ଜଗନ୍ନାଥ ନଗର କମିଟି ପକ୍ଷରୁ ଡିସିପି ଓ ସଦର ଇନସପେକ୍ଟରଙ୍କୁ ସମ୍ବର୍ଦ୍ଧନା

କଟକ(ଏନ୍‌.ଏମ୍‌.): କଟକ ମହାନଗର ନିଗମ ଅନ୍ତର୍ଗତ ଜଗନ୍ନାଥ ନଗର ପକ୍ଷରୁ କଟକ ଡିସିପି ଜଗନମୋହନ ମିନା ଓ ସଦର ଇନସପେକ୍ଟର ଓମ ପ୍ରକାଶ ମହାନ୍ତିଙ୍କୁ ନୂତନ ବର୍ଷ ଉପଲକ୍ଷେ ସମ୍ବର୍ଦ୍ଧନା ଜ୍ଞାପନ କରାଯାଇଛି। ସଭାପତି ଅମର ନାୟକଙ୍କ ନେତୃତ୍ୱରେ ଉପସଭାପତି ସୁଜିତ ପଣ୍ଡା, ସାଧାରଣ ସମ୍ପାଦକ ନରେଶ ବିଶ୍ୱାସ, ଓମ ପ୍ରକାଶ ମିଶ୍ର, ବିଜୟ ଜେନା, ଅମୀୟ ମହାନ୍ତି, ଭାଗିରଥୀ ପରିଜା ଓ ଅଜିତ ସେଠ୍ ପ୍ରମୁଖ ଉପସ୍ଥିତ ରହିଥିଲେ। ଏହି ଅବସରରେ ଜଗନ୍ନାଥ ନଗର ବାସିନ୍ଦାଙ୍କ ପକ୍ଷରୁ ବାଲିକୁଦା ଟ୍ରାଫିକ ଛକ କିପରି ବିପଦମୁକ୍ତ ହେବ ସେ ସମ୍ପର୍କରେ ଡିସିପିଙ୍କ ସହିତ ଆଲୋଚନା କରିଥିବାବେଳେ ଟ୍ରାଫିକ ଜାମ ଓ ଦୁର୍ଘଟଣାକୁ ରୋକିବା ପାଇଁ ସମସ୍ତ ପ୍ରକାର ପଦକ୍ଷେପ ନିଆଯିବ ବୋଲି ଡିସିପି ଶ୍ରୀ ମୀନା ପ୍ରତିଶ୍ରୁତି ଦେଇଥିଲେ।