ଚୌଦ୍ୱାର ମହାବିଦ୍ୟାଳୟରେ ଯୁବ ଓଡ଼ିଶା ଓ ନବୀନ ଓଡ଼ିଶା
#ଚୌଦ୍ୱାର(ଏନ୍.ଏମ୍.): ଯୁବପିଢିଙ୍କୁ ସଂଗଠିତ ଓ ସଶକ୍ତ କରିବାକୁ ଓଡ଼ିଶା ସରକାରଙ୍କ ପକ୍ଷରୁ ଏକ ନୂଆ ସାମାଜିକ, କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ କରିଛନ୍ତି । ଏହି ପରିପ୍ରେକ୍ଷୀରେ ଆଜି ଚୌଦ୍ୱାର ମହାବିଦ୍ୟାଳୟ ପରିସରରେ ଏହି କାର୍ଯ୍ୟକ୍ରମ ଉଦ୍ଘାଟନ ହୋଇଯାଇଛି । ପ୍ରଥମେ ଛାତ୍ରଛାତ୍ରୀମାନଙ୍କ ପକ୍ଷରୁ ସାଙ୍କୃତିକ କାର୍ଯ୍ୟକ୍ରମ ନାଚ, ଗୀତ ସହ ନିଜର ଅନ୍ତର୍ନିହିତ କଳା ଓ ପ୍ରତିଭା ମାନ ଦେଖାଇଥିଲେ । ମୁଖ୍ୟଅତିଥି ଭାବେ ଚୌଦ୍ୱାର କଟକର ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ଯୋଗ ଦେଇଥିବାବେଳେ ମୁଖ୍ୟବକ୍ତା ଭାବେ ଚୌଦ୍ୱାର ହିନ୍ଦ୍ ସେବକ ସଂଘର ଅଧକ୍ଷ ଦାମୋଦର ସାହୁ ଯୋଗ ଦେଇଥିଲେ । କେବଳ ଯେ ନାଚ, ଗୀତ ତାହା ନୁହେଁ କିଭଳି ନିଜକୁ ସାମାଜିକ କାମରେ ନିୟୋଜିତ କରିବା ସହ ସମାଜ ଓ ଦେଶ ତଥା ରାଜ୍ୟ ଗଠନରେ ନିଜକୁ ସାମିଲ କରିହେବ ଏନେଇ ଅତିଥି ମାନେ ମତବ୍ୟକ୍ତ କରିଥିଲେ । ପୁର୍ବତନ ବିଧାୟକ ନିଜର ଭାଷଣରେ ମାଧ୍ୟମରେ କଲେଜକୁ ପ୍ରାୟ ୧କୋଟି ୭୫ ଲକ୍ଷ ଟଙ୍କାର ଆର୍ôଥକ ଅନୁଦାନ ପ୍ରଦାନ କରାଯାଇଛି ବୋଲି କହିଥିଲେ । ଏହି କାର୍ଯ୍ୟକ୍ରମରେ କଲେଜର ପ୍ରିଏନ୍ସପାଲ ଉମେଶ ଚନ୍ଦ୍ର ଦେବତା, ଚୌଦ୍ୱାର ନଗରପାଳ ମାନସୀ ସ୍ୱର୍ଣ୍ଣପ୍ରଭା ସାମଲ, ଉପ ନଗରପାଳ ଶୁଭେନ୍ଦୁ ସାମଲ, ୧୭ ନମ୍ବର ୱାର୍ଡ କାଉସିଲର ଆଶୁତୋଷ ଦାସଙ୍କ ସମେତ କଲେଜର ଅଧ୍ୟାପକ, ଅଧ୍ୟାପିକା ଓ ସମସ୍ତ ଛାତ୍ର ଛାତ୍ରୀ ଉପସ୍ଥିତ ଥିଲେ । ସାହିତ୍ୟ ଅଧ୍ୟାପକ ପ୍ରଫୁଲ୍ଲ କୁମାର ସାହୁ କର୍ଯ୍ୟକ୍ରମ୍ ପରିଚାଳନା କରିଥିଲେ ।