ପବିତ୍ର କୋରାନର ଅନୁବାଦକ ଅବଦୁଲ କାଦର ଖାନ ଆଉ ନାହାଁନ୍ତି
#ଭୁବନେଶ୍ୱର(ଏନ୍.ଏମ୍.): ପବିତ୍ର କୋରାନର ଅନ୍ୟତମ ଅନୁବାଦକ ଅବଦୁଲ କାଦର ଖାନଙ୍କ ଦେହାନ୍ତ ହୋଇଛି । ୨୫ ଅକ୍ଟୋବରରେ ଭୁବନେଶ୍ୱର ଏଆଇଆଇଏମଏସ ହସ୍ପିଟାଲରେ ୮୫ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା । ଅବଦୁଲ ଖାନ ରାଜ୍ୟ ସରକାରଙ୍କ ଆଇନ ବିଭାଗରେ ଅଣ୍ଡର ସେକ୍ରେଟେରୀ ଭାବରେ ଅବସର ନେବା ପରେ ଅନେକ ସାମାଜିକ ସେବା କାର୍ଯ୍ୟରେ ଜଡିତ ଥିଲେ । ଚନ୍ଦ୍ରଶେଖରପୁରରେ ଶ୍ରୀ ବିହାର ଆସୋସିଏସନର ପ୍ରତିଷ୍ଠାତା ଥିଲେ ଏବଂ ବହୁ ବର୍ଷ ପର୍ଯ୍ୟନ୍ତ ଏହାର ସଭାପତି ରହିଲେ । ସେ ଅହମ୍ମଦିଆ ମୁସଲିମ ଜମାତ ଭୁବନେଶ୍ୱର ଶାଖାର ଆମିର (ସଭାପତି) ଥିଲେ । ସେ କୋରାନର ଅନୁବାଦ ସହିତ ଅନେକ ସୃଜନଶୀଳ କାର୍ଯ୍ୟ କରିବା ସହ ଅନେକ ଧାର୍ମିକ ପୁସ୍ତକ ମଧ୍ୟ ଅନୁବାଦ କରିଛନ୍ତି । ଅଧ୍ୟୟନ ପ୍ରତି ତାଙ୍କର ଆଗ୍ରହ ଥିଲା । ସେଥିପାଇଁ ସେ ୭୪ ବର୍ଷ ବୟସରେ ଆଇଜିଏନଓୟୁ (ଓପନ୍ ୟୁନିଭରସିଟି)ରୁ ରାଜନୀତି ବିଜ୍ଞାନରେ ସ୍ନାତକୋତ୍ତର ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ । ଅହମ୍ମଦିଆ ମୁସଲିମ ଜମାତ, ଭୁବନେଶ୍ୱର ଏବଂ ମାଣିକଗୋଡାର ସ୍କୁଲ ଏବଂ ଆସୋସିଏସନ ଅଫ୍ ଶ୍ରୀବିହାର ସମସ୍ତ ସଦସ୍ୟ ତାଙ୍କ ଦେହାନ୍ତ ଗଭୀର ଶୋକ ପ୍ରକାଶ କରିବା ସହ ତାଙ୍କ ଆତ୍ମାର ଅନନ୍ତ ଶାନ୍ତି ପାଇଁ ପ୍ରାର୍ଥନା କରିଛନ୍ତି ।