ଚୌଦ୍ୱାରରେ କାରଗିଲ ବିଜୟ ଦିବସର ରୌପ୍ୟଜୟନ୍ତୀ

ଚୌଦ୍ୱାର(ଏନ୍.ଏମ୍.): ଚୌଦ୍ୱାର ଅଞ୍ଚଳରେ କାରଗିଲ ବିଜୟ ଦିବସର ରୌପ୍ୟଜୟନ୍ତୀ ପାଳିତ ହୋଇଯାଇଛି । ଚୌଦ୍ୱାର ମହାବିଦ୍ୟାଳୟର ଇତିହାସ ବିଭାଗ, ଜାତୀୟ ସେବା ଯୋଜନା ଓ ଏନ୍ସିସି ବିଭାଗର ମିଳିତ ଆନୁକୂଲ୍ୟରେ ଆୟୋଜିତ ୨୫ତମ କାରଗିଲ ବିଜୟ ଦିବସ ପାଳିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷା ରଶ୍ମୀ ରାଉତରାୟଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପୂର୍ବତନ ବାୟୁସେନା କର୍ମଚାରୀ ବନବିହାରୀ ସାହୁ ଓ ମୁଖ୍ୟବକ୍ତା ଭାବେ ଦର୍ଶନବିଭାଗର ଅଧ୍ୟାପକ ଦେବାଶିଷ ଷଡ଼ଙ୍ଗୀ ଯୋଗ ଦେଇ ଯୋଗ ଦେଇ ସହୀଦ୍ ରାଜକିଶୋର ସାହୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିମବା ସହ ଛାତ୍ରଛାତ୍ରୀମାନଙ୍କ ମନରେ ଦେଶପ୍ରେମ ଜାଗ୍ରତ କରିବା ପୂର୍ବକ ସର୍ବଦା ନିର୍ଭିକ ରହି ନିଜକୁ ଦେଶ ସେବାରେ ଉତ୍ସର୍ଗ କରିବାକୁ ମୁଖ୍ୟଅତିଥି ଶ୍ରୀ ସାହୁ ପରାମର୍ଶ ଦେଇଥିଲେ । ସେହିପର ମୁଖ୍ୟବକ୍ତା ଶ୍ରୀ ଷଡ଼ଙ୍ଗୀ ଚୌଦ୍ୱାର ମାଟିର ସନ୍ତାନ ବୀରସହିଦ୍ ରାଜକିଶୋର ସାହୁଙ୍କ ବଳିଦାନର ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମକୁ ଇତିହାସ ବିଭାଗର କ୍ଷୀରାବ୍ଧି ଚୌଧୁରୀ, ବସନ୍ତ କୁମାର ବିଶ୍ୱାଳ, ଚନ୍ଦ୍ରଶେଖର ପଣ୍ଡା, ସ୍ୱାଭିମାନ ସାମନ୍ତରାୟ ଓ ଏନ୍ଏସ୍ଏସ୍ ଅଧିକାରୀ ବନିତା ସ୍ୱାଇଁ ପରିଚାଳନା କରିଥିବା ବେଳେ ମହାବିଦ୍ୟାଳୟର ପ୍ରଶାସନିକ ଅଧିକାରୀ ଶରତ କୁମାର ମଲ୍ଲିକ, ଯୁବରେଡ଼କ୍ରସ୍ର ଅଧ୍ୟାପିକା ଡ. ମମତା ସାହୁ, ଅଶୋକ କୁମାର ଦାସଙ୍କ ସମେତ ସମସ୍ତ ଅଧ୍ୟାପକଅଧ୍ୟାପିକା, ଛାତ୍ରଛାତ୍ରୀ ଓ କର୍ମଚାରୀ ଉପସ୍ଥିତ ଥିଲେ । ଶେଷରେ ଜାତୀୟ ସେବା ଯୋଜନା ଅଧିକାରୀ ଶ୍ରୀମତୀ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ । ସେହିପରି ଚୌଦ୍ୱାର ବିଜେପି ମଣ୍ଡଳ ତରଫରୁ କାରଗିଲ ବିଜୟ ଦିବସର ରୌପ୍ୟଜୟନ୍ତୀ ପାଳିତ ହୋଇଯାଇଛି । ଏଥରେ ଜିଲ୍ଲା ଉପସଭାପତି ପ୍ରଶାନ୍ତ କୁମାର ହୋତା ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ଜିଲ୍ଲା ସମ୍ପାଦକ ବୈରାଗୀ ଚରଣ ପ୍ରଧାନ, ଚୌଦ୍ୱାର ମଣ୍ଡଳ ସଭାପତି ସନ୍ତୋଷ କୁମାର ସାହୁ, ଇନ୍ଦ୍ରାଣୀପାଟଣା ମଣ୍ଡଳ ସଭାପତି ଅଜିତ୍ କୁମାର ସୁବୁଦ୍ଧିରାୟ, ସଂଗୀତ୍ ମହାନ୍ତି, ଭାବଗ୍ରାହୀ ପଟ୍ଟନାୟକ, ହଂସଚରଣ ସାହୁ, ଗୌତମ ସାହୁ, ପ୍ରଦତୀପ ମହାପାତ୍ର, ପ୍ରକାଶ ସାହୁ, ପଦ୍ମଚରଣ ବେହେରା, ବିଶ୍ୱବିହାରୀ ସ୍ୱାଇଁ, ଜଗନ୍ନାଥ ନାୟକ, ଲକ୍ଷ୍ମୀନାରାୟଣ ସାହୁ, ଅଜୟ ଦାସ ପ୍ରମୁଖ ଉପସ୍ଥିତ ରହି କାରଗିଲରେ ସହୀଦ୍ ବୀର ଯବାନ୍ମାନଙ୍କ ସ୍ମୃତିଚାରଣ କରିଥିଲେ ।