ଭୁବନେଶ୍ୱରରେ ପ୍ରଧାନମନ୍ତ୍ରୀ: ଦେଖିବା ପାଇଁ ଜନତା ମଇଦାନରେ ଜନସମୁଦ୍ର
ଭୁବନେଶ୍ୱର(ଏନ୍.ଏମ୍.): ରାଜଧାନୀ ଭୁବନେଶ୍ୱରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପହଞ୍ଚିବା ପରେ ଦଳୀୟ କର୍ମୀ ଓ ପ୍ରଶଂସକଙ୍କ ଉତ୍ସାହ ବେଶ ବଢ଼ିଯାଇଛି। ପ୍ରଧାନମନ୍ତ୍ରୀ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବା ପରେ ବଡ଼ ରୋଡ୍ ସୋ’ରେ ସେ ଜନତା ମଇଦାନ୍ରେ ପହଞ୍ଚିଥିଲେ। ପ୍ରଧାନମନ୍ତ୍ରୀ ମୋଦୀଙ୍କ ରୋଡ୍ ସୋ’ ପାଇଁ ରାଜ୍ୟ ବିଜେପି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିବାବେଳେ ପ୍ରଧାନମନ୍ତ୍ରୀଙ୍କୁ ଦେଖିବା ପାଇଁ ଜନତା ମଇଦାନ ନିକଟରେ ଜନସମୁଦ୍ର ଦେଖିବାକୁ ମିଳିଛି। ହାତରେ ବିଜେପି ପତାକା ଧରି ପ୍ରିୟ ପ୍ରଧାନମନ୍ତ୍ରୀ ମୋଦୀଙ୍କ ଫଟୋ ସହ ଦୀର୍ଘ ସମୟ ଧରି ଅପେକ୍ଷା କରି ରହିଥିଲେ ଜନତା। ଏବେ ରୋଡ୍ ସୋ’ ଜରିଆରେ ଲୋକଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ। ରାଜ୍ୟ ସରକାରଙ୍କ ବର୍ଷପୂର୍ତ୍ତି ଉତ୍ସବରେ ଯୋଗଦେବା ସହ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଥିଲା। ଏହି ଅବସରରେ ଜନସାଧାରଣଙ୍କୁ ପ୍ରଧାନମନ୍ତ୍ରୀ ମୋଦୀ ୧୮,୭୦୦ କୋଟିର ଭେଟି ଦେଇଛନ୍ତି। ଇଭି ବସ୍ ଡିପୋର ଉଦ୍ଘାଟନ ସହ ୧୦୦ଟି ନୂଆ ଇଭି ବସର ଶୁଭାରମ୍ଭ ମଧ୍ୟ କରିଛନ୍ତି।