ସାଧାରଣତନ୍ତ୍ର ଦିବସରେ ରେଭେନ୍ସା ବିଶ୍ୱବିଦ୍ୟାଳୟରେ ତ୍ରିରଙ୍ଗା ପଦଯାତ୍ରା
#କଟକ(ଏନ୍.ଏମ୍.): ୭୪ତମ ସାଧାରଣତନ୍ତ୍ର ଦିବସ ଅବସରରେ ରେଭେନ୍ସା ବିଶ୍ୱବିଦ୍ୟାଳୟ ପକ୍ଷରୁ ଏକ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଚୌଦ୍ୱାର-କଟକ ବିଧାୟକ ସୌଭିକ୍ ବିଶ୍ୱାଳ ମହୋଦୟ ଏବଂ ରେଭେନ୍ସା ବିଶ୍ୱବିଦ୍ୟାଳୟର କୁଳପତି ସଞ୍ଜୟ କୁମାର ନାୟକ ଏହି ଶୋଭାଯାତ୍ରାକୁ ଉଦଘାଟନ କରିଥିଲେ । ଏହି ତ୍ରିରଙ୍ଗା ପଦଯାତ୍ରାରେ ହଜାର ହଜାର ଛାତ୍ର ଛାତ୍ରୀ ସ୍ୱତ୍ତଃପ୍ରବୃତ୍ତ ଭାବେ ଆସି ସାମିଲ ହେବା ସହ ଭାରତ ମାତାର ଜୟଜୟ କାର କରିଥିଲେ । ଛାତ୍ରଛାତ୍ରୀ ରେଭେନ୍ସା ବିଶ୍ୱବିଦ୍ୟାଳୟ ପରିସର ପରିକ୍ରମା କରି କଲେଜ ଛକ ଦେଇ ନେତାଜୀ ସୁବାସ ଚନ୍ଦ୍ର ବୋଷଙ୍କ ପ୍ରତିମୃତ୍ତିରେ ପୁଷ୍ପମାଲ୍ୟ ଦେଇ ସେହି ଠାରେ ପଦଯାତ୍ରାକୁ ବିଧାୟକ ଶ୍ରୀ ବିଶ୍ୱାଳ ଉଦଯାପିତ କରିଥିଲେ । ଏହି ପଦଯାତ୍ରାରେ ରେଭେନ୍ସା ବିଶ୍ୱବିଦ୍ୟାଳୟ ବିଜୁ ଛାତ୍ର ଜନତା ଦଳର କ୍ୟାମ୍ପସ କମିଟିର ସମସ୍ତ ସଦସ୍ୟ, ସମସ୍ତ ହଷ୍ଟେଲର ସାଧାରଣ ସମ୍ପାଦକ, ରେଭେନ୍ସା ବିଶ୍ୱବିଦ୍ୟାଳୟର ହଜାର ହଜାର ଛାତ୍ରଛାତ୍ରୀ, ଚୌଦ୍ୱାର-କଟକ ଛାତ୍ର ସଭାପତି ଅଚ୍ୟୁତ ଘୋଷ, ରେଭେନ୍ସା ବିଶ୍ୱବିଦ୍ୟାଳୟର ପୂର୍ବତନ ସଭାପତି ହରିଶଙ୍କର ରାଉତ, କଟକ ଜିଲ୍ଲା ବିଜୁ ଯୁବ ଜନତା ଦଳ ସଭାପତି ସ୍ମୃତିରଞ୍ଜନ ନାୟକ, ସୌମ୍ୟ ମହାନ୍ତି, ରାହୁଲ ମାହର, ବିଜୁ ଛାତ୍ର ଜନତା ଦଳ ରାଜ୍ୟ ଉପସଭାପତି କମଲଜ୍ୟୋତି ରାଜା, ସାଧାରଣ ସମ୍ପାଦକ ଅଭିନାଶ ମହାନ୍ତି, ଭବାନୀ ଶଙ୍କର ଦାସ, ଚୌଦ୍ୱାର କଟକ ଯୁବ ସଭାପତି ଅଶୋକ ମିଶ୍ର, ରାଜ୍ୟ ସମ୍ପାଦକ ସ୍ୱାଗତ ଦାସ, ବିଶ୍ୱଜିତ୍ ସାମଲ, ରାମ ଚନ୍ଦ୍ର ସାହୁ, ଅଜୁ ପାତ୍ର, ଅରୁଣ ପ୍ରଧାନ, ହରି ଗୋଛୟତ ଆଦି ପରିଚାଳନା କରିଥିଲେ । କଟକ ଜିଲ୍ଲା ବିଜୁ ଛାତ୍ର ଜନତା ଦଳ କାର୍ଯ୍ୟକାରୀ ସଭାପତି ସିଦ୍ଧାର୍ଥ କୁମାର ନାୟକ ଧନ୍ୟବାଦ ଜ୍ଞାପନ କରିଥିଲେ ।