ଚୌଦ୍ୱାର ହାଉସିଂବୋର୍ଡ଼ରେ ଜଗନ୍ନାଥ ମନ୍ଦିରକୁ ନେଇ ଚର୍ଚ୍ଚା
ଜଗନ୍ନାଥଙ୍କୁ ନେଇ ରାଜନୀତି ଓ ବ୍ୟବସାୟ କରାଯାଉଥିବା ଅଭିଯୋଗ

ଚୌଦ୍ୱାର(ଏନ୍‌.ଏମ୍‌.): ପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱବ୍ୟାପୀ ରଥଯାତ୍ରା ଏବେ ପ୍ରାୟ ଶେଷ ପର୍ଯ୍ୟାୟରେ। ଶ୍ରୀଗୁଣ୍ଡିଚା ଦିନ ପ୍ରଭୁ ଭାଇ ଭଉଣୀକୁ ନେଇ ଜନ୍ମବେଦୀକୁ ଯାଇଥିବାବେଳେ ବାହୁଡ଼ା ଦିନ ଶ୍ରୀମନ୍ଦିରକୁ ଫେରିଛନ୍ତି। ଏହାପରେ ଅଧରପଣା ଭୋଗ ହୋଇ ନିଳାଦ୍ରୀ ବିଜେ ହେବେ ମହାବାହୁ। ମାତ୍ର ଓଡ଼ିଆ ଜାତିର ଗର୍ବ ଆଉ ସ୍ୱାଭିମାନ ପ୍ରଭୁ ଜଗନ୍ନାଥଙ୍କୁ ନେଇ ରାଜନୀତି ଆଉ ବ୍ୟବସାୟ ଏଭଳି କାର୍ଯ୍ୟକୁ ନିନ୍ଦା କରିଛନ୍ତି ଚୌଦ୍ୱାର ଅ ଳବାସୀ। ଏଭଳି ଘଟଣା ଦେଖିବାକୁ ମିଳିଛି ଶିଳ୍ପ ନଗରୀ ଚୌଦ୍ୱାର ଅଞ୍ଚଳରେ। ଚୌଦ୍ୱାର ଭଳି ଗୋଟିଏ ଐତିହାସିକ ସ୍ଥାନରେ ପ୍ରଭୁ ଜଗତର ନାଥଙ୍କୁ ନେଇ ଯେଉଁଭଳି ଭାବେ ରାଜନୀତି କରାଯାଉଛି ତାହା ଅତ୍ୟନ୍ତ ଦୁର୍ଭାଗ୍ୟଜନକ। କେବଳ ସେତିକି ନୁହେଁ ଜଗନ୍ନାଥଙ୍କୁ ନେଇ ରସିଦ ଜରିଆରେ ଚାନ୍ଦା ଆଦାୟ କରିବା ଆଉ ଅନୁଷ୍ଠାନର ଜନୈକ ବ୍ୟକ୍ତି ନିଜେ ସବୁ କରୁଥିବା ଭଳି ଡିଣ୍ଡିମ ପିଟିବା ଘଟଣା ଆଦୌ ଗ୍ରହଣୀୟ ହୋଇ ପାରୁନାହିଁ। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଚୌଦ୍ୱାର ହାଉସିଂ ବୋର୍ଡ଼ ସ୍ଥିତ ଜଗନ୍ନାଥ ମନ୍ଦିରରେ। ନିଜକୁ ଜଗନ୍ନାଥଙ୍କ ଠାରେ ସମର୍ପି ଦେଇଥିବା କହିବୁଲୁଥିବା ମନ୍ଦିର ଟ୍ରଷ୍ଟର ଜଣେ କର୍ମକ ର୍ା ନିଜେ ଠାକୁରଙ୍କୁ ବନ୍ଧା ପକାଇ ଦେଇଥିବା ଚର୍ଚ୍ଚା ହେଉଛି। ରଥଯାତ୍ରା ସମୟରେ ଏହି କର୍ମକ ର୍ ନିଜେ ମନମୁଖୀ ଭାବେ ଛେରାପହରାଁ କରିବାକୁ ଜଣେ ରାଜନୈତିକ ବ୍ୟକ୍ତିବିଶେଷଙ୍କୁ ନିଯୁକ୍ତି ଦେବା। ବିଭିନ୍ନ ଠାକୁରଙ୍କ କାର୍ଯ୍ୟକ୍ରମରେ ରାଜନୈତିକ ଲୋକଙ୍କୁ ଗୁରୁତ୍ୱ ଦେଇ ଶ୍ରଦ୍ଧାଳୁମାନଙ୍କୁ ହତାଦର କରିବା ଭଳି ଘଟଣାକୁ ଚୌଦ୍ୱାରବାସୀ ସହଜରେ ଗ୍ରହଣ କରିପାରୁନାହାନ୍ତି। ପୂର୍ବ ପ୍ରଚଳିତ ନୀତି ନିୟମକୁ ଜଳାଞ୍ଜଳି ଦେଇ ସମ୍ପୃକ୍ତ କର୍ମକ ର୍ା ଜଣକ ପାରମ୍ପରିକ ସେବାରେ ଥିବା ଲୋକଙ୍କୁ ହଠାଇ ରାଜନୈତିକ ବ୍ୟକ୍ତି କିମ୍ବା ନିଜ ସମ୍ପର୍କୀୟଙ୍କୁ ଦାୟିତ୍ୱ ଦେଉଛନ୍ତି। ଏପରକି ସାଧାରଣ ଲୋକଙ୍କୁ ଡରେଇ, ଧମକେଇ ଚାନ୍ଦା ମାଗି ବ୍ୟାପକ ଆୟୋଜନ କରୁଛ ବୋଲି ଅ ଳବାସୀ ଅଭିଯୋଗ କରିଛନ୍ତି। ଏନେଇ ମନ୍ଦିର ଟ୍ରଷ୍ଟି ଶୁଭେନ୍ଦୁ ସାମଲଙ୍କୁ ଯୋଗାଯୋଗ କରିବାରେ ମନ୍ଦିରର ପ୍ରତ୍ୟେକ କାର୍ଯ୍ୟ କରିବା ପାଇଁ ସ୍ୱତନ୍ତ୍ର କମିଟି ରହିଛି। ମାତ୍ର ବିଗତ ଦିନରେ ମନ୍ଦିର କମିଟି ସହ ଜଡ଼ିତ ରହି ଦୁର୍ନୀତିମୂଳକ କାର୍ଯ୍ୟ କରି ତଡ଼ା ଖାଇବା ପରେ ସେମାନେ ନିଜ ନିଜ ସୋସିଆଲ ମିଡ଼ିଆ ମାଧ୍ୟମରେ ମନ୍ଦିର ପରିଚାଳନା କମିଟିକୁ ବଦନାମ କରିବାକୁ ଉଦ୍ୟମ କରୁଛନ୍ତି ବୋଲି ସେ ସଫେଇ ଦେଇଛନ୍ତି।