ତିଗିରିଆ ଅଞ୍ଚଳରେ ମର୍ମନ୍ତୁଦ ସଡ଼କ ଦୁର୍ଘଟଣା: ଚାଲିଗଲା ୪ ଜୀବନ ଜଣେ ଗୁରୁତର
#ତିଗିରିଆ(ଏନ୍.ଏମ୍.): କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ତିଗିରିଆ ନୂଆସଡକ ଛକ ନିକଟରେ କାର ଓ ଟ୍ରକ୍ ମୁହାଁମୁହିଁ ଧକ୍କା ଘଟିବା ଦ୍ୱାରା ୪ଜଣ ବ୍ୟକ୍ତିଙ୍କ ପ୍ରାଣହାନୀ ଘଟିଛି । ଦୁର୍ଘଟଣା ସ୍ଥଳରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇ ଆଠଗଡ ମେଡ଼ିକାଲରେ ଭର୍ତ୍ତି ହୋଇଥିବାବେଳେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ଡାକ୍ତର ଖାନା କୁ ପଠାଇ ଦିଆଯାଇଛି । ତିଗିରିଆ ଥାନା ନୂଆସଡ଼କ ଠାରେ ଏକ ଟ୍ରକ ସହ କାରର ମୁହାଁମୁହିଁ ଧକ୍କା ହୋଇଥିଲା । ଯେଉଁ ଧକ୍କାରେ ଜଣଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି । ତିଗିରିଆ ଥାନା ନୂଆସଡ଼କ ଠାରେ ଟ୍ରକ କାର ମୂହାଁମୂହିଁ ଧକ୍କା ହେବା ଫଳରେ ଘଟଣା ସ୍ଥଳରେ କାରରେ ଚାପି ହୋଇ ୪ଜଣଙ୍କର ମୃତ୍ୟୁ ହୋଇଥିଲା । କାରରେ ୫ ଜଣ ସାଙ୍ଗ ବୁଲିବାକୁ ଆସିଥିଲେ । ତିଗିରିଆ ଅଗ୍ନିଶମ ବିଭାଗ ସହ ତିଗିରିଆ ପୋଲିସ ଉଦ୍ଧାର କରି ଆଠଗଡ଼ ମେଡିକାଲ ରେ ଭର୍ତ୍ତି କରିଥିଲେ।। ସେଥି ମଧ୍ୟରୁ ଚାରି ଜଣଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଜଣଙ୍କୁ କଟକ ବଡ଼ ଡ଼ାକ୍ତରଖାନା କୁ ସ୍ଥାନାନ୍ତର କରାଯାଇଛି । ମୃତକ ହେଲେ ଚନ୍ଦନ ଖଟୁଆ, ବିନ୍ଧାଣିମା ଗ୍ରାମର ବାବୁଲି ରାଉତ, ବାଣେଶ୍ୱରପଡ଼ା ଗ୍ରାମର ସୁବାସ ବେହେରା, ଏବଂ ବିନ୍ଧାଣିମା ଗ୍ରାମ ଅଭିମାନ ପୁରର ସିଲୁ ପୁଷ୍ଟି ଏବଂ ଆହତ ହୋଇ ଥିବା ଯୁବକ ହେଲେ ନୂଆପାଟଣାର ଦୀପକ ସାହୁ ବୋଲି ଜଣାପଡ଼ିଛି । ଘଟଣା ସ୍ଥଳରେ ତିଗିରିଆ ପୁଲିସ୍ ପହଞ୍ଚି ଦୁର୍ଘଘଟଣାଗ୍ରସ୍ତ ଗାଡ଼ିକୁ ଜବତ କରି ତଦନ୍ତ ଜାରି ରଖିଛି ।