ରେଭେନ୍ସାର ନାମ ପରିବର୍ତ୍ତନ ମନ୍ତବ୍ୟ ପ୍ରତ୍ୟାହାର ସମେତ ୩୨ ଦଫା ଦାବିରେ ରେଭେନ୍ସାରେ ଛାତ୍ର ବିକ୍ଷୋଭ
#କଟକ(ଏନ୍.ଏମ୍.): ରେଭେନ୍ସା ବିଶ୍ୱବିଦ୍ୟାଳୟର ନାମ ପରିବର୍ତ୍ତନ ପାଇଁ କେନ୍ଦ୍ର ଶିକ୍ଷାମନ୍ତ୍ରୀ ଦେଇଥିବା ମନ୍ତବ୍ୟକୁ ପ୍ରତ୍ୟାହାର କରିବା ପାଇଁ ପଦକ୍ଷେପ ନେବା, ରେଭେନ୍ସାରେ ଖାଲି ପଡିଥିବା ସମସ୍ତ ଅଧ୍ୟାପକ ଓ କର୍ମଚାରୀ ପଦବୀରେ ତୁରନ୍ତ ସ୍ଥାୟୀ ନିଯୁକ୍ତି ଦେବା, ପ୍ରତ୍ୟକ୍ଷ ଛାତ୍ର ସଂସଦ ନିର୍ବାଚନ ପ୍ରଚଳନ କରିବା, ସମସ୍ତ ଅଶାୟୀଙ୍କୁ ହଷ୍ଟେଲ ସୁବିଧା ଯୋଗାଇଦେବା, ଉପସ୍ଥାନ ଭିତ୍ତିରେ ମାର୍କଦେବା ବନ୍ଦ, ଲାଇବ୍ରେରୀରେ ଯଥେଷ୍ଟ ସଂଖ୍ୟାରେ ବହି ଯୋଗାଇଦେବା, ଛାତ୍ର ପରିଚୟ ପତ୍ର ଦିଆଯାଇନଥିବା ଛାତ୍ରଛାତ୍ରୀଙ୍କୁ ବିନା ପରିଚୟ ପତ୍ରରେ ଲାଇବ୍ରେରୀରୁ ବହି ଇସ୍ୟୁ କରିବା, ରିଡିଂ ରୁମ୍?ରେ ସିଟ୍ ସଂଖ୍ୟା ବୃଦ୍ଧି କରିବା, ବାର୍ଷିକ କ୍ୟାଲେଣ୍ଡର ଓ ଟାଇମ୍ ଟେବୁଲର ଛାପା କପି ପ୍ରଦାନ କରିବା, ନିର୍ଦ୍ଦିଷ୍ଟ ସମୟସୀମା ସୁଦ୍ଧା ସିଲାବସ ଶେଷକରି ପରୀକ୍ଷା ଓ ତୃଟିଶୂନ୍ୟ ଫଳ ପ୍ରକାଶନ କରିବା, ସମସ୍ତ ଜର୍ନାଲ ପଢିବାର ସୋଯୋଗ ଦେବା, ଇଂଟରନାଲ ପରୀକ୍ଷା ଫିସ୍?୧୦୦ ଟଙ୍କା ଆଦୟକୁ ସମ୍ପୂର୍ଣ୍ଣଭାବେ ବନ୍ଦ କରିବା, ସେମିଷ୍ଟର ପରୀକ୍ଷା ଭଳି ଇଂଟରନାଲ ପରୀକ୍ଷା ସୁଚୀକୁ କେନ୍ଦ୍ରୀୟଭାବେ ଘୋଷଣା କରିବା ତଥା ମଡରେସନ ବୋର୍ଡ ଦ୍ୱାରା ପ୍ରଶ୍ନପତ୍ର ସ୍ଥିର କରିବା, ୯୦ ଦିନର ଶିକ୍ଷାଦାନ ପରେ ସେମିଷ୍ଟର ପରୀକ୍ଷା ଶେଷକରି ୧୫ ଦିନ ମଧ୍ୟରେ ପରୀକ୍ଷା ଫଳ ଘୋଷଣା କରିବା ଏବଂ ତା’ ପର ୧୫ ଦିନ ମଧ୍ୟରେ ଛାପା ମାର୍କସିଟ୍ ଯୋଗାଇଦେବା, ଲୋବ୍ରୋଟରୀ ଗୁଡିକର ଆଧୁନିକୀକରଣ କରିବା, ସମସ୍ତ ବିଭାଗରେ ପାନୀୟ ଜଳ ଯୋଗାଇଦେବା, ପରିମଳ ବ୍ୟବସ୍ଥାର ଉପଯୁକ୍ତ ପରିଚାଳନା ତଥା କ୍ୟାମ୍ପସରେ ଜଳବନ୍ଦୀ ସମସ୍ୟାର ସ୍ଥାୟୀ ପ୍ରତିକାର କରିବା, ଗୋଟିଏ ଛାତ୍ରୀନିବାସର ଅନ୍ତେବାସୀକୁ ଅନ୍ୟ ଏକ ଛାତ୍ରୀନିବାସକୁ ପ୍ରବେଶ କରିବାର ସୁଯୋଗ ଦେବା, ଛାତ୍ରୀନିବାସର ଅନ୍ତେବାସୀଙ୍କ ଅବିଭାବକଙ୍କ ପାଇଁ ସୌଚାଳୟର ବ୍ୟବସ୍ଥା କରିବା, କ୍ୟାମ୍ପସ ମଧ୍ୟରେ ଥିବା ସ୍ୱାସ୍ଥ୍ୟକେନ୍ଦ୍ରର ଅବ୍ୟବସ୍ଥା ଦୂର କରିବା, କୌଣସି କ୍ଲାସ ବନ୍ଦ କିମ୍ବା ଆରମ୍ଭ କରିବାର ୨୪ ଘଂଟା ସମୟ ପୂର୍ବରୁ ସୁଚନା ଦେବା, ଦୃଷ୍ଟିହୀନ ଓ ଦିବ୍ୟାଙ୍ଗ ଛାତ୍ରଛାତ୍ରୀ ତଥା ଅଧ୍ୟାପକମାନଙ୍କ ତ୍ୱରିତ ଇ-ରିକ୍ସା ସେବା ନିୟମିତଭାବେ ଯୋଗାଇଦେବା, ଛାତ୍ରୀନିବାସର ଅନ୍େଟବାସୀଙ୍କୁ ଅନ୍ତତଃ ପୂର୍ବଭଳି ଭିଜିଟିଙ୍ଗ ରୁମରେ ସାକ୍ଷାତ କରିବାର ସୁଯୋଗ ଦେବା, ହଷ୍ଟେଲଗୁଡିକର ବୋର୍ଡର୍ସ ମ୍ୟାନେଜମେଣ୍ଟ କମିଟିକୁ ଗଣତାନ୍ତ୍ରିକ ପ୍ରକ୍ରିୟାରେ ନିର୍ବାଚିତ କରିବା, ଶ୍ରେଣୀ ପ୍ରତିନିଧିମାନଙ୍କୁ ଗଣତାନ୍ତ୍ରିକ ପ୍ରକ୍ରିୟାରେ ନିର୍ବାଚନ କରିବା, କ୍ୟାମ୍ପସ ମଧ୍ୟରେ ସାଧାରଣ ଶୌଚାଳୟ ଓ ପାନୀୟଜଳର ବ୍ୟବସ୍ଥା କରିବା, ଜିମ୍ନାସିୟମର ଉପଯୁକ୍ତ ରକ୍ଷଣାବେକ୍ଷଣ ତଥା ପ୍ରତିଦିନ ଦୁଇବେଳା ୪ଘଣ୍ଟା ଲେଖାଏଁ ଖୋଲିବା ସହ ଜଣେ ନିୟମିତ ପ୍ରଶିକ୍ଷକଙ୍କୁ ନିଯୁକ୍ତି ଦେବା, ସେଭେନ୍ ପିଲାର୍ସ ଅଫ୍ ଓି୍ୱଜ୍ଡମକୁ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ବିଭିନ୍ନ କାର୍ଯ୍ୟକ୍ରମ ପାଇଁ ବୁକିଙ୍ଗ୍ କରିବା ପ୍ରକ୍ରିୟାକୁ ସହଜ ଓ ସରଳୀକୃତ କରିବା, ହେରିଟେଜ୍ ହଲରେ ଛାତ୍ରଛାତ୍ରୀଙ୍କ ବିଭିନ୍ନ କାର୍ଯ୍ୟକ୍ରମ ପାଇଁ ସୁଯୋଗ ଦେବା, ଖେଳପଡିଆରେ ପ୍ରତିଦିନ ଖେଳିବାର ସୁଯୋଗ ଦେବା, ବିଶ୍ୱବିଦ୍ୟାଳୟ ୱେବ୍ସାଇଟକୁ ବ୍ୟବହାର କରିବାକୁ ସରଳୀକୃତ କରିବା, ରେଭେନସା ମୁଖ୍ୟ କ୍ୟାମ୍ପସ ଓ ଦ୍ୱତୀୟ କ୍ୟାମ୍ପସ ମଧ୍ୟରେ ବସ୍ ସେବା ଯୋଗାଇଦେବା ଇତ୍ୟାଦି ପ୍ରମୁଖ ୩୨ ଦଫା ଦାବିରେ ରେଭେନ୍ସା ଛାତ୍ର କ୍ରିୟାନୁଷ୍ଠାନ କମିଟି ପକ୍ଷରୁ ଆଜି ରେଭେନ୍ସା ବିଶ୍ୱବିଦ୍ୟାଳୟରେ ଏକ ବିକ୍ଷୋଭ ପ୍ରଦର୍ଶନ କରାଯିବା ସହ କୁଳପତିଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ରେଭେନ୍ସାର ଛାତ୍ରନେତା ଅଶୋକ ତାଣ୍ଡି, ଅମରେନ୍ଦ୍ର ନାୟକ, ଆଦିଲ ରାଜା, ରିତ୍ୱିକ ମହାପାତ୍ର, ସୁରେନ୍ଦ୍ର ଜେନା, ସତ୍ୟବ୍ରତ ମୁଦୁଲି, ଗାୟତ୍ରୀ ସାହୁ, କସକ ଜେନା, ନୀନା ଜ୍ୟାକ୍ସନ ମାନିଆ, ପ୍ରତ୍ୟୁଷ ପାଣି, ଅଭିଜିତ ଜେନା, ସ୍ୱପ୍ନାରାଣୀ ପ୍ରଧାନ, ଭି. ବିନାୟକ ଦାସ, ଲତିକା ବେହେରା, ଅବିନାଶ ଦାସ, ନିଶାନ୍ତ ପୁରୋହିତ, ସୁଧାଂସୁ ଦାସ ପ୍ରମୁଖ ଏହି ବିକ୍ଷୋଭକୁ ପରିଚାଳନା କରିଥିଲେ। ଏହି ସମସ୍ତ ଦାବିଗୁଡିକୁ ପୂରଣ କରିବା ଦିଗରେ କର୍ତ୍ତୃପକ୍ଷ ତୁରନ୍ତ ପଦକ୍ଷେପ ନ ନେଲେ ଛାତ୍ର୍ର ଆନ୍ଦୋଳନକୁ ଶକ୍ତିଶାଳୀ କରାଯିବ ବୋଲି ରେଭେନ୍ସା ଛାତ୍ର କ୍ରିୟାନୁଷ୍ଠାନ କମିଟି ପକ୍ଷରୁ ଚେତାବନୀ ଦିଆଯାଇଛି ।