୫୫ନମ୍ବର ୱାର୍ଡରେ ବିଜେଡି କର୍ମୀ ସମ୍ମିଳନୀ


କଟକ(ଏନ୍‌.ଏମ୍‌.): ଚୌଦ୍ୱାର କଟକ ବିଜୁ ଜନତା ଦଳ ପକ୍ଷରୁ ସିଏମସି ୫୫ନଂ ୱାର୍ଡରେ କର୍ପୋରେଟର ବିଶ୍ୱ ବନ୍ଦିତା ପଣ୍ଡାଙ୍କ ନେତୃତ୍ୱରେ ବିଦ୍ୟାଧରପୁର ସ୍ଥିତ ଗୋଲ୍ଡନ ଛକଠାରେ ଏକ କର୍ମୀ ସମ୍ମିଳନୀ ରବିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି । କର୍ପୋରେଟର ବିଶ୍ୱ ବନ୍ଦିତାଙ୍କ ସଭାପତିତ୍ୱରେ ଅନୁଷ୍ଠିତ କର୍ମୀ ସମ୍ମିଳନୀରେ ଅତିଥି ଭାବେ ବିଜେଡି କଟକ ସାଂସଦ ପ୍ରାର୍ଥୀ ଡଃ ସଂତୃପ୍ତ ମିଶ୍ର, ପୂର୍ବତନ ବିଧାୟକ ଡଃ ପ୍ରଭାତ ରଞ୍ଜନ ବିଶ୍ୱାଳ, ଚୌଦ୍ୱାର କଟକ ବିଧାୟକ ପ୍ରାର୍ଥୀ ସୌଭିକ ବିଶ୍ୱାଳ ପ୍ରମୁଖ ଯୋଗଦେଇ ନବୀନ ପଟନାୟକଙ୍କ ସୁଶାସନ ଏବଂ ଲୋକାଭିମୁଖୀ ଯୋଜନା ବିଷୟରେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇବା ସହ ରାଜ୍ୟର ବିକାଶ ପାଇଁ ଆସନ୍ତା ୨୫ରେ ଯୋଡି ଶଙ୍ଖରେ ବିପୁଳ ସଂଖ୍ୟାରେ ଭୋଟ ଦେବା ପାଇଁ ଉପସ୍ଥିତ ଜନସାଧାରଣଙ୍କୁ ନିବେଦନ କରିଥିଲେ । ଏହି କାର୍ଯ୍ୟକ୍ରମରେ ୱାର୍ଡ ସଭାପତି ଅଭୟ ଲେଙ୍କା, ମୁଖ୍ୟ ପର୍ଯ୍ୟବେକ୍ଷକ ଶିବେନ୍ଦ୍ର ହାତୀ, ପର୍ଯ୍ୟବେକ୍ଷକ କବି ମିଶ୍ର, ନଗର କମିଟି ସାଧାରଣ ସମ୍ପାଦକ ତାପସ ମହାନ୍ତି, ଜିଲ୍ଲା ସମ୍ପାଦକ ଯୁଧିଷ୍ଟିର ବିଶ୍ୱାଳ ଏବଂ ସମସ୍ତ ପୂଜା କମିଟିର କର୍ମକର୍ତ୍ତା, ୱାର୍ଡର ମୂରବୀ, ମହିଳା, ଯୁବ ଓ ଛାତ୍ରଙ୍କ ସମେତ ଦୁଇ ହଜାରେରୁ ଉର୍ଦ୍ଧ୍ୱ କର୍ମୀ ଏହି ସମ୍ମିଳନୀରେ ଉପସ୍ଥିତ ଥିଲେ । ଶେଷରେ ୱାର୍ଡର ବହୁ କୁନୀକୁନୀ ପିଲାମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।

By admin

Leave a Reply

Your email address will not be published. Required fields are marked *