ଗନ୍ଧର୍ବନାଥ ସେବାସମିତିର ଦ୍ୱିତୀୟ ବାର୍ଷିକ ଉତ୍ସବ

#ଚୌଦ୍ୱାର(ଏନ୍‌.ଏମ୍‌.): କଟକ ଜିଲ୍ଲା ଚୌଦ୍ୱାର ଅଞ୍ଚଳର ସ୍ୱେଚ୍ଛାସେବୀ ଅନୁଷ୍ଠାନ ଗନ୍ଧର୍ବନାଥ ସେବାସମିତିର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସଭାପତି ପ୍ରଶାନ୍ତ ମହାପାତ୍ରଙ୍କ ନେତୃତ୍ୱରେ ଚୌଦ୍ୱାର ଚିତ୍ରେଶ୍ୱର ଗ୍ରାମସ୍ଥିତ ଗନ୍ଧର୍ବନାଥ ମନ୍ଦିର ପ୍ରାଙ୍ଗଣରେ ପାଳିତ ହୋଇଥିଲା । ଉତ୍ସବରେ ପ୍ରଥମେ କୁନି କୁନି ପିଲାମାନଙ୍କ ଦ୍ୱାର ଓଡ଼ିଶୀ, ଭଜନ ସହ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ କରାଯାଇ ପରେ ଅତିଥିମାନଙ୍କୁ ମଞ୍ଚକୁ ନିମନ୍ତ୍ରଣ କରାଯାଇ ସେମାନଙ୍କ ପରିଚୟ ପ୍ରଦାନ ସହ ବ୍ୟାଚ, ପୁଷ୍ପଗୁଚ୍ଛ ଏବଂ ଉତ୍ତରୀୟ ପ୍ରଦାନ କରାଯାଇଥିଲା । କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ଟାଙ୍ଗୀ ସାଲେପୁର ବିଜେଡ଼ି ସଂଗଠକ ହିମାଂଶୁ ମହାନ୍ତି ଯୋଗଦେଇ ଥିବା ବେଳେ ମୁଖ୍ୟବକ୍ତା ଭାବେ ଗଣେଶ ପ୍ରସାଦ ବେହେରା, ଗ୍ରାମ ମୂରବୀ ନରେନ୍ଦ୍ର ମହାପାତ୍ର ପ୍ରମୁଖ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଓଡ଼ିଶାର ବିଭିନ୍ନ ଜିଲ୍ଲା ମାନଙ୍କରୁ ସମସ୍ତ ସ୍ୱେଛାସେବୀ ଅନୁଷ୍ଠାନ ମାନଙ୍କ ସହିତ ଆମ୍ବୁଲାନ୍ସ ଡ଼୍ରାଇଭର, ସଫେଇ କର୍ମଚାରୀ ଓ ଅନ୍ୟାନ୍ୟ ବିଭାଗର ସ୍ୱେଚ୍ଛାସେବୀମାନେ ଯୋଗଦେଇ ସମସ୍ତଙ୍କ ମହତ କାମ ପାଇଁ ସେମାନଙ୍କ ନିସ୍ୱାର୍ଥପର ସେବା ମନୋବୃତ୍ତି ଓ କର୍ମ ପାଇଁ ସମସ୍ତଙ୍କୁ ସମ୍ମାନିତ କରାଯାଇଥିଲା । ଏହି ଅବସରରେ ଚୌଦ୍ୱାର ଅଞ୍ଚଳ ଅନେକ ସାମ୍ବାଦିକ ମାନଙ୍କୁ ନିର୍ଭୀକ ସେବା ପାଇଁ ସମ୍ମାନିତ କରାଯାଇଥିଲା । କମିଟିର ସମ୍ପାଦକ ପରେଶ୍ ବାବୁ ଧନ୍ୟବାଦ୍ ଦେଇ ସଭା କାର୍ଯ୍ୟ ଶେଷ କରିଥିଲେ ।