ଶକ୍ତିବାହିନୀ ପକ୍ଷରୁ ହନୁମାନ ଚାଳିଶା ପଠନ ପ୍ରତିଯୋଗୀତା


କଟକ(ଏନ୍‌.ଏମ୍‌.): କଟକ ଜିଲ୍ଲା ବ୍ରାହ୍ମଣ ମହାସଭା ଶକ୍ତିବାହିନୀ ଶାଖା ପକ୍ଷରୁ ମହାନଦୀବିହାର ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ମଧ୍ୟରେ ହନୁମାନ ଚାଳିଶା ପଠନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଶକ୍ତିବାହିନୀ ସମ୍ପାଦିକା ସ୍ନେହ ନନ୍ଦ ଏହି କାର୍ଯ୍ୟକ୍ରମଟିକୁ ପରିଚାଳନା କରିଥିଲେ। ବିଚାରକ ଭାବେ ସଭ୍ୟ ନିରଞ୍ଜନ ପାଢ଼ୀ, ଅରୁନ୍ଧତୀ ମିଶ୍ର ଏବଂ ଶିକ୍ଷୟତ୍ରୀ ଶୈଳବାଳା ପ୍ରଧାନ ପ୍ରମୁଖ ଯୋଗଦାନ କରିଥିଲେ। ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ନିବେଦିତା ନାୟକଙ୍କୁ କଟକ ଜିଲ୍ଲା ବ୍ରାହ୍ମଣ ମହାସଭାର ସଭାପତି ପ୍ରମୋଦ ମିଶ୍ର ସମ୍ବର୍ଦ୍ଧିତ କରିଥିଲେ। ପ୍ରତିଯୋଗୀତାରେ ଲକ୍ଷ୍ମୀପ୍ରିୟା ନାୟକ, ବର୍ଷାରାଣୀ ଜେନା ଏବଂ ଦିବ୍ୟରଞ୍ଜନ ଜାନୀ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରି ଟ୍ରଫି ଅର୍ଜନ କରିଥିବା ବେଳେ ଅବଶିଷ୍ଟ ଛାତ୍ରଛାତ୍ରୀଙ୍କୁ ସାନ୍ତ୍ୱନାମୂଳକ ପୁରସ୍କାର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ଚାରୁଲତା ଷଢ଼ଙ୍ଗୀ, ସୁଷମା ହୋତା, କବିତା ମିଶ୍ର, ଦେବାଷିଶ ଦାସ, ସୁଦର୍ଶନ ଦାସ ପ୍ରମୁଖ ଯୋଗଦାନ କରିଥିବା ବେଳେ ସଭ୍ୟା ସୁଶ୍ରୀ ପ୍ରତିମା ଶତପଥୀ ଧନ୍ୟବାଦ ଅର୍ପଣ କରିଥିଲେ।

By admin

Leave a Reply

Your email address will not be published. Required fields are marked *