ପବିତ୍ର ରଥଯାତ୍ରାରେ ଆନ୍ତର୍ଜାତୀୟ ମାନବ ଅଧିକାର ରକ୍ଷକର ସେବା କାର୍ଯ୍ୟ
ଅନୁଗୁଳ(ଏନ୍.ଏମ୍.): ଆନ୍ତର୍ଜାତୀୟ ମାନବ ଅଧିକାର ରକ୍ଷକ ତରଫରୁ ପବିତ୍ର ରଥଯାତ୍ରା, ମହାପ୍ରଭୂ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରା ଶତାଧିକ ଭକ୍ତଙ୍କ ସହଯୋଗରେ ରଥଯାତ୍ରା ସମ୍ପନ୍ନ ହୋଇଛି । ଆନ୍ତର୍ଜାତୀୟ ମାନବ ଅଧିକାର ରକ୍ଷକ ସମସ୍ତ ସଭ୍ୟ ମାନଙ୍କ ଅକୁଣ୍ଠସମର୍ଥନ ଓ ସହଯୋଗରେ ଖାଦ୍ୟ-ପେୟ ଓ ଜଳୀୟ ପାନର ବ୍ୟବସ୍ଥାର ଅତି ସୁନ୍ଦର ଓ ଶାନ୍ତି ଶୃଙ୍ଖଳା ସହିତ ସମ୍ପନ୍ନ ହୋଇଯାଇଛି । ସ୍ୱେଛାସେବୀଙ୍କ ଅକ୍ଲାନ୍ତ ପରିଶ୍ରମ ସହିତ ଏହି କାର୍ଯ୍ୟକ୍ରମରେ ରାସ୍ତା ଘାଟ ପରିଷ୍କାର, ଶାନ୍ତି ଶୃଙ୍ଖଳା ରକ୍ଷା କରିବା, ସ୍ୱାସ୍ଥ୍ୟ ସେବା, ପାନୀୟ ଜଳ ବଣ୍ଟନ, ସୂଚନା ପ୍ରଦାନ ଆଦି ସେବା କାର୍ଯ୍ୟରେ ନିୟୋଜିତ ହୋଇଥିଲେ । ଆନ୍ତର୍ଜାତୀୟ ମାନବ ଅଧିକାର ରକ୍ଷକ କର୍ତ୍ତୃପକ୍ଷଙ୍କ ସାହାଯ୍ୟ, ସ୍ଥାନୀୟ ଅଧିବାସୀମାନଙ୍କର ଏହି ପବିତ୍ର କାର୍ଯ୍ୟ ସମ୍ଭବ ହୋଇପାରିଛି । ବହୁ ଭକ୍ତ ଏହି ପ୍ରବଳ ଉତ୍ତାପରେ ସେମାନଙ୍କର ଶୋଷ ମେଣ୍ଟାଇବାକୁ ସକ୍ଷମ ସହିତ ପ୍ରଭୁ ଜଗନ୍ନାଥ, ବଳଭଦ୍ର ଏବଂ ସୁଭଦ୍ରାଙ୍କ ରଥ ଟାଣିବାରେ ମଧ୍ୟ ସାହାଯ୍ୟ କରିଥିଲେ । ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଆନ୍ତର୍ଜାତୀୟ ମାନବ ଅଧିକାର ରକ୍ଷକ ଅନୁଗୁଳ ମୁଖ୍ୟ କାର୍ଯ୍ୟାଳୟର ସଭ୍ୟଙ୍କର ମିଳିତ ସହଯୋଗ ଓ ଅକୁଣ୍ଠସମର୍ଥନ ଯୋଗୁଁ, ଆନ୍ତର୍ଜାତୀୟ ମାନବ ଅଧିକାର ରକ୍ଷକର ସମସ୍ତ ବିଦେଶ ଓ ଦେଶର ସମସ୍ତ ରାଜ୍ୟର ସଭ୍ୟମାନେ ମିଳିତଭାବେ ନିଜ ନିଜର ଧନ୍ୟବାଦ୍ ଓ ଶୁଭେଛା ଜଣାଇଛନ୍ତି ।