ଚୌଦ୍ୱାର-କଟକ ନିର୍ବାଚନ ମଣ୍ଡଳୀରୁ ଏସ୍ୟୁସିଆଇ (କମ୍ୟୁନିଷ୍ଟ) ପ୍ରାର୍ଥୀଙ୍କ ପ୍ରଚାର
#କଟକ(ଏନ୍.ଏମ୍.): କଟକ ଜିଲ୍ଲାରେ ସାଧାରଣ ନିର୍ବାଚନ ପାଇଁ ପ୍ରଚାର ଏବେ ଜୋରଦାର ଚାଲିଛି । ବିଭିନ୍ନ ରାଜନୈତିକ ଦଳ ତଥା ସ୍ୱାଧୀନ ପ୍ରାର୍ଥୀମାନେ ଗଳିକନ୍ଦିରେ ପ୍ରଚାର ଚଳାଇଥିବାବେଳେ ଆଜି ଏସ୍ୟୁସିଆଇ(କମ୍ୟୁନିଷ୍ଟ) ପକ୍ଷରୁ ମଧ୍ୟ ପ୍ରଚାର କରାଯାଇଛି । ଦଳର ପ୍ରାର୍ଥୀ ଖଗେଶ୍ୱର ସେଠୀଙ୍କ ଚୌଦ୍ୱାର – କଟକ ନିର୍ବାଚନ ମଣ୍ଡଳୀରେ ବିଭିନ୍ନ ୱାଡରେ ପ୍ରଚାର ଚାଲିଛି । ଆଜି ପୂର୍ବାହ୍ନରେ ଦଳର ବୁହ କର୍ମୀ ଓ ସମର୍ଥକ ସହ ଶଙ୍କରପୁରର ୩୭ ନମ୍ବର ୱଡ ଦାସସାହି ଓ ବିଶିନାବର ଅଞ୍ଚଳରେ ଶ୍ରୀ ସେଠୀ ପ୍ରଚାର କରିଥିଲେ । ନିତ୍ୟ ପ୍ରୟୋଜନୀୟ ଜିନିଷର ଆକାଶ ଛୁଆଁ ମୁଲ୍ୟ ବୃଦ୍ଧି, ବେରୋଜଗାରୀ, ସାହିମାନଙ୍କ ରେ ପାନୀୟ ଜଳ ସମସ୍ୟା ସହିତ ପାଣି ମିଟର ହଟାଇବା, ବିଜୁଳି କ୍ଷେତ୍ରରୁ କମ୍ପାନୀ ହଟାଇବା ସହ ୨୦୦ ୟୁନିଟ ବିଜୁଳି ହିତାଧିକାରୀମାନଙ୍କୁ ବିନା ମୁଲ୍ୟରେ ଦେବା, ବସ୍ତି ବାସିନ୍ଦାଙ୍କୁ ଆଇନ ସମ୍ମତ ଥଇଥାନ, ଶିକ୍ଷା, ସ୍ୱାସ୍ଥ୍ୟସେବା କ୍ଷେତ୍ର କୁ ଘରୋଇକରଣ ବନ୍ଦ, ସ୍କୁଲ କଲେଜ ଗୁଡିକରେ ଶିକ୍ଷକ ଅଧ୍ୟାପକ ନିଯୁକ୍ତି ଓ ସମସ୍ତ ଡାକ୍ତରଖାନା ଗୁଡିକରେ ଡାକ୍ତର ନିଯୁକ୍ତି ପ୍ରମୁଖ ବିଷୟ ଗୁଡିକ ବିଧାନସଭାରେ ପ୍ରସଙ୍ଗ କରାଯିବ ବୋଲି ଜନସାଧାରଣଙ୍କୁ ପ୍ରାର୍ଥୀ ଶ୍ରୀ ସେଠୀ ପଚାର ବେଳେ କହୁଛନ୍ତି । ଏହି ପ୍ରଚାର ବେଳେ ଏସ୍ ୟୁ ସି ଆଇ (କମ୍ୟୁନିଷ୍ଟ) ଜିଲ୍ଲା କମିଟି ସଭ୍ୟ ବସନ୍ତ ନାୟକ, ବବି ବଳବନ୍ତରାୟ, ତରୁଣସେନ ନାୟକ, ଇଶା ଧର ଦଳର ସଦସ୍ୟ ଶୋଭା ଦେହୁରୀ, ଶିବାନୀ ସାହୁ, ଜ୍ୟୋତ୍ସ୍ନା ଦାସ, ଅମରେନ୍ଦ୍ର ନାୟକ, ଝରଣା ଦାସ ପ୍ରମୁଖ ଉପସ୍ଥିତ ଥିଲେ ।