ନିମପୁର ଶ୍ମଶାନରେ ଅତ୍ୟାଧୁନିକ ଶବଦାହ ଗୃହ ଉଦଘାଟିତ
#ଜଗତପୁର(ଏନ୍.ଏମ୍.): ସ୍ୱାୟତ୍ତ ଶାସନ ଦିବସ ଅବସରରେ କଟକ ମହାନଗର ଅନ୍ତର୍ଗତ ୪୮ନମ୍ବର ୱାର୍ଡ଼ ଜଗତପୁରସ୍ଥିତ ନିମପୁର ଶ୍ମଶାନରେ ଏକ ଅତ୍ୟାଧୁନିକ ଶବଦାହ ଗୃହ ଉଦ୍ଘାଟିତ ହୋଇଯାଇଛି । ଏଥିରେ କାଠ ବ୍ୟବହାର କରାଯାଇ ଶବଦାହ କରାଯିବ । ତେବେ ଏହି ଅତ୍ୟାଧୁନିକ କାଠ ଶବଦାହ ଗୃହର ନିର୍ମାଣ ପାଇଁ ମୋଟ ୬୩ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା । ସିଏମସି ମେୟର ସୁବାସ ସିଂଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥିଭାବେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଯୋଗ ଦେଇ ଏହି ଉନ୍ନତ ମାନର ଶବଦାହ ଗୃହକୁ ଉଦଘାଟନ କରିଥିଲେ । କିପରି ଭାବେ ଗରିବ ଶ୍ରେଣୀର ଲୋକେ ଖୁବ କମ ଖର୍ଚ୍ଚରେ ମୃତକଙ୍କ ସମ୍ପର୍କୀୟ ଶବଦାହ କରିପାରିବା ଭଳି ଅତ୍ୟାଧୁନିକ କୌଶଳରେ ଶବଦାହ ବ୍ୟବସ୍ଥ ରହିଛି । କାର୍ଯ୍ୟକ୍ରମରେ ସମ୍ମାନିତ ଅତିଥିଭାବେ ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ, ମନ୍ତ୍ରୀଙ୍କ ପ୍ରତିନିଧି ସେକ ସାହାଜାନ, ୪୮ନମ୍ବର ୱାର୍ଡ କର୍ପୋରେଟର ନଳିନୀ ବେହେରା ପ୍ରମୁଖ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।