ମା’ ଦୁଲ୍ଲାଦେଈ ରୋଡ଼ ଡେଭଲପମେଣ୍ଟ କମିଟିର ବାର୍ଷିକ ସାଧାରଣ ସଭା

କଟକ(ଏନ୍‌.ଏମ୍‌.): ସିଏମସି ୫୩ ନମ୍ବର ୱାର୍ଡ ଅନ୍ତର୍ଗତ ଅନ୍ଦରପୁରସ୍ଥିତ ମା’ ଦୁଲ୍ଲାଦେଈ ରୋଡ଼ ଡେଭଲପମେଣ୍ଟ କମିଟିର ବାର୍ଷିକ ସାଧାରଣ ସଭା ଦୁଲ୍ଲାଦେଈଙ୍କ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। କମିଟି ସଭାପତି ଭାଗ୍ୟଧର ବ୍ରହ୍ମାଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଭାରେ ଦୁଲ୍ଲାଦେଈ ରୋଡ଼ ଓ ଶ୍ରୀମା ଲେନର ଶତାଧିକ ବାସିନ୍ଦା ଏଥିରେ ଯୋଗ ଦେଇଥିଲେ। ସମ୍ପାଦକ ପ୍ରାଣକୃଷ୍ଣ ଜେନା ବାର୍ଷିକ ବିବରଣୀ ପାଠ କରିଥିଲେ। କୋଷାଧ୍ୟକ୍ଷ ରମେଶ ଚନ୍ଦ୍ର ଦାଶ ଆୟବ୍ୟୟର ହିସାବ ଉପସ୍ଥାପନ କରିଥିଲେ। ସ୍ଥାନୀୟ କର୍ପୋରେଟର ଅରବିନ୍ଦ ଜେନା ମୁଖ୍ୟଅତିଥି ଭାବେ ଯୋଗଦେଇ ସ୍ଥାନୀୟ ଅଞ୍ଚଳରେ ବିଗତ ଦିନମାନଙ୍କରେ ହୋଇ ଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟ ଯଥା ଲାଇଟ୍‌, ଡ୍ରେନ, ରାସ୍ତା ଇତ୍ୟାଦି କାର୍ଯ୍ୟ ବାବଦରେ ସୂଚନା ପ୍ରଦାନ କରିଥିଲେ। ବାକି ରହିଯାଇଥିବା ଆଉ କିଛି କାମକୁ ଖୁବ୍ ଶୀଘ୍ର ଶେଷ କରାଯିବାର ପ୍ରତିଶ୍ରୁତି ପ୍ରଦାନ କରିଥିଲେ। ସଭା ଆରମ୍ଭରେ ନିରବ ପ୍ରାର୍ଥନା କରାଯାଇ ଦିବଂଗତ ଆତ୍ମାର ସଦଗତି କାମନା କରାଯାଇ ଥିଲା। ନବକିଶୋର ସାମଲ, ପ୍ରକାଶ ଚନ୍ଦ୍ର ମହାନ୍ତି, ପ୍ରଦୀପ୍ତ କୁମାର ଜେନା, ଭଜମନ ପଣ୍ଡା, ରଜନୀକାନ୍ତ ପରିଜା, ପ୍ରଦୋଷ ରଞ୍ଜନ ଦାସ, ସ୍ନେହଲତା ନାୟକ, ବିନୋଦ ବେହେରା, ପଙ୍କଜ ନାୟକ, ସନ୍ତୋଷ ସାହୁ, ଅଶୋକ ରଥ, ଜୟନ୍ତ ଦାସ, ନଗେନ ଦାସ, ପ୍ରଭାତ ସାହୁ, ଜର୍ମାନ ରାୟ, ନୃସିଂହ ମହାନ୍ତି ପ୍ରମୁଖ ବାର୍ଷିକ ବିବରଣୀ ଉପରେ ଆଲୋଚନା କରିଥିଲେ। ସୁବାସ ଚନ୍ଦ୍ର ଦାସଙ୍କୁ କାର୍ଯ୍ୟକାରୀ କମିଟିର ସଭ୍ୟ ହିସାବରେ ମନୋନୀତ କରାଯାଇଥିଲା। ସଭାପତି ଶ୍ରୀ ବ୍ରହ୍ମା ମା’ ଦୁଲ୍ଲାଦେଈ ମନ୍ଦିର ନିର୍ମାଣ ଓ ପ୍ରତିଷ୍ଠା କାର୍ଯ୍ୟରେ ସ୍ଥାନୀୟ ବାସିନ୍ଦାମାନଙ୍କର ଆର୍ôଥକ ସହାୟତା ପ୍ରଦାନ ସହ ସ୍ଥାନୀୟ ମହିଳା ଓ ଯୁବକମାନଙ୍କର ଶ୍ରମଦାନ ବିଗ୍ରହ ପ୍ରତିଷ୍ଠା କାର୍ଯ୍ୟକୁ ସଫଳ କରିଥିବାରୁ ସମସ୍ତଙ୍କୁ କୃତଜ୍ଞତା ଅର୍ପଣ କରିଥିଲେ। ଏଥିସହ କମିଟିର ଆଗାମୀ ଦିନର କାର୍ଯ୍ୟକ୍ରମରେ ସମସ୍ତଙ୍କ ସହଯୋଗ କାମନା କରିଥିଲେ। ମନ୍ଦିର କାର୍ଯ୍ୟରେ ଉସ୍ଥର୍ଗୀକୃତ ଶ୍ରମଦାନ ପାଇଁ ସ୍ଥାନୀୟ ଯୁବକ ଗଗନ ଦାସଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ଶେଷରେ ଧୀରପ୍ରସାଦ ମହାନ୍ତି ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ।