ବାସୁଦେବପୁର ପୌର ପରିଷଦରେ ଶ୍ରୀ ଜଗନ୍ନାଥ ଅର୍ପଣ ରଥ
#ବାସୁଦେବପୁର(ଏନ୍.ଏମ୍.): ଶ୍ରୀ ଶ୍ରୀ ପ୍ରସନ୍ନ ଦେବ ମନ୍ଦିର ପରିସରରେ ବାସୁଦେବପୁର ପୌର ପରିଷଦ ପକ୍ଷରୁ ଶ୍ରୀ ଜଗନ୍ନାଥଙ୍କ ପରିକ୍ରମା ପ୍ରକଳ୍ପ ପାଇଁ ଜଗନ୍ନାଥ ଅର୍ପଣ ରଥ ଶୁଭାରମ୍ଭ ହୋଇ ଯାଇଛି । ପୌର ଅଧ୍ୟକ୍ଷା ନିବେଦିତା ବେହେରା, ପୌର ଅଧିକାରୀ ସମୀର ରଞ୍ଜନ ଦାଶ, ପୌର ଉପାଧ୍ୟକ୍ଷ ଉତ୍ତମ ବାରିକ୍, ସ୍ଥାନୀୟ କାଉନସିଲର ଜୟନ୍ତୀ ସାହୁ ଓ କୁନ୍ତଳା ସେଠୀ ଉପସ୍ଥିତ ରହି ଶୁଭାରମ୍ଭ କରିଥିଲେ । ଏହି ଅବସରରେ ଏସଡିପିଓ ସୌରଭ ଅତା ଓ ଥାନା ଅଧିକାରିଣୀ ଲୋପାମୁଦ୍ରା ନାୟକ, ସମାଜସେବୀ ଶୁଭେନ୍ଦୁ ଭୂଷଣ ବେହେରା, ପୂର୍ବତନ କାଉନସିଲର ମାନସ ସାହୁ, କାଳନ୍ଦୀ ସାହୁ, ସୁଶାନ୍ତ ସେଠୀ, ମାନସ ପଟ୍ଟନାୟକ, ଗୌତମ ବେହେରା ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ମହିଳା ସ୍ୱୟଂ ସହାୟିକା ଗୋଷ୍ଠୀ ଗୁଡ଼ିକର ସଦସ୍ୟମାନେ ଉପସ୍ଥିତ ରହି ଶଙ୍ଖ ହୁଳୁ ହୁଳି ଦେଇ ରଥ ଶୁଭାରମ୍ଭ କାର୍ଯ୍ୟରେ ଯୋଗ ଦେଇଥିଲେ । ଶ୍ରୀ ଶ୍ରୀ ପ୍ରସନ୍ନ ଦେବ ମନ୍ଦିର ପରିସରରେ ଏକ ଭକ୍ତିପୂର୍ଣ୍ଣ ପରିବେଶ ସୃଷ୍ଟି ହେବା ସହ ଜୟ ଜଗନ୍ନାଥ ଧ୍ୱନିରେ ଚତୃଦିଗ ପ୍ରକମ୍ପିତ ହୋଇଥିଲା । ଏହି ରଥ ଅଞ୍ଚଳର ବିଭିନ୍ନ ୱାଡ ପରିକ୍ରମା କରିଥିଲା । ପୌର ପରିଷଦର ସହିତ ବିଭିନ୍ନ ସ୍ଥାନରେ ଏହି କାର୍ଯ୍ୟକ୍ରମ ଚାଲିଥିବାବେଳେ ରଥକୁ ଜନସାଧାରଣ ଭବ୍ୟ ସ୍ୱାଗତ କରୁଥିବା ଦେଖିବାକୁ ମିଳିଛି ।