ବସ୍ତିକୁ ଭାଗ ନକରି କର୍ମସ୍ଥଳୀରେ ଥଇଥାନ ଦାବିରେ ମିଳିତ ମଞ୍ଚର ଧାରଣା

କଟକ (ଏନ୍‌.ଏମ୍‌.) : ବେଆଇନ ଭାବେ ବସ୍ତି ବାସିନ୍ଦାଙ୍କୁ ଭାଗ ନକରି କର୍ମସ୍ଥଳୀରେ ସମସ୍ତଙ୍କୁ ଗୋଟିଏ ସ୍ଥାନରେ ଥଇଥାନ କରିବା ଦାବିରେ ବସ୍ତି ବାସିନ୍ଦାଙ୍କ ମିଳିତ ମଞ୍ଚ ପକ୍ଷରୁ ସିଏମସି ସମ୍ମଖରେ ଧାରଣା ଦିଆଯାଇଛି। ୫୪ ନମ୍ବର ଓ୍ୱାଡ ସ୍ଥିତ ନୂଆବଜାର ଜଗନ୍ନାଥ ରୋଡ ବସ୍ତିରେ ୧୨୧ ଶ୍ରମଜିବୀ ପରିବାର ବାସ କରନ୍ତି। ଏହି ବସ୍ତି ବାସିନ୍ଦାମାନେ ଦିର୍ଘ ୪୦ ରୁ ଉର୍ଦ୍ଧ ସମୟ ଧରି ବସବାସ କରିଆସୁଛନ୍ତି। ବସ୍ତିର ସବୁ ଲୋକ ସେହି ସ୍ଥାନୀୟ ଅଞ୍ଚଳରେ ମୂଲମଜୁରୀ କରି ପରିବାର ପ୍ରତିପୋଷଣ କରଥାନ୍ତି। ଦିର୍ଘ ବର୍ଷ ଧରି ରହୁଥିବାରୁ ସ୍ଥାନୀୟ ଅଞ୍ଚଳରେ କାମଧନ୍ଦା ମିଳିଥାଏ। ସେମାନଙ୍କ ପିଲା ସ୍ଥାନୀୟ ସ୍କୁଲ ମାନଙ୍କରେ ପାଠ ପଢୁଛନ୍ତି। ମହାନଗର ନିଗମ ପକ୍ଷରୁ ହଠାତ୍ ବସ୍ତି ବାସିନ୍ଦାଙ୍କୁ କହୁଛନ୍ତି କିଛି ଲୋକ ଏହି ଠାରେ ରହିବେ ଅବଶିଷ୍ଟ ସେଠାରୁ ଦୁର ସ୍ଥାନ କୁ ଯିବେ। ନିଗମ ପକ୍ଷରୁ ବସ୍ତି ଦାୟିତ୍ୱ ରେ ଥିବା କର୍ତ୍ତୁପକ୍ଷ କୁହନ୍ତି ୪୧ ପରିବାର ଏହି ସ୍ଥନରେ ରହିବେ ଅବଶିଷ୍ଟ ପରିବାରକୁ ଦୁରରେ ନିର୍ମିତ ଆପାର୍ଟମେଣ୍ଟ କୁ ହେବ। କମ ରୋଜଗାର କ୍ଷମଙ୍କ ପାଇଁ ନିର୍ମିତ ହୋଇଥିବା  (Affordable Scheme) ଘର ଯେଉଁ ମାନେ ନେବେ ସେମାନେ ଦେଢ ଲକ୍ଷ ଟଙ୍କା ଦେବେ। ସେହି ଘରକୁ ଯିବା ପାଇଁ ବସ୍ତି ବାସିନ୍ଦାଙ୍କ ଉପରେ ଚାପ ସୃଷ୍ଟି କରାଯାଉଛି। ପ୍ରଥମତଃ ସେ ଘର ନେବାକୁ ବସ୍ତି ଲୋକଙ୍କ ଆର୍ଥିକ କ୍ଷମତା ନାହିଁ। ଦ୍ୱିତୀୟତଃ ମହାନଗର ନିଗମ ଆଇନ ଅନୁଯାୟୀ ବସ୍ତି ବାସିନ୍ଦାଙ୍କୁ ଜାଗା ଓ ପଟ୍ଟା ଦେଇ ଥଇଥାନ କରିବା କାମ ମହାନଗର ନିଗମର ଯାହା ଆଇନ ଅଛି। ଗୋଟିଏ ବସ୍ତି କୁ ଭାଗ ଭାଗ କରିବା ବିଚାର ସମ୍ପୁର୍ଣ୍ଣ ଅନ୍ୟାୟ । ଏହି ପ୍ରକାର ବିଚାର ମହାନଗର ନିଗମ ଆଇନକୁ ବିରୁଦ୍ଧାଚରଣ କରୁଛି। ମହାନଗର ନିଗମ ଏହି ପ୍ରକାର ବିଚାର ରୁ କ୍ଷାନ୍ତ ରହି ସେହି ସ୍ଥାନରେ ପର୍ଯ୍ୟାପ୍ତ ପରିମାଣରେ ଜାଗା ଥିବାରୁ ବସ୍ତି ବାସିନ୍ଦାମାନଙ୍କୁ ସେହି ସ୍ଥାନରେ କିମ୍ବା ସେହି ପାଖାପାଖି ଅଞ୍ଚଳରେ ନିଗମ ଆଇନ ଅନୁଯାୟୀ ଥଇଥାନ କରିବାକୁ ବସ୍ତି ବାସିନ୍ଦାଙ୍କ ପକ୍ଷରୁ ଦାବି କରାଯାଇଛି। ବସ୍ତି ବାସିନ୍ଦାଙ୍କ ମିଳିତ ମଞ୍ଚ ଆବାହକ ଖଗେଶ୍ୱର ସେଠୀଙ୍କ ପରିଚାଳନାରେ ଧାରଣା ଅନୁଷ୍ଠିତ ହୋଇଥିଲା। ଏହି ଧାରଣା ସ୍ଥଳରେ ଶ୍ରମିକ ନେତା ରାଜକିଶୋର ମଲ୍ଲିକ, ବସ୍ତି ନେତା ଦିପକ ଦାସ, ସୁକାନ୍ତ ନାୟକ, ସ୍ୱାଧିନୀ ବେହେରା, ଲିପିନା ନାୟକ, ସିପ୍ରା ମହାନ୍ତି, ଉଦୟ ଟୁଡୁ, ଲକ୍ଷ୍ମୀ ସିଂ,ରାଜୁ ମୁର୍ମୁ ମଗମ୍ମଦ ଜିଲିଲ୍, ଶିବ ବେହେରା, କୌଳଶ ଚନ୍ଦ୍ର ବିଶୋଇ, ସାବିତ୍ରୀ ହେମ୍ବ୍ରମ ପ୍ରମୁଖ ବକ୍ତବ୍ଯ ଦେଇ ଦାବି କରିଥିଲେ ଜଗନ୍ନାଥ ରୋଡ ବସ୍ତିର ବାସିନ୍ଦାମାନଙ୍କୁ ଭାଗ ଭାଗ ନକରିି ସେହି ସ୍ଥାନରେ କିମ୍ବା ସେହି ପାଖ ଅଞ୍ଚଳରେ ଥଇଥାନ କରି ପଟା ଦିଆଯାଉ ଓ ବସ୍ତି ବାସିନ୍ଦାଙ୍କୁ ଆପାର୍ଟମେଣ୍ଟ (Affordable Scheme) ଘରକୁ ନେବା ନିଷ୍ପତ୍ତି ବାତିଲ କରାଯାଉ।