଣ, ଆଲୋକୀକରଣ, ସୁରକ୍ଷା ପ୍ରଭୁତି ବିଷୟରେ ଏହି ବୈଠକ ରେ ଆଲୋଚନା ହୋଇଥଲା। ଚଳିତ ମାସ ୨୨ ରୁ ୨୪ ତାରିଖ ପର୍ଯ୍ୟନ୍ତ “ଷୋଳପୁଅ ମା” ପୂଜା ପାଇବେ ଏବଂ “ଷୋଳପୁଅ ମା” ଯୋଉଁ ରାସ୍ତା ଦେଇ ସହର ପରିକ୍ରମା କରିବେ ତାହାକୁ ଯଥା ଶୀଘ୍ର ମରାମତି କରିବା ପାଇଁ “ଷୋଳପୁଅ ମା” କମିଟି ସଦସ୍ୟମାନେ ମେୟର ଶ୍ରୀ ସିଂହଙ୍କୁ ଅନୁରୋଧ କରିଥିଲେ। କଟକରେ ରହୁଥିବା ତେଲଗୁ ସମ୍ପ୍ରଦାୟର ଲୋକ ମାନେ “ଷୋଳପୁଅ ମା” ପୂଜା କୁ ବହୁତ ଧୁମ ଧାମରେ ପାଳନ କରିଥାନ୍ତି। ଏଥି ନିମନ୍ତେ ବିଭିନ୍ନ ବିଭାଗ ମଧ୍ୟରେ ସମନ୍ୱୟ ରକ୍ଷା କରିବା ପାଇଁ ମାନ୍ୟବର ମେୟର ଶ୍ରୀ ସିଂହଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା। ଏହି ଅବସରରେ ମେୟର ସୁବାସ ସିଂହଙ୍କ ସହିତ ସି.ଏମ.ସି କମିଶନର ଅନାମ ଚରଣ ପାତ୍ର, ଡେପୁଟି ମେୟର ସୁଶ୍ରୀ ଦମୟନ୍ତୀ ମାଝୀ, ଷ୍ଟାଣ୍ଡିଙ୍ଗ କମିଟି ଅଧ୍ୟକ୍ଷା ଏ.ଶ୍ରୀଦେବୀ, ଷ୍ଟାଣ୍ଡିଙ୍ଗ କମିଟି ଅଧ୍ୟକ୍ଷା ଦିପ୍ତିମୟୀ ମୁଲିଆ, ଷ୍ଟାଣ୍ଡିଙ୍ଗ କମିଟି ଅଧ୍ୟକ୍ଷ ପ୍ରଦୀପ୍ତ କିଶୋର ଖୁଣ୍ଟିଆ, କର୍ପୋରେଟର କୁରେଷା ନୁର, କର୍ପୋରେଟର ଇଫତିକାର ଆଲାମ, କର୍ପୋରେଟର ଚନ୍ଦନ ଜେନା, କର୍ପୋରେଟର ଲିଜା ରାଣୀ ରାଉତ, ସି.ଏମ.ସି ସ୍ୱାସ୍ଥ୍ୟ ଅଧିକାରୀ ଡାକ୍ତର ସତ୍ୟବ୍ରତ ମହାପାତ୍ର, ସମସ୍ତ ଉପ ଆୟୁକ୍ତ, ଅଧିକାରୀ, ତେଲଗୁ ସମ୍ପ୍ରଦାୟର କର୍ମକର୍ତ୍ତା ଯଥା ଏ. ଉମେଶ କୁମାର, ଏନ. ନିଖିଲ କୁମାର, ଜି. ଗୌରୀ ଶଙ୍କର ଆଚାର୍ଯ୍ୟ, କେ. ଦୁର୍ଗା ପ୍ରସାଦ, ବି.ଶ୍ରୀନିବାସ, ଓ.ଶ୍ରୀନିବାସ, କାମେଶ୍ୱର ରାଓ, କେ.ରମେଶ ରାଓ, ବି.ବେକେଟେସ ରାଓ, ପ୍ରଦୀପ ସିଂହ, ଏନ . ହୃଷିକେଶ ରାଓ, କେ.ପ୍ରସାଦ ରାଓ, ବି. ଚନ୍ଦ୍ରିୟା, ବି. ଅପ୍ପନ, ପ୍ରଫୁଲ୍ଲ କୁମାର ସାହୁ, ପଞ୍ଚାନନ ଦାସ, ୱାଇ. ରାମାରାଓ, ୱାଇ. ଆପାଟ, କେ. ଶ୍ରୀରାମ,ଏନ. ଉଗାଡ଼ି, ଦେବେନ୍ଦ୍ର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ।