ନ୍ୟୁ ଷ୍ଟୁଆର୍ଟ ସ୍କୁଲର ୩୨ ତମ ବାର୍ଷିକ ପୁରସ୍କାର ବିତରଣ ଉତ୍ସବ

#କଟକ (ଏନ୍‌.ଏମ୍‌.): ସ୍ଥାନୀୟ ମିଶନରୋଡ଼ ସ୍ଥିତ ନ୍ୟୁ ଷ୍ଟୁଆର୍ଟ ସ୍କୁଲର ୩୨ ତମ ବାର୍ଷିକ ପୁରସ୍କାର ବିତରଣ ଉତ୍ସବ ସ୍କୁଲର ଅଧକ୍ଷ ରେଭେରାଣ୍ଡ ଡିକନ ମୋଜେସ ମହାନ୍ତିଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଛି ।ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ଓଡିଶା ସରକାରଙ୍କ ଉଚ୍ଚ ଶିକ୍ଷା ବିଭାଗ ନିର୍ଦ୍ଦେଶକ ରଘୁରାମ ଆୟର ଯୋଗ ଦେଇଥିଲେ । ସମ୍ମାନୀୟ ଅତିଥି ମାନଙ୍କ ମଧ୍ୟରେ ବିଦ୍ୟାଳୟ ପରିଚାଳନା କମିଟି ଚେୟାରମ୍ୟାନ ବିଶପ ରାଇଟ ରେଭେରାଣ୍ଡ ସୁରେନ୍ଦ୍ର କୁମାରନନ୍ଦ, ଡାଇଓସିଆନ ବୋର୍ଡ ଅଫ ଏଡୁକେସନ ସମ୍ପାଦକ ରେଭେରାଣ୍ଡ ଏଫ.ସି. ନର୍ଥ, ବିଦ୍ୟାଳୟର ସମ୍ପାଦକ ବିକ୍ରମ ଏନ. ଆଦମ, କଟକ ଷ୍ଟୁଆର୍ଟକଲେଜ ସମ୍ପାଦକ ସମରେନ୍ଦ୍ର ପ୍ରାମାଣିକ ପ୍ରମୁଖ ଯୋଗ ଦେଇଥିଲେ । ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନ ୨୫ ବର୍ଷ ପୁରଣ କରିଥିବା ଶିକ୍ଷକ ତଥା କର୍ମଚାରୀମାନଙ୍କୁ ତାଙ୍କ ସେବା ପାଇଁ ପୁରସ୍କୃତ କରାଯାଇଥିଲା । ବର୍ଷ ୨୦୨୨-୨୩ ଆଇସିଏସଇର ବାର୍ଷିକ ପରୀକ୍ଷାରେ କୃତିତ୍ୱ ଅର୍ଜନ ଏବଂ ବିଭିନ୍ନ ବିଷୟରେ ଶତ ପ୍ରତିଶତ ନମ୍ବର ରଖୁଥିବା ସମସ୍ତ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ବିଦ୍ୟାଳୟର ସମ୍ପାଦକ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ସ୍କୁଲ ଅଧ୍ୟକ୍ଷ ବାର୍ଷିକ ବିବରଣୀ ପାଠ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟର ସଂଯୋଜିକା ମୌସୁମୀ ଦାସ, ସୁମିତ୍ରା ପଣ୍ଡା, ଶିକ୍ଷୟତ୍ରୀ ରୀନାଦେବୀ, ପରିଚାଳନା କରିଥିଲେ । ଶିକ୍ଷୟତ୍ରୀ ଆଭା ବିଶ୍ୱାଳ, ରୋଜାଲୀନ ନାୟକ, ନିବେଦିତା ରାଉତ, ସୁସ୍ମିତା ପାତ୍ର ଉପସ୍ଥାପନା କରିଥିଲେ । ବିଦ୍ୟାଳୟର ଛାତ୍ରୀ ସ୍ନେହା ଘୋଷକୁ ବର୍ଷ ୨୦୨୨-୨୩ ର ଶ୍ରେଷ୍ଠ ବିଦ୍ୟାର୍ଥୀ ଭାବେ ପୁରସ୍କୃତ କରାଯାଇଥିଲା । ଶିକ୍ଷୟତ୍ରୀ ସୁଲତା ବେହେରା ଧନ୍ୟବାଦ ଦେଇଥିଲେ ।