ପ୍ରବାସୀ ଭାରତୀୟଙ୍କ କଟକ ପରିଭ୍ରମଣ
କଟକ(ଏନ୍.ଏମ୍.): ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ପ୍ରବାସୀ ଭାରତୀୟ ମାନେ ଆଜି କଟକର ନେତାଜୀ ଜନ୍ମପୀଠ ଓ ସଂଗ୍ରାହଳୟ, ନୌବାଣିଜ୍ୟ ସଂଗ୍ରାହଳୟ, ନ୍ୟାୟିକ ସଂଗ୍ରାହଳୟ ସହ ସିଲଭର୍ ସିଟି ବୋଟ ଆଦି ପରିଦର୍ଶନ କରିଛନ୍ତି। ଆଜି ୨ଜଣ ଆମେରିକୀୟ, ୨ଜଣ ମରିସୀୟସ ଓ ୧ଜଣ ବାହାରିନର ପ୍ରବାସୀ ଭାରତୀୟ ମାନେ କଟକ ପରିଭ୍ରମଣରେ ଆସି ସନ୍ଧ୍ୟାରେ ଅନୁଷ୍ଠିତ ହେଉଥିବା ମହାନଦୀ ଫେଷ୍ଟିଭାଲରେ ସାମିଲ ହୋଇଥିଲେ। ସେଠାରେ ପ୍ରଦର୍ଶନୀ ମେଳା ବୁଲିବା ସହ ଓରମାସ ଓ ମିଶନ ଶକ୍ତି ମା’ମାନଙ୍କ ଦ୍ୱାରା ହସ୍ତଶିଳ୍ପ, ହସ୍ତତନ୍ତ, ଚିତ୍ରକଳା, ତାରକସୀ ଆଦିରେ ନିର୍ମିତ ହୋଇଥିବା ଉତ୍ପାଦ ଗୁଡ଼ିକର କାରୁକାର୍ଯ୍ୟ ଦେଖି ପ୍ରଶଂସା କରିବା ସହ ପାରମ୍ପାରିକ ଖାଦ୍ୟପେୟର ମଜା ନେଇଥିଲେ। ଚଳତବର୍ଷ ଏହି ଦିବସ ଭୁବନେଶ୍ୱରରେ ଭବ୍ୟ ଆୟୋଜନ ସହ କଟକରେ ଏହି ଭଳି ଆତିଥ୍ୟ ସତ୍କାର ପାଇଁ ସେମାନେ ଆନନ୍ଦ ଅନୁଭବ କରିଥିଲେ। ସୂଚନା ଅନୁଯାୟୀ ରାଜ୍ୟ ସରକାରଙ୍କ ପର୍ଯଟନ ବିଭାଗ ପ୍ରବାସୀ ଭାରତୀୟଙ୍କ ନିମନ୍ତେ ଆସନ୍ତା କାଲି ପର୍ଯ୍ୟନ୍ତ ରାଜ୍ୟର ୨୩ଟି ପର୍ଯଟନସ୍ଥଳୀ ମାନଙ୍କରେ ସମସ୍ତ କାର୍ଯ୍ୟକ୍ରମ ଚାଲୁରହିବ ବୋଲି ନିର୍ଦ୍ଦେଶନାମା ଜାରି କରିଥିବାବେଳେ କଟକର ନିର୍ଦ୍ଧିଷ୍ଟ ପର୍ଯ୍ୟଟନ ଲକ୍ଷ୍ୟସ୍ଥଳରେ ମଧ୍ୟ ଆଶାତୀତଭାବେ ପ୍ରବାସୀ ଭାରତୀୟ ପରିଭ୍ରମଣ କରିବେ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।