ଶ୍ରୀଶ୍ରୀ ଜଗନ୍ନାଥ କ୍ଲବର ନୂତନ କର୍ମକର୍ତ୍ତା ନିର୍ବାଚନ
#କଟକ(ଏନ୍.ଏମ୍.): ସ୍ଥାନୀୟ ତୁଳସୀପୁର ମଠସାହି ସ୍ଥିତ ବହୁ ପୁରାତ ଶ୍ରୀଶ୍ରୀ ଜଗନ୍ନାଥ କ୍ଲବର କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି । ଏହି ନିର୍ବାଚନରେ ଅଜିତ କୁମାର ବେହେରା ସଭାପତି ଭାବେ ନିର୍ବାଚିତ ହୋଇଥିବାବେଳେ ସମ୍ପାଦକ ଭାବେ ଭରତ ସାହୁ, କ୍ରୀଡ଼ା ସମ୍ପାଦକ ଜଗନ୍ନାଥ ସେଠୀ ନିର୍ବାଚିତ ହୋଇଛନ୍ତି । ସେହିଭଳି ଉପସଭାପତି ଭାବେ ଶେଖର ସୁମନ ସାହୁ, ସହ ସମ୍ପାଦକ ପବିତ୍ର କୁମାର ଦାସ, ନାଟ୍ୟସମ୍ପାଦକ ଚିତ୍ତରଞ୍ଜନ ନାୟକ, କୋଷାଧ୍ୟକ୍ଷ ଭାବେ ଲକ୍ଷ୍ମୀଧର ସାହୁ ନିଦ୍ୱର୍ନ୍ଦରେ ନିର୍ବାଚିତ ହୋଇଛି । କ୍ଲବର କର୍ମକର୍ତ୍ତା ନିର୍ବାଚନ ପ୍ରତି ୩ବର୍ଷରେ ଥରେ ଲେଖାଏ ହୋଇଥାଏ । ୧ହଜାରରୁ ଉର୍ଦ୍ଧ୍ୱ ସଦସ୍ୟଙ୍କୁ ନେଇ ଗଠିତ ଏହି କ୍ଲବରେ ୫୪୦ଜଣ ସଦସ୍ୟ ମତଦାନ କରିଥିଲେ । ବରିଷ୍ଠ ନିର୍ବାଚନ ଅଧିକାରୀ ଚନ୍ଦ୍ରମଣି ସାହୁ, ଆନନ୍ଦ ଚନ୍ଦ୍ର ରଣା, ସଞ୍ଜିବ କୁମାର ମହାନ୍ତି, ମୁରବୀ କାହ୍ନୁଚରଣ ବେହେରା, ପଞ୍ଚାୟତ ସଭାପତି ପ୍ରଫୁଲ୍ଲ କୁମାର ବେହେରା ଏବଂ ମୁଖ୍ୟ ନିର୍ବାଚନ ଅଧିକାରୀ ଅଶୋକ କୁମାର ଦଳାଇ ପ୍ରମୁଖ ନିର୍ବାଚନକୁ ଶାନ୍ତିଶୃଙ୍ଖଳାର ସହ ପରିଚାଳନା କରିଥିଲେ ।