News by Smruti Ranjan Tripathy (Cdr)

ଗନ୍ଧର୍ବନାଥ ସେବା ସମିତିର ତୃତୀୟ ବାର୍ଷିକ ଉତ୍ସବ

News by Smruti Ranjan Tripathy (Cdr)

#ଚୌଦ୍ୱାର(ଏନ୍‌.ଏମ୍‌.): ସ୍ୱେଚ୍ଛାସେବୀ ଅନୁଷ୍ଠାନ ଗନ୍ଧର୍ବନାଥ ସେବା ସମିତିର ତୃତୀୟ ବାର୍ଷିକ ଉତ୍ସବ ସ୍ଥାନୀୟ ଗାନ୍ଧିଛକ ସ୍ଥିତ ଟାଉନ ହଲ ପରିସରରେ ଅନୁଷ୍ଠିତ ହୋଇଯାଇଛି । ସଭାପତି ପରେଶ କୁମାର ଦାସଙ୍କ ପୌରୋହିତ୍ୟରେ ଆୟୋଜିତ ଏହି ଉତ୍ସବରେ ମୁଖ୍ୟଅତିଥି ଭାବେ ଜଗନ୍ନାଥ ପ୍ରଚାରକ ବାବା ସତ୍ୟାନନ୍ଦ ଦାସ ମହାରାଜ ଯୋଗଦେଇ ସେବା ଦ୍ୱାରା ସମସ୍ତଙ୍କୁ ବଶିଭୂତ କରିବା ସମ୍ଭବ ବୋଲି ମତ ପ୍ରକାଶ କରିଥିଲେ । ସମ୍ମାନିତ ଅତିଥି ଭାବେ ପଦ୍ମଶ୍ରୀ ଡଃ ଉଚ୍ଛବ ଚରଣ ଦାସ, ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ, ଉପାଧ୍ୟକ୍ଷ ଶୁଭେନ୍ଦୁ ସାମଲ, ସମାଜସେବୀ ପ୍ରଦୀପ ବେହେରା, ନଗର ବିଜେଡ଼ି ସଭାପତି ବିଷ୍ଣୁଚରଣ ପରିଡ଼ା, ଦୌଲତାବାଦ ଶିଶୁମନ୍ଦିରର ପୂର୍ବତନ ପ୍ରଧାନଶିକ୍ଷକ ତଥା ସମାଜସେବୀ ନିମାଇଁ ଚରଣ ପଣ୍ଡା, ଚୌଦ୍ୱାର ପୌରପାଳିକା ୧୫ନମ୍ବର ୱାର୍ଡ଼ ପାରିଷଦ ଦିଲ୍ଲୀପ ଭୂୟାଁ, ୧୬ନମ୍ବର ୱାର୍ଡ଼ ପାରିଷଦ ଅଜୟ ବେହେରା ଓ ବିଜେପି ନେତା ସନ୍ତୋଷ ମହାନ୍ତି ପ୍ରମୁଖ ଯୋଗ ଦେଇଥିଲେ । ପ୍ରଥମେ କୁନି କୁନି ଶିଶୁ କଳାକାରମାନଙ୍କ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମର ପରିବେଷଣ କରାଯାଇ ସେମାନଙ୍କୁ ପୁରସ୍କୃତ କରାଯାଇଥିଲା । ପରେ ରାଜ୍ୟର ବିଭିନ୍ନ ଜିଲ୍ଲାରୁ ଆସିଥିବା ପ୍ରାୟ ୫୦ରୁ ଊର୍ଦ୍ଧ୍ୱ ସ୍ୱେଚ୍ଛାସେବୀ ଓ ସାମାଜିକ ଅନୁଷ୍ଠାନ, ରକ୍ତଦାତା ସଂଘ, ସଫେଇ କର୍ମଚାରୀ, ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ବ୍ୟକ୍ତି ବିଶେଷଙ୍କ ସମେତ ଗଣମାଧ୍ୟମ ପ୍ରତିନିଧି ମାନଙ୍କୁ ଅତିଥିମାନଙ୍କ ଦ୍ୱାରା ଉପଢୌକନ, ମାନପତ୍ର ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ପ୍ରତିଷ୍ଠାତା ପ୍ରଶାନ୍ତ କୁମାର ମହାପାତ୍ର, ମୁଖ୍ୟ ଉପଦେଷ୍ଟା ବଳଭଦ୍ର ମନିତିୱାରୀ, ସମ୍ପାଦକ ଦିଲ୍ଲୀପ କୁମାର ବେହେରା, କୋଷାଧ୍ୟକ୍ଷ ରଶ୍ମୀରଞ୍ଜନ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବା ବେଳେ ସ୍ୱରାଜ କେଶରୀ ମଞ୍ଚ ପରିଚାଳନା କରିଥିଲେ । ସମିତି ପକ୍ଷରୁ କୁନା ନାୟକ, ଶ୍ରୀମନ୍ତ କୁମାର ସ୍ୱାଇଁ, ସମୀର ନାୟକ, ବିକାଶ ସ୍ୱାଇଁ, ଶେଷଦେବ ପଣ୍ଡା, ଜ୍ଞାନରଞ୍ଜନ ପଣ୍ଡା, ଲିପୁ ବର୍ଦ୍ଧନ, ସନିଆ ବେହେରା, ରାକେଶ ନାୟକ, ରାଜେଶ ନାୟକ, ବିଶ୍ୱଜିତ୍ ସ୍ୱାଇଁ, ଦୀପକ ନାୟକ ପ୍ରମୁଖ ସହଯୋଗ କରିଥିଲେ ।

By admin

Leave a Reply

Your email address will not be published. Required fields are marked *