ପ୍ରଧାନ ଶିକ୍ଷକ ସୁଶାନ୍ତ କୁମାର ପ୍ରତିହାରୀଙ୍କୁ ବିଦାୟ ସମ୍ବର୍ଦ୍ଧନା
#ଖୋର୍ଦ୍ଧା (ଏନ୍.ଏମ୍.): ପରିଚ୍ଛଳ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୁଶାନ୍ତ କୁମାର ପ୍ରତିହାରୀଙ୍କୁ ଏକ ଭାବବିହ୍ୱଳ ଓ ଅଶ୍ରୁଳ ପରିବେଶରେ ସ୍ଥାନୀୟ ଶିକ୍ଷକ ଗଣ, ସମସ୍ତ ଛାତ୍ରଛାତ୍ରୀ, ଜନ ପ୍ରତିନିଧି, ଗ୍ରାମର ଭଦ୍ର ମଣ୍ଡଳୀ ଏବଂ ଅନ୍ତର୍ଜାତୀୟ ମାନବାଧିକାର ରକ୍ଷକ ଅନୁଷ୍ଠାନର ପ୍ରଶାସନିକ ସଚିବ (ମୁଖ୍ୟ କାଯ୍ୟାଳୟ, ଭାରତ) ଅବିନାଶ ସାମନ୍ତରାୟଙ୍କ ଉପସ୍ଥିତିରେ ଅବସର କାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଥିଲା । ଶ୍ରୀ ପ୍ରତିହାରୀ ଏକାଧାରରେ ଜଣେ କର୍ମନିଷ୍ଠ, ବିଶ୍ୱସ୍ତ, ଛାତ୍ରବତ୍ସଳ, ମିଷ୍ଟଭାଷୀ, ଆଦର୍ଶ ଶିକ୍ଷକ ଭାବରେ ତାଙ୍କର ସୁଦୀର୍ଘ କାର୍ଯ୍ୟକାଳ ସମାପନ କରିଛନ୍ତି । ତାଙ୍କର କାର୍ଯ୍ୟକାଳ ମଧ୍ୟରେ ଅନେକ ଛାତ୍ରଛାତ୍ରୀଙ୍କୁ ଉତ୍ତମ ମଣିଷ କରି ଗଢିଛନ୍ତି । ତାଙ୍କ ପାଠ ପଢ଼ାର ଶୈଳୀ, ଅନୁଶାସନ ଓ କର୍ତ୍ତବ୍ୟ ପରାୟଣାତା ଛାତ୍ର ଛାତ୍ରୀମାନଙ୍କ ପାଇଁ ଅନୁକରଣୀୟ ଓ ଅବିସ୍ମରଣୀୟ ହୋଇ ରହିବ । ଉକ୍ତ ବିଦାୟ କାଳୀନ ସମ୍ବର୍ଦ୍ଧନା ଉତ୍ସବରେ ଉପସ୍ଥିତ ଭଦ୍ରମଣ୍ଡଳୀ ଅବସର ପ୍ରାପ୍ତ ଶିକ୍ଷକ ମହୋଦୟଙ୍କ ଅନେକ ସୁଗୁଣ ବର୍ଣ୍ଣନା କରି ନିଜ ନିଜର ବକ୍ତବ୍ୟ ଉପସ୍ଥାପନା କରିଥିଲେ । ଏହି ବିଦାୟ ଉତ୍ସବରେ ସ୍ଥାନୀୟ ବିଦ୍ୟାଳୟର ଶିକ୍ଷକ ପ୍ରଭାତ ସାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ।