ପ୍ରେମ ବିବାହର କରୁଣ ପରିଣତି: ନବବଧୁର ସନ୍ଦେହ ଜନକ ମୃତ୍ୟୁ
ଭଦ୍ରକ (ଏନ୍.ଏମ୍.): ଦିନ କୁ ଦିନ ନବବଧୂଙ୍କ ମୃତ୍ୟୁ ବଢ଼ି ବାରେ ଲାଗିଛି । ନିଜ ଇଚ୍ଛାରେ ପ୍ରେମ କରି ବିବାହ କରି ସଂସାର କରିବା ମହଙ୍ଗା ପଡିଛି ମାନସୀଙ୍କୁ । ଘର ଲୋକ ଝିଅର ଅନ୍ୟତ୍ର ବାହାଘର କରିବା ପାଇଁ ନିଷ୍ପତ୍ତି ନେଇ ବରପାତ୍ର ଠିକ୍ କରି ନିର୍ବନ୍ଧ ମଧ୍ୟ ସରିଥିଲେ । ହେଲେ ପରିବାରର ଲୋକଙ୍କ ନିଷ୍ପତ୍ତିରେ ମନମାନି ନଥିଲା ମାନସୀର । ସେ ସେଥିପାଇଁ ନିଜ ଇଚ୍ଛାରେ ଘର ଛାଡି ପଳାଇ ଆସି ନିଜ ଇଚ୍ଛା ରେ ଅନ୍ୟତ୍ର ପ୍ରେମ ବିବାହ କରିଥିଲେ । ଏମିତି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବାସୁଦେବପୁର ବ୍ଳକ ଇରମ ପଞ୍ଚାୟତ ରଥପଦା ଗାଁରେ ।
ସୂଚନାଯୋଗ୍ୟ ଯେ, ରାଜଘର ପୋଖରୀ ନାକାହାଣୀଢିହି ଥାନାରେ ଅଭିଯୋଗକାରୀ ନକୁଳ ମହାନ୍ତି ଏତଲାରେ ଦର୍ଶାଇଛନ୍ତି କି ତାଙ୍କ ଝୀଅ ମାନସୀ ଗତ ଦୁଇ ମାସ ହେଲା ଇରମ ରଥପଦା ଅଞ୍ଚଳର ନାଥ ବୈରାଗୀ ଦାସ ବେହେରାଙ୍କ ପୁତ୍ର ବିରୁପାକ୍ଷଙ୍କୁ ପ୍ରେମ ବିବାହ କରିଥିଲେ । ମାତ୍ର ଏ ବିବାହକୁ ଝିଅ ପକ୍ଷ ତରଫରୁ ନାପସନ୍ଦ କରିବା ସହିତ ଝିଅ ମାନସୀଙ୍କ ବାହାଘରରେ ସାମିଲ୍ ହୋଇ ନଥିଲେ । ନିଜ ଝିଅ ନିଜ ଇଚ୍ଛାରେ ବିବାହ କରିବା ଘଟଣାକୁ ସହଜରେ ଗ୍ରହଣ ନକରି ପାରି ଝିଅ ବାହାଘରରୁ ନିବୃତ ରହିଥିଲେ ପରିବାର ଲୋକେ । ଅପରପକ୍ଷରେ ପୁଅର ପ୍ରେମକୁ ସାକାର କରିବା ପାଇଁ ପୁଅର ପସନ୍ଦରେ ହଁ ଭରି ପୁଅ ଭଲପାଇଥିବା ଝିଅ ମାନସୀ ସହିତ ପୁଅ ବିରୁପାକ୍ଷର ବିବାହ କରାଇ ଦେଇଥିଲେ ପରିବାର ଲୋକେ । ବିରୁପାକ୍ଷ କଲିକତାରେ ଚାକିରି କରନ୍ତି । ବିବାହର କିଛି ମାସ ସବୁ କିଛି ଠିକ୍ ଠାକ୍ ଚାଲିଥିଲା । ହେଲେ ଗତ ବୁଧବାର ରାତିରେ ଘରର କବାଟ ବନ୍ଦ କରି କୌଣସି କାରଣରୁ ମାନସୀ ଫ୍ୟାନ୍ରେ ରସି ଲଗାଇ ଝୁଲି ପଡିଥିବା ଜଣାପଡ଼ିଛି । ତେବେ ମାନସୀଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ତାହା ଏବେ ସନ୍ଦେହ ଘେରରେ । ଝିଅ ଘର ପକ୍ଷ ଝିଅର ମୃତ୍ୟୁକୁ ହତ୍ୟା ଅଭିଯୋଗ କରିଥିବାବେଳେ ପୁଅ ଘର ପକ୍ଷରୁ ଏହାକୁ ଆତ୍ମହତ୍ୟା କହିଛନ୍ତି । ମାନସୀଙ୍କ ମୃତ୍ୟୁକୁ ନେଇ ଝିଅ ଘର ପକ୍ଷ ଓ ପୁଅ ଘର ପକ୍ଷ ପକ୍ଷରୁ ଏଭଳି କାଦୁଅ ଫିଙ୍ଗା ଚାଲିଥିବାବେଳେ ଏହାର ପ୍ରକୃତ ରହସ୍ୟ ପୋଷ୍ଟମର୍ଟମ ରିପୋର୍ଟରୁ ହଁ ଜଣା ପଡିବ ବୋଲି ପୁଲିସ ପକ୍ଷରୁ କୁହାଯାଇଛି । ବାସୁଦେବପୁର ପୁଲିସ ଏହି ଘଟଣାରେ କି ପଦକ୍ଷେପ ନେଉଛି ତାହା ସମୟକୁ ଅପେକ୍ଷା ।