ସିକିମର ପ୍ରଳୟଙ୍କରୀ ବନ୍ୟାରେ ଫସି ରହିଛନ୍ତି ଚୌଦ୍ୱାର ଦେବୀନଗରର ଦମ୍ପତ୍ତି

#ଚୌଦ୍ୱାର(ଏନ୍ ଏମ): ସିକିମରେ ପ୍ରଳୟଙ୍କରୀ ବନ୍ୟା କେବଳ ସିକିମ ନୁହେଁ ସାରା ଭାରତକୁ ପ୍ରଭାବିତ କରିଛି । ସେଠାରେ ବାଦଲ ଫଟା ବର୍ଷା ହେବା ଯୋଗୁଁ ଅଚାନକ ମାଡ଼ିଆସିଥିଲା ପାଣି । ଭାସିଗଲା ବହୁ ଯାନ ବାହନ ତଥା ଧନ ଜୀବନ । ତେବେ ଏହି ବନ୍ୟାରେ ୨୩ଜଣ ଜବାନ ଭାସି ଯାଇଥିବାବେଳେ ଜଣେ ଓଡ଼ିଆ ଜବାନ ସହିଦ ହୋଇଯାଇଛନ୍ତି । ଏହି ଦୁଃଖଦ ଘଟଣାର କିଛି ସମୟ ପରେ ପରେ ପହଞ୍ଚିଛି ଆଉ ଏକ ଖବର କଟକ ଜିଲ୍ଲା ଚୌଦ୍ୱାର ଅଞ୍ଚଳର ଦମ୍ପତ୍ତି ସିକିମ ବନ୍ୟାରେ ଫସିଥିବା ଭଳି ଖବର ଆସିଛି । ଯାହାକୁ ନେଇ ଏବେ ପରିବାର ଲୋକେ ଦୁଃଖରେ ଭାଙ୍ଗି ପଡ଼ିଛନ୍ତି । ସୂଚନା ଅନୁଯାୟୀ ଚୌଦ୍ୱାର ଥାନା ଅନ୍ତର୍ଗତ ବାଣୀପଦା ପଞ୍ଚାୟତ ଦେବୀନଗର ଗ୍ରାମର ରଞ୍ଜନ ସୁବୁଦ୍ଧିରାୟଙ୍କ ପୁଅ ଦିବାଂଶୁ ଏବଂ ପୁତ୍ରବଧୁ ସୀମା ଉଭୟେ ସିକିମ ଓ ଦାର୍ଜିଲିଂ ବୁଲିବା ପାଇଁ ଯାଇଥିବାବେଳେ ଏହି ବନ୍ୟା ମାଡ଼ିଆସିଥିଲା । ଫଳରେ ସେ ବନ୍ୟାରେ ଗ୍ୟାଙ୍ଗଟକ ଠାରେ ଫସି ରହିଥିବା ବେଳେ ତାଙ୍କୁ ଉଦ୍ଧାର କରାଯାଇ ସେନା ଶିବିରରେ ଥଇଥାନ କରାଯାଇଥିବା ଜଣାପଡ଼ିଛି । ଏ ଖବର ପାଇବା ପରେ ଏବେ ପରିବାର ଲୋକେ ଟିକେ ଆଶ୍ୱସ୍ଥ ହୋଇଛନ୍ତି । ସୂଚନା ଅନୁଯାୟୀ ଦିବ୍ୟାଂଶୁ ଓ ତାଙ୍କ ପତ୍ନୀ ସୀମାଙ୍କ ସହିତ ଶ୍ରଦ୍ଧା ନର୍ସିଂହୋମର କିଛିକର୍ମଚାରୀ ସାଥୀହୋଇ ଯାଇଥିବାବେଳେ ସମସ୍ତେ ଫସି ରହିଥିବା ଜଣାପଡ଼ିଛି । ତେବେ ଗତ ୩ତାରିଖ ଦିନ ସୀମା ପରିବାର ଲୋକଙ୍କ ସହ ଫୋନରେ କଥା ହୋଇଥିଲେ । ସେମାନେ ସିକିମରେ ଥିବା କହିଥିଲେ ହେଲେ ଏହାପରେ ସେମାନଙ୍କ ଫୋନ ସ୍ୱିଚଅଫ ହୋଇଯାଇଥିଲା । ସେଠାରେ ଏଭଳି ବନ୍ୟା ବିତ୍ପାତ୍ତ ବିଷୟସରେ ଜାଣିବା ପରେ ପରିବାର ଲୋକେ ଛାନିଆ ହୋଇ ପଡ଼ିଥିଲେ । ଆଜି ସେନା ସିବିରରୁ ସେମାନେ ସୁରକ୍ଷିତ ଥିବା ଫୋନ କଲ ପାଇବା ପରେ ଆଶ୍ୱସ୍ଥି ଥିବା ତାଙ୍କ ବାପା ଶ୍ରୀ ସୁବୁଦ୍ଧିରାୟ ପ୍ରକାଶ କରିଛନ୍ତି । ତେବେ ସୁବିଧା ହେଲେ ଏଠାରୁ ସେମାନଙ୍କୁ ଛଡ଼ାଯିବ ବୋଲି ସୂଚନା ଦିଆଯାଇଛି ।