ପ୍ରଧାନ ଶିକ୍ଷୟତ୍ରୀ ସୁନନ୍ଦା ରାଉତରାୟଙ୍କର ଅବସର କାଳୀନ ସମ୍ବର୍ଦ୍ଧନା

#କଟକ(ଏନ୍‌.ଏମ୍‌.): ସ୍ଥାନୀୟ ପିଠାପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷୟତ୍ରୀ ସୁନନ୍ଦା ରାଉତରାୟଙ୍କର ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଶିକ୍ଷୟତ୍ରୀ ମନସ୍ୱିନୀ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ପୂର୍ବତନ ଜିଲ୍ଲା ବିଜ୍ଞାନ ସୁପରଭାଇଜର ଅକ୍ଷୟ କୁମାର ଷଢଙ୍ଗୀ ଯୋଗଦେଇ ସୁନନ୍ଦା ରାଉତରାୟଙ୍କର କାର୍ଯ୍ୟଦକ୍ଷତା, ଆନ୍ତରିକତା ଓ ର୍କବ୍ୟ ପରାୟଣତାର ପ୍ରଶଂସା କରି, ତାହା ଅନ୍ୟ ଶିକ୍ଷକ, ଶିକ୍ଷୟତ୍ରୀମାନଙ୍କ ପାଇଁ ପ୍ରେରଣାଦାୟୀ ହେବା ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥିରୂପେ ପୂର୍ବତନ କର୍ପୋରେଟର କେଦାର ପୃଷ୍ଟି ଯୋଗଦେଇ, ସୁନନ୍ଦା ରାଉତରାୟ କଟକର ବିଭିନ୍ନ ବିଦ୍ୟାଳୟରେ ଶିକ୍ଷାଦାନ କରି ବହୁ ପିଲାମାନଙ୍କୁ ମଣିଷ କରିଥିବାର ବକ୍ତବ୍ୟ ରଖିଥିଲେ । ସମ୍ମାନିତ ଅତିଥି ପୂର୍ବତନ ପ୍ରଧାନ ଶିକ୍ଷକ ଅକ୍ଷୟ କମାର ବଳ ସୁନନ୍ଦା ରାଉତରାୟଙ୍କର ସୁସ୍ଥ ଓ ନିରାମୟ ଅବସର କାଳୀନ ଜୀବନ କାମନା କରିଥିଲେ । ଶିକ୍ଷୟତ୍ରୀ ଶେବାଳିନୀ ବେହେରା ସ୍ୱଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ, ସ୍ୱାଗତିକା ସାହୁ ଧନ୍ୟବାଦ ଅର୍ପଣ କରିଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ପୂର୍ବତନ ପ୍ରଧାନ ଶିକ୍ଷକ ପ୍ରଭାତ ରଞ୍ଜନ ପାଣିଗ୍ରାହୀ, ସରୋଜିନୀ ବଳ, ଲକ୍ଷ୍ମୀପ୍ରିୟା ମହାପାତ୍ର, ବଂଶୀଧର ଜେନା, କ୍ଷୀରୋଦ ବିଶ୍ୱାଳ ଯୋଗଦେଇ ନିଜ ବକ୍ତବ୍ୟ ପ୍ରଦାନ କରିଥିଲେ । ଶିକ୍ଷୟତ୍ରୀ ମଞ୍ଜୁ ସିଂ, ନିର୍ମଳା ବିଶ୍ୱାଳ, ସଭାକାର୍ଯ୍ୟ ପରିଚାଳନା କରିଥିଲେ । ଅନ୍ୟମାନଙ୍କ ମ୍ମରେ ବିଜୟ କୁମାର ପଟ୍ଟନାୟକ, ପବିତ୍ର ମହାନ୍ତି, ସ୍ୱର୍ଣ୍ଣଲତା ମହାନ୍ତି, ଅହଲ୍ୟା ସାହୁ, ପ୍ରଦ୍ୟୁମ୍ନ ସାହୁ, ବୁନିଶ୍ରୀ ପଟ୍ଟନାୟକ, ଡ.ସନ୍ତୋଷ ବଳ, ବିନ୍ଦୁଶ୍ରୀ ପଟ୍ଟନାୟକ, ଭଗବତୀ ସିଧିଦା ପଟ୍ଟନାୟକ,ଅଭିପ୍‌ସା ମହାନ୍ତି, ପ୍ରତ୍ୟୁଷ ସାହୁ, ସାଧନା ସାନଭି ବଳ, ଭବ୍ୟମ ପଟ୍ଟନାୟକ, ଶ୍ରୀବଂଶ ବଳ ଓ ବିଦ୍ୟାଳୟର ସମସ୍ତ କର୍ମଚାରୀ ଏବଂ ଛାତ୍ରଛାତ୍ରୀ ଉପସ୍ଥିତ ଥିଲେ ।