ରଡ ବୋଝେଇ ଟାଟାଏସିି ସହ ଯାତ୍ରୀବାହୀ ବସ ଧକ୍କା: ୬ ଗୁରୁତର
#ଜଗତପୁର(ଏନ୍.ଏମ୍.): ଏକ ଯାତ୍ରୀବାହୀ ବସ ସହିତ ଟାଟାଏସିର ଧକ୍କା ହେବା ଫଳରେ ୬ଜଣ ଗୁରୁତର ହୋଇ କଟକ ବଡ଼ମେଡ଼ିକାଲରେ ଚିକିତ୍ସିତ ହେଉଛନ୍ତି । ସୂଚନା ଅନୁଯାୟୀ, ଜଗତପୁର ଥାନା ଅନ୍ତର୍ଗତ ପଦ୍ମପୁର ନିକଟସ୍ଥ ଅନ୍ତପୁର ଛକ ଠାରେ ଏକ ଓଡି୦୫ ଜେଡ ୧୨୯୫ ନମ୍ବର ବିଶିଷ୍ଟ ଯାତ୍ରୀ ବାହୀ ବସରଟି ଅନ୍ୟ ଏକ ଗାଡିକୁ ଓଭରଟେକ କରୁଥିବା ବେଳେ ସମ୍ମୁଖ ପଟରୁ ଆସୁଥିବା ଏକ ରଡ ବୋଝୋଇ ଟାଟା ଏସି ପିକଅପ ଭ୍ୟାନ ପିଟି ହୋଇଥିଲା । ଫଳରେ ରଡ ଗୁଡିକ ବସ କାଚ ଭାଙ୍ଗି ବସ ମଧ୍ୟରେ ପଶି ଯିବାରୁ ଏହି ଦୁର୍ଘଟଣା ଘଟିଥିଲା । ଏଥିରେ ଟାଟା ପିକଅପ ଭ୍ୟାନର ଡ୍ରାଇଭର ଓ ହେଲପରଙ୍କ ସହିତ ୬ଜଣ ବସ ଯାତ୍ରୀ ଗୁରୁତର ଆହତ ହୋଇଥିଲେ । ଘଟଣାସ୍ଥଳରେ ଜଗତପୁର ପୁଲିସ ପହଞ୍ôଚ ଆହତମାନଙ୍କୁ କଟକ ବଡ ମେଡିକାଲ ପଠାଇବା ସହ ଘଟଣାର ତଦନ୍ତ ଜାରି ରଖିଛନ୍ତି । ପ୍ରକାଶ ଯେ, ଓଡି-୦୫-ବିବି-୦୯୬୧ ଟାଟା ଏସି ପିକଅପ ଭ୍ୟାନଟି ଜଗତପୁର ସ୍ଥିତ ଆଇବି ରୋଡ ଜଗଦମ୍ବା ଷ୍ଟିଲରୁ ରଡ ବେଝେଇ କରି ନେଇ ବହୁଗ୍ରାମ ଯାଉଥିବାବେଳେ ଅନ୍ତପୁର ଠାରେ ସାଲେପୁର ପଟୁ ଆସୁଥିବା ଏହି ଘରୋଇ ଯାତ୍ରୀ ବାହୀ ବସ ସହ ଦୁର୍ଘଟଣା ଘଟିଥିଲା ।