ରାମନାମରେ କମ୍ପୁଛି ମାନସ

କେନ୍ଦ୍ରାପଡ଼ା(ଏନ୍‌.ଏମ୍‌.): ରାମନାମରେ କମ୍ପୁଛି କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକ ଚାନ୍ଦୋଳ ପଂଚାୟତର ଲହଣ ଶାସନ। ଲକ୍ଷେଶ୍ୱର କୃପା ପରିଷଦ ପକ୍ଷରୁ ଆୟୋଜିତ ହୋଇଛି ୩୩ ତମ ଶ୍ରୀରାମଚରିତ ମାନସ। ସଭାପତି ପିତାମ୍ବର ଶତପଥୀଙ୍କ ଅଧ୍ୟକ୍ଷତାରେ ପାଳିତ ହୋଇଛି ଶ୍ରୀରାମଚରିତ ମାନସ ମହାଯଜ୍ଞ। ଫେବୃଆରୀ ୨୮ରୁ ଆରମ୍ଭ ହୋଇଥିଲା ଶ୍ରୀରାମଚରିତ ମାନସ। ମାର୍ଚ୍ଚ ୯ ତାରିଖ ରବିବାର ଦିନ ଶ୍ରୀରାମଚରିତ ମାନସର ହୋଇଥିଲା ପୂର୍ଣ୍ଣର୍ାହୂତି। ୧୯୯୩ ମସିହାରୁ ପାଳିତ ହୋଇ ଆସୁଛି ଏଭଳି କାର୍ଯ୍ୟକ୍ରମ। ଗ୍ରାମର ରାଜକିଶୋର ଶତପଥି ଆରମ୍ଭ କରିଥିଲେ ଶ୍ରୀରାମ ଚରିତ ମାନସ। ମାନସ କାର୍ଯ୍ୟକ୍ରମ ଚାଲୁଥିବା ସମୟରେ ସେହି ମହାନ ବ୍ୟକ୍ତିଙ୍କର ମାର୍ଚ୍ଚ ୩ ତାରିଖରେ ଏକ ଘରୋଇ ହସ୍ପିଟାଲରେ ହୋଇଯାଇଥିଲା ଦେହାନ୍ତ। ତାଙ୍କ ମୃତ୍ୟୁରେ ନିଜଗ୍ରାମ ଓ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଥିଲା। ମାତ୍ର ଶ୍ରୀରାମଚରିତ ମାନସର ପ୍ରତିଦିନର କାର୍ଯ୍ୟକ୍ରମ କରାଯାଇଥିଲା। ପ୍ରତ୍ୟେହ ସୂର୍ଯ୍ୟ ପୂଜା ପରେ ସକାଳେ ପାରାୟଣ, ସନ୍ଧ୍ୟାରେ ଆଳତୀ, ଗୀତା ପାଠ ସହ ବରଣ୍ୟ ପ୍ରବଚକ ରାମନିରଞ୍ଜନ ଦାସ ଓ ଜ୍ୟୋତିପ୍ରକାଶ ଦାଶଙ୍କ ଦ୍ୱାରା ରାମକଥା ପରିବେଷଣ କରାଯାଇଥିଲା। ମାନସ ମହାଯଜ୍ଞର ପୂର୍ଣ୍ଣାହୁତି ହଜାର ହଜାର ଲୋକ ସାମିଲ ହୋଇ ବିଭୁକୃପା ପ୍ରାପ୍ତି ହୋଇଥିଲେ।