ରାଷ୍ଟ୍ରୀୟ ସ୍ୱୟଂ ସଂଘ ପକ୍ଷରୁ ସ୍ଥାପନା ଦିବସ

#କଟକ(ଏନ୍‌.ଏମ୍‌.): ପବିତ୍ର ଦୁର୍ଗାପୂଜା ଅବସରରେ କଟକ ନଗର ରାଷ୍ଟ୍ରୀୟ ସ୍ୱୟଂ ସଂଘ ପକ୍ଷରୁ ୧ଶହ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। କଟକ ନଗର ତୁଳସୀପୁରସ୍ଥିତ ମଧୁସୂଦନ ପଡ଼ିଆ ଠାରେ ଆୟୋଜିତ ଏହି କାର୍ଯ୍ୟକ୍ରମରେ କଟକ ଜିଲ୍ଲା ସଂଘ ଚାଳକ ବିପିନ ବିହାରୀ ରାଉତ ପୌରହିତ୍ୟ କରିଥିଲେ। ମୁଖ୍ୟଅତିଥି ଭାବେ ଅବସରପ୍ରାପ୍ତ ବିଚାରପତି ତଥା ରତ୍ନଭଣ୍ଡାର କମିଟି ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଯୋଗଦେଇ ରାଷ୍ଟ୍ରୀୟ ସ୍ୱୟଂ ସେବକ ସଂଘ ପକ୍ଷରୁ ଦେଶବ୍ୟାପୀ ବିଭିନ୍ନ ଜନହିତକର ତଥା ସେବା କାର୍ଯ୍ୟକ୍ରମର ଭୂୟସୀ ପ୍ରଶଂସା କରିଥିଲେ। ଏହି ଅବସରରେ ଜଷ୍ଟିସ ରଥ ପରିବେଶ ସନ୍ତୁଳନ ନିମନ୍ତେ ପ୍ରତ୍ୟେକ ନାଗରିକ ଅନ୍ତତଃ ୨ଟି ବୃକ୍ଷ ଲଗାଇବା ସହ ତାହାକୁ ବଞ୍ଚାଇ ରଖିବା ପାଇଁ ପରାମର୍ଶ ଦେଇଥିଲେ। କାର୍ଯ୍ୟକ୍ରମରେ ଆରଏସଏସର ପୂର୍ବପ୍ରାସ୍ତ ସହ ପ୍ରଚାରକ ଅସୀତ ସାହୁ ମୁଖ୍ୟବକ୍ତା ଭାବେ ଯୋଗଦେଇ ରାଷ୍ଟ୍ରଗଠନରେ ଯୁବକମାନଙ୍କର ଥିବା ଭୂମିକା ସମ୍ପର୍କରେ ଆଲୋକପାତ କରିଥିଲେ। କଟକ ସଂଘ ଚାଳକ ଅରୁଣ କୁମାର ପତିଯୋଗଦେଇ ଥିଲେ। ଏହି ଅବସରରେ ସ୍ୱୟଂସେବକମାନଙ୍କ ଦ୍ୱାରା ବିଭିନ୍ନ କଳାକୌଶଳ ପ୍ରଦର୍ଶିତ କରାଯାଇଥିଲା। ଏହି କାର୍ଯ୍ୟକ୍ରମରେ ୨ଶହରୁ ଉର୍ଦ୍ଧ୍ୱ ସେବକ ଯୋଗଦେଇଥିଲେ।