ବୋଧପୂର ପଞ୍ଚାୟତରେ ଆମ ବ୍ୟାଙ୍କ୍ ସେବା ଉଦ୍ଘାଟନ
#କଟକ ସଦର(ଏନ୍.ଏମ୍.): ଘର ଦୁଆର ମୁଁହରେ ଲୋକଙ୍କୁ ମିଳିଲା ବ୍ୟାଙ୍କ୍ ସୁବିଧା । ବୋଧପୂର ମଲିଆ ବାଙ୍କ ପଡିଆ ନିକଟରେ ପଞ୍ଜାବ୍ ନ୍ୟାସନାଲ୍ ବ୍ୟାଙ୍କ୍ ଶାଖାକୁ ଭର୍ଚୁଆଲ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଘାଟନ କରିଥିଲେ । କାର୍ଯ୍ୟକ୍ରମରେ ବୋଧପୂର ସରପଞ୍ଚ ପ୍ରଶାନ୍ତ ବେହେରା, ସମାଜସେବୀ ରୀନା ରଥ ଯୋଗଦେଇଥିଲେ । ଏହି ବ୍ୟାଙ୍କର ଉଦ୍ଘାଟନୀ ଉତ୍ସବରେ ନାନପୁର, ପାଇ କଣ, ଫୂଲରା, ବୋଧପୂର ଗ୍ରାମର ଶତାଧିକ ଜନସାଧାରଣ ଉପସ୍ଥିତଥିଲେ । ଏଥିସହିତ ମହିଳା ଗ୍ରୁପର ସଦସ୍ୟା, ଏମବିକେ, ସିଆରପି, ଇସି ମେମ୍ବର, ଅଙ୍ଗନୱାଡି କର୍ମୀ, ଆଶା କର୍ମଚାରୀ ପ୍ରମୁଖ ଊପସ୍ଥିତ ରହିଥିଲେ । ତେବେ ଆୟୋଜିତ ସଭାକୁ ଜିଆରଏସ ପ୍ରିୟଦର୍ଶିନୀ ମହାନ୍ତି ପରିଚଳାନା କରିଥିବାବେଳେ ଅନ୍ୟମାନଙ୍କ ମଧ୍ୟରେ ନିର୍ମଳ ଚନ୍ଦ୍ର ବେହେରା, ସରୋଜ ବେହେରା, ସଂଯୁକ୍ତା ବେହେରା, ନାରାୟଣ ଭୋଇ, କଳ୍ପତରୁ ମହାରଣା, ଭୁବନମୋହନ ସେଠୀ, ସୁଶାନ୍ତ ବେହେରା, ନରୋତ୍ତମ ଦାସ୍ ପ୍ରମୁଖ ଯୋଗଦେଇଥିଲେ । ତେବେ ଏହି ବ୍ୟାଙ୍କ୍ ସେବା ଦ୍ୱାରା ଆଉ ଲୋକଙ୍କୁ ଦୂରରେ ଥିବା ବ୍ୟାଙ୍କ୍କୁ ଯିବାକୁ ପଡିବ ନାହିଁ ଏବଂ ସବୁ ବର୍ଗର ହିତାଧିକାରୀଙ୍କୁ ବ୍ୟାଙ୍କ୍ ସେବା ମିଳିପାରିବବୋଲି ବ୍ୟାଙ୍କ କର୍ତ୍ତୃପକ୍ଷ ସୂଚନା ଦେଇଛନ୍ତି । ଅନ୍ୟପଟେ ଏହି ବ୍ୟାଙ୍କ୍ ସେବା ପାଁଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଧାୟକ ଚନ୍ଦ୍ର ସାରଥୀ ବେହେରାଙ୍କୁ ସରପଞ୍ଚ ପ୍ରଶାନ୍ତ ବେହେରା ଓ ସମାଜସେବୀ ରୀନା ରଥ ଧନ୍ୟବାଦ ଅର୍ପଣ କରିଛନ୍ତି ।