ଲୋକ ଅଦାଲତରେ ୧୯୩୪୬୩ଟି ମାମଲାର ଫଇସଲା
କଟକ(ଏନ୍.ଏମ୍.): ରାଜ୍ୟ ଆଇନସେବା ପ୍ରାଧିକରଣ ପକ୍ଷରୁ ଚତୁର୍ଥ ରାଷ୍ଟ୍ରୀୟ ଲୋକ ଅଦାଲତ ରାଜ୍ୟର ୩୦ଟି ଜିଲ୍ଲା ସମେତ କଟକ ଡେବ୍ଟ ରିକୋଭରୀ ଟ୍ରିବ୍ୟୁନାଲ୍, ଷ୍ଟେଟ୍ କଞ୍ଜ୍ୟୁମର ରିଡ୍ରେସାଲ୍ କମିଶନ, କଟକ, ଇଣ୍ଡଷ୍ଟ୍ରିଆଲ୍ ଟ୍ରିବ୍ୟୁନାଲ୍, ଭୁବନେଶ୍ୱର, ଏଜୁକେଶନ୍ ଟ୍ରିବ୍ୟୁନାଲ୍ ଭୁବନେଶ୍ୱରରେ ଅନୁଷ୍ଠିତ ହୋଇଯାଇଛି । ରାଜ୍ୟ ଆଇନସେବା ପ୍ରାଧିକରଣର ପୃଷ୍ଠପୋଷକ ତଥା ଓଡିଶା ହାଇକୋର୍ଟର ମୁଖ୍ୟ ବିଚାରପତି ନ୍ୟାୟମୂର୍ତ୍ତି ଚକ୍ରଧାରୀ ଶରଣସିଂ ଏବଂ ରାଜ୍ୟ ଆଇନସେବା ପ୍ରାଧୀକରଣର କାର୍ଯ୍ୟକାରୀ ଅଧ୍ୟକ୍ଷ ତଥା ଓଡିଶା ହାଇକୋର୍ଟର ବିଚାରପତି ଅରିନ୍ଦମ ସିହ୍ନାଙ୍କ ପୃଷ୍ଠପୋଷକତାରେ ଅନୁଷ୍ଠିତ ଏହି ଲୋକ ଅଦାଲତରେ ମୋଟ ଲୋକ ଅଦାଲତରେ ୧୯୩୪୬୩ଟି ମାମଲାର ଫଇସଲା ହୋଇଛି। ଫଇସଲା ବାବଦକୁ ୧୬୫୪୭୩୩୨୧୭ଟଙ୍କା ଆଦାୟ ହୋଇଛ। ଏହି ଲୋକ ଅଦାଲତରେ ୧୬୮୩୩ଟି କୋର୍ଟରେ ଥିବା ମାମଲାର ଫଇସଲା ହୋଇଥିବାବେଳେ ୧,୭୦,୭୦୭ଟି ରାଜସ୍ୱ ସମ୍ପର୍କିତ ମାମଲାର ଫଇସଲା ହୋଇଯାଇଛି। ସେହିପରି ୫,୯୨୩ଟି ପ୍ରାକ୍ ବିବାଦ ମାମଲାର ମଧ୍ୟ ଫଇସଲା ହୋଇଯାଇଛି। ଅନ୍ୟପକ୍ଷରେ ୧୦୯୭୭ଟି ଫୌଜଦାରୀ ମାମଲାର ôଫଇସଲା ହୋଇଥିବାବେଳେ ୧୬୬୬ଟି ଦେୱାନୀ ମାମଲଶର ଫଇସଲା ହୋଇଛି।