News by Amruta Nanda (BBSR)

‘ମହର୍ଷି’ ଚଳଚ୍ଚିତ୍ର ପାଇଁ ରାଜ୍ୟପାଳଙ୍କ ଆଶୀର୍ବାଦ ଲାଭ କଲେ ଅଭିନେତା ଚନ୍ଦନ

News by Amruta Nanda (BBSR)

#ଭୁବନେଶ୍ୱର(ଏନ୍‌.ଏମ୍‌.): ଭାରତବର୍ଷର ପ୍ରଥମ ସହିଦ୍ ଜୟୀ ରାଜଗୁରୁଙ୍କ ଜୀବନ ଉପରେ ଆଧାରିତ ଏସ୍‌.ଡି.ଡି. ଏଣ୍ଟରଟେନମେଣ୍ଟର ବହୁ ପ୍ରତୀକ୍ଷିତ ଚଳଚ୍ଚିତ୍ର “ମହର୍ଷି’ ଅଗଷ୍ଟ ୪ ତାରିଖରେ ସାରା ଓଡିଶାରେ ମୁକ୍ତିଲାଭ କରିବାକୁ ଯାଉଛି । ଉକ୍ତ ଚଳଚ୍ଚିତ୍ରର ଅଭିନେତା ଚନ୍ଦନ କର, ନିର୍ଦ୍ଦେଶକ ଓ ପ୍ରଯୋଜକ ପ୍ରଦୀପ କୁମାର ଓଡ଼ିଶାର ମହାମହିମ ରାଜ୍ୟପାଳଙ୍କୁ ଭେଟି ଚଳଚ୍ଚିତ୍ର ସମ୍ବନ୍ଧରେ ଜଣାଇବା ସହ ଚଳଚ୍ଚିତ୍ରର ସଫଳ ପାଇଁ ଆଶୀର୍ବାଦ ଲାଭ କରିଥିଲେ । ଚଳଚ୍ଚିତ୍ରଟି ସହିଦ୍ ଜୟୀ ରାଜଗୁରୁଙ୍କ ଜୀବନ କାହାଣୀ ଉପରେ ଆଧାରିତ ଓ ଏହା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ପ୍ରଥମ ଓଡ଼ିଆ ଚଳଚ୍ଚିତ୍ର ଜାଣି ମହାମହିମ ରାଜ୍ୟପାଳ ମହୋଦୟ ଅଭିନେତା ଚନ୍ଦନକୁ ଶୁଭେଚ୍ଛା ଜଣାଇଥିଲେ । ଏଠାରେ କହିରଖୁ ଯେ, ଅନେକ ଅବତାରରେ ଦେଖିଥିବା ଦର୍ଶକ ଏଥର ଚନ୍ଦନ କରଙ୍କୁ ଏକ ଭିନ୍ନ ଅବତାରରେ ଦେଖିବାକୁ ପାଇବେ । ଫିଲ୍ମର ଗୀତଗୁଡିକ ଅତି ହୃଦୟସ୍ପର୍ଶୀ ବୋଲି ପ୍ରଯୋଜନା ସଂସ୍ଥା ତରଫରୁ କୁହାଯାଇଛି । ସାମାଜିକ ଗଣମାଧ୍ୟମରେ ଏହି ଚଳଚ୍ଚିତ୍ରକୁ ନେଇ ଲୋକଙ୍କ ମଧ୍ୟରେ ଅନେକ ଉତ୍ସାହ ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ମଳୟ ମିଶ୍ର, ଗୀତ ରଚନା କରିଛନ୍ତି ଡ. ନିର୍ମଳ ନାୟକ । ଏହି ଚଳଚ୍ଚିତ୍ରରେ ଛତିଶଗଡ଼ର ଅଜୟ ପଟେଲ, ଶ୍ରୀତମ ଦାସ, ଦେବୀ ବାରିକ, ମୁକେଶ, ଜୀବନ ପଣ୍ଡା, ପ୍ରତିଭା ପଣ୍ଡା, ସରୋଜ ଦାସ, ମହିମା, ପ୍ରଶାନ୍ତ ନାୟକ ପ୍ରମୁଖ ଜୀବନ୍ତ ଅଭିନୟ କରିଛନ୍ତି ।

By admin

Leave a Reply

Your email address will not be published. Required fields are marked *