ଶକ୍ତି ନଗର କଂଗ୍ରେସ କାର୍ଯ୍ୟାଳୟରେ ବୈଠକ
କଟକ(ଏନ୍.ଏମ୍.): କଟକ ଲିଙ୍କରୋଡ ସ୍ଥିତ ଶକ୍ତି ନଗର କଂଗ୍ରେସ କାର୍ଯ୍ୟାଳୟରେ କଟକ ଜିଲ୍ଲା କଂଗ୍ରେସର ପୂର୍ବତନ ଉପସଭାତି ମନୋଜ ବିଶ୍ୱାଳଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ କଟକ ଜିଲ୍ଲାର ସାଂପ୍ରତିକ ରାଜନୈତିକ ପରିସ୍ଥିତି ଓ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା। ମାହାଙ୍ଗା ଥାନା ଆଗରେ ରଶ୍ମିତା ଦାସଙ୍କ ଆତ୍ମାହୁତି ଓ ବଡ଼ମେଡ଼ିକାଲରେ ରୋଗୀଙ୍କୁ ଡାକ୍ତରଙ୍କ ଅସଦାଚରଣ ଘଟଣାର ଘୋର ନିନ୍ଦା କରାଯାଇଥିଲା। ଏଥି ସହିତ କଟକ ଜିଲ୍ଲାରେ କଂଗ୍ରେସ କର୍ମୀମାନେ ଏକଜୁଟ ହୋଇ ସାଧାରଣ ଲୋକଙ୍କ ସମସ୍ୟାକୁ ନେଇ ଜୋରଦାର ଆନ୍ଦୋଳନ କରିବାକୁ ଆହ୍ୱାନ ଦିଆଯାଇଥିଲା। ବିଜେପି ସରକାର ଯେଉଁ ପ୍ରତିଶ୍ରୁତି ଦେଇ ସରକାରକୁ ଆସିଲେ ଓ ସରକାରକୁ ଆସିବା ପରେ ସେ ପ୍ରତିଶ୍ରୁତି ପାଳନ କରିବାରେ ବିଫଳ ହେଇଛନ୍ତି। ୩୦୦ୟୁନିଟ ବିଜୁଳି ଫ୍ରୀ କଥା ହେଉ କି ୩ ହଜାର ଟଙ୍କା ଭତ୍ତା କଥା ହେଉ ଏସବୁ ପ୍ରତିଶ୍ରୁତି ପାଳନ ନକରିବା କେବଳ ସାଧାରଣ ଲୋକଙ୍କୁ ଉପହାସ ସଦୃଶ ହୋଇଛି। ଏହି ସବୁ ପ୍ରସଙ୍ଗରେ ଆଗାମୀ ଦିନରେ ଯୁବ, ଛାତ୍ର, ମହିଳାଙ୍କୁ ଏକଜୁଟ କରି ଜୋରଦାର ଆନ୍ଦୋଳନ କରାଯିବ ବୋଲି ନିଷ୍ପତ୍ତି ନିଆଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲାର ପ୍ରାକ୍ତନ ଉପସଭାତି ଶିଶିର ରଥ ଓ ରାଜେଶ୍ ସ୍ୱାଇଁ, ବରିଷ୍ଠ ନେତା ରାମଚନ୍ଦ୍ର ଗୋଚ୍ଛାୟତ ଓ ନିର୍ମଳ ସ୍ୱାଇଁ, ପ୍ରାକ୍ତନ ମୁଖପାତ୍ର ଅଶୋକ ସ୍ୱାଇଁ ଓ ମାନସ ପରିଡ଼ା, ସୀତାକାନ୍ତ ପଣ୍ଡା,ବିଭୂତି ଭୂଷଣ ଦ୍ୱିବେଦୀ, ଆଶୁତୋଷ ବରାଳ ପ୍ରମୁଖ ଯୋଗ ଦେଇଥିଲେ।