୪୩ ନମ୍ବର ୱାର୍ଡରେ ଚା’ଖଟି ଓ ସମ୍ବର୍ଦ୍ଧନା ପର୍ବ

#କଟକ(ଏନ୍‌.ଏମ୍‌.): ଆଗାମୀ ସାଧାରଣ ନିର୍ବାଚନ ଅବସରରେ ଚୌଦ୍ୱାର କଟକ ନିର୍ବାଚନ ମଣ୍ଡଳୀ ଅନ୍ତର୍ଗତ ସିଏମସି ୪୩ନଂ ୱାର୍ଡରେ ଚା’ ଖଟି ଓ ସମ୍ବର୍ଦ୍ଧନା ପର୍ବ ଅନୁଷ୍ଠିତ ହୋଇଯାଇଛି । ଆଜି ସକାଳୁ ୪୩ନଂ ୱାର୍ଡ ଅପର୍ଣ୍ଣାନଗର ସ୍ଥିତ ସିଦ୍ଧେଶ୍ୱର ଛକ ଠାରେ ଆୟୋଜିତ ଚା’ ଖଟିରେ କଟକ ଲୋକସଭା ସାଂସଦ ପ୍ରାର୍ଥୀ ଡ଼ଃ ସଂତ୍ରୁପ୍ତ ମିଶ୍ର ଏବଂ ପୂର୍ବତନ ବିଧାୟକ ଡ଼ଃ ପ୍ରଭାତ ରଞ୍ଜନ ବିଶ୍ୱାଳ ଯୋଗଦେଇ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଲୋକାଭିମୁଖୀ ଯୋଜନା ଓ ଆଗାମୀ ଦିନରେ ରାଜ୍ୟବାସୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଜାରି କରାଯାଇଥିବା ନିର୍ବାଚନୀ ଇସ୍ଥାହାର ବିଷୟରେ ଉପସ୍ଥିତ ଜନସାଧାରଣଙ୍କୁ କହିଥିଲେ । ଏଥିସହିତ ଓଡ଼ିଶାର ପ୍ରଗତି ଓ ସମୃଦ୍ଧି ପାଇଁ ଆସନ୍ତା ୨୫ ତାରିଖରେ ହେବାକୁ ଥିବା ନିର୍ବାଚନରେ ବହୁ ସଂଖ୍ୟାରେ ବିଧାୟକ ଓ ସାଂସଦ ପ୍ରାର୍ଥୀଙ୍କୁ ଯୋଡ଼ି ସଂଖରେ ମୋହର ମାରି ଜୟଯୁକ୍ତ କରିବା ପାଇଁ ନିବେଦନ କରିଥିଲେ । ପରେ ପରେ ଚକୁଳିଆ ପଣ୍ଡାମାନଙ୍କୁ ନେଇ ନିର୍ବାଚନୀ ସଙ୍ଗୀତ ମାଧ୍ୟମରେ ୱାର୍ଡ ବାସିନ୍ଦାଙ୍କୁ ଭୋଟ ଭିକ୍ଷା କରାଯାଇଥିବା ବେଳେ ୱାର୍ଡର ସଫେଇ କର୍ମଚାରୀଙ୍କୁ ପୂର୍ବତନ ବିଧାୟକ ଡଃ ପ୍ରଭାତ ଓ ସାଂସଦ ପ୍ରାର୍ଥୀ ଡଃ ସନ୍ତୃପ୍ତ ଉତରୀୟୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଏହି କାର୍ଯ୍ୟକ୍ରମରେ ୪୩ନଂ ୱାର୍ଡ କର୍ପୋରେଟର ପ୍ରମିଳା ମହାନ୍ତି, ୫୪ନଂ ୱାର୍ଡ କର୍ପୋରେଟର ତାପସ ରଂଜନ ସାମନ୍ତରାୟ, ୱାର୍ଡ ସଭାପତି ବିଶ୍ୱଜିତ ବେଉରା, ପର୍ଯ୍ୟବେକ୍ଷକ ହିମାଂଶୁ ଷଡ଼ଙ୍ଗୀ, ଅକ୍ଷୟ ବେହେରା, ଡ. ବିଜୟ କୁମାର ଦାସ, ଅମୁଲ୍ୟରତ୍ନ ମହାନ୍ତି, ଭାଗ୍ୟଧର ନାୟକ, କୈଳାଶ ବେହେରା, କାଲିକୃଷ୍ଣ ମଜୁମଦାର, ଲକ୍ଷ୍ମୀ ପ୍ରଧାନ, ପ୍ରମିଳା ମାହାଳିଙ୍କ ସମେତ ବହୁ ସଂଖ୍ୟାରେ ୱାର୍ଡବାସୀ ଉପସ୍ଥିତ ଥିବା ବେଳେ ପୂର୍ବତନ କର୍ପୋରେଟର ତଥା ଚାଉଳିଆଗଞ୍ଜ ପୂଜା କମିଟିର ଉପସଭାପତି ଅକ୍ଷୟ କୁମାର ବେଉରା ଏହି ସମସ୍ତ କାର୍ଯ୍ୟକୁ ପରିଚାଳନା କରିଥିଲେ ।