ବୋଧପୁର ଲୋକନାଥଙ୍କ ପୀଠରେ ଭାଗବତ ଜନ୍ମତ୍ସୋବ

#କିଶନନଗର(ଏନ.ଏମ୍‌.): ଇନ୍ଦୁ ପୂର୍ଣ୍ଣିମାର ଶୁଭ ଅବସରରେ କଟକ ସଦର ଅନ୍ତର୍ଗତ ବୋଧପୁର ଲୋକନାଥ ମନ୍ଦିର ପ୍ରାଙ୍ଗଣରେ ଥିବା ଭାଗବତ ଟୁଙ୍ଗୀରେ ଶ୍ରୀମଦ ଭାଗବତଙ୍କ ଜନ୍ମତ୍ସୋବ ଅନୁଷ୍ଠିତ ହୋଇଯାଇଛି । ସନାତନ ଧର୍ମର ପ୍ରାଣ ଭାଗବତ ଜନ୍ମ ଉତ୍ସବ ପବିତ୍ର ଭାଗବତ ପଠନ, ଶ୍ରବଣ, ହୋମ ଯଜ୍ଞ, ଭଜନ, ନାମ ସଂକୀର୍ତ୍ତନ କରାଯାଇଥିଲା । କର୍ତ୍ତା ଭାବେ ଲୋକନାଥ ମନ୍ଦିରର ମୁଖ୍ୟ ପୂଜକ ବସନ୍ତ ରଥ ଓ ତାଙ୍କ ସହଧର୍ମିଣୀ ରୀନା ରଥ ଏବଂ ପଣ୍ଡିତ ଭାବେ ପ୍ରଫୁଲ୍ଲ ଚନ୍ଦ୍ର ରଥ, ନିର୍ମଳ ରଥ, ଅଭିତ୍ ରଥ ପୂଜା କାର୍ଯ୍ୟ ସମ୍ପନ୍ନ କରିଥିଲେ । ପଣ୍ଡିତ ରୋସନ ରଥ କାର୍ଯ୍ୟକ୍ରମକୁ ପରିଚାଳନା କରିଥିଲେ । କିରଣ ରଥ, ଅଭିଷେକ ରଥ, ଜ୍ଞାନରଞ୍ଜନ ସାହୁ, ବିଶ୍ୱଜିତ ସାହୁ, ତପନ ସାହୁ, ପ୍ରମୋଦ ସାହୁ, କାର୍ତ୍ତିକ ପଣ୍ଡା, ପ୍ରିୟରଞ୍ଜନ ପଣ୍ଡା ଏବଂ ଅନ୍ୟମାନେ ସହଯୋଗ କରିଥିଲେ । ହରିବୋଲ, ହୁଳହୁଳିର ଏକ ଆଧ୍ୟାତ୍ମିକ ପରିବେଶରେ ଶତାଧିକ ଭକ୍ତ, ଶ୍ରଦ୍ଧାଳୁ ଭାଗବତ କଥାମୃତ ପାନ କରିବା ସହିତ ଶେଷରେ ସମସ୍ତେ ପ୍ରସାଦ ସେବନ କରିଥିଲେ । ବର୍ଷ ତମାମ ଏଠାରେ ପ୍ରତ୍ୟହ ସନ୍ଧ୍ୟାରେ ଭାଗବତ ପାଠ କରାଯାଇଥିବାବେଳେ ଇନ୍ଦୁ ପୂର୍ଣ୍ଣିମା ଦିନ ଏହା ଶେଷ ହେବାସହ ପୁନର୍ବାର ଏହି ଦିନ ଠାରୁ ଭାଗବତ ପାଠ ଆରମ୍ଭ ହୋଇଥାଏ ।