ଜନସାଧାରଣଙ୍କ କାମ ନକରିବା ଯୋଗୁଁ କଟକର ବିଭିନ୍ନ ବିଭାଗୀୟ ଅଧିକାରୀଙ୍କ ଦରମା ବନ୍ଦ କଲେ ମୁଖ୍ୟମନ୍ତ୍ରୀ
କଟକ(ଏନ୍.ଏମ୍.): ରାଜ୍ୟରେ ଜନକଲ୍ୟାଣ କାର୍ଯ୍ୟକ୍ରମ ସଠିକ ଭାବେ ହୋଇ ପାରୁନଥିବା ଯୋଗୁଁ ଏଥିପାଇଁ ରାଜ୍ୟସରକାର ନିନ୍ଦିତ ହେଉଛନ୍ତି। ତେବେ ବିଭିନ୍ନ ବିଭାଗୀୟ ଅଧିକାରୀଙ୍କ ଯୋଗୁଁ ସରକାରୀ ଯୋଜନାର ସଫଳ ରୂପାୟନ ହୋଇ ପାରୁନଥିବା ଭଳି ସଂଗୀନ ଅଭିଯୋଗ ଉଠିଛି। ଫଳରେ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ଜିଲ୍ଲାର ବିଭିନ୍ନ ବିଭାଗର ତଥା ୪୮ଟି ବିଭାଗର ଅଧିକାରୀଙ୍କ ଦରମା ଅଟକ ରଖିବା ପାଇଁ ନିର୍ଦ୍ଦେଶ ଜାରି ହୋଇଛି। ତେବେ ମୁଖ୍ୟମନ୍ତ୍ରୀ ଜନ ଅଭିଯୋଗ ଶୁଣାଣିରେ ଯେଉଁ ବିଭାଗୀୟ ଅଧିକାରୀ ଜନ ଶୁଣାଣି ଅଭିଯୋଗକୁ ଅଣଦେଖା କରିବା ସହ ସମାଧାନ କରି ନାହାନ୍ତି ସେ ସବୁ ବିଭାଗର ଅଧିକାରୀଙ୍କ ଦରମା ବନ୍ଦ ହୋଇଛି। ଏଥିପାଇଁ ଜିଲ୍ଲାପାଳଙ୍କ କାର୍ଯ୍ୟଳୟରୁ ଜିଲ୍ଲା ଟ୍ରେଜେରୀ ଅଧିକାରୀଙ୍କୁ ନୋଟିସ ମଧ୍ୟ କରାଯାଇଛି। ଜିଲ୍ଲାପାଳଙ୍କ କାର୍ଯ୍ୟାଳୟରୁ ଲେଟର ନଂ ୩୭୮ ଗ୍ରୀଭାନ୍ସ ତାରିଖ ୦୭।୦୨।୨୦୨୫, ଲେଟର ନଂ ୪୮୮ ଗ୍ରୀଭାନ୍ସ ତାରିଖ ୨୦।୦୨।୨୦୨୫, ଲେଟର ନଂ ୫୨୨ ଗ୍ରୀଭାନ୍ସ ତାରିଖ ୨୫।୦୨।୨୦୨୫ରେ ନୋଟିସ କରାଯାଇ ଗ୍ରୀଭାନ୍ସ ଖିଲାପି ଅଧିକାରୀଙ୍କ ଦରମା ବନ୍ଦ ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟରୁ ନୋଟିସ କରାଯାଇଛି। କଟକ ଜିଲ୍ଲାର ବହୁ ବିଭାଗୀୟ ଅଧିକାରୀଙ୍କ ସହ ସାଲେପୁର, ମାହାଙ୍ଗା, ନିଶ୍ଚିନ୍ତକୋଇଲି ବ୍ଳକ, ତହସିଲଦାରଙ୍କ ସମେତ ବହୁ ଗ୍ରୀଭାନ୍ସ ଖିଲଫି ବିଭାଗୀୟ ଅଧିକାରୀଙ୍କ ଦରମା ବନ୍ଦ ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟରୁ ନୋଟିସ କରାଯାଇ ଥିବା ନେଇ ପ୍ରକାଶ ପାଇଛି। ତେବେ ଆଗାମୀ ଦିନରେ କାର୍ଯ୍ୟରେ ଅବହେଳା ପ୍ରଦର୍ଶନ କରୁଥିବା ଅଧିକାରୀ ଓ କର୍ମଚାରୀଙ୍କ ବିରୋଧରେ ଏଭଳି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ଏଭଳି ନିଷ୍ପତ୍ତି ନେଇଛନ୍ତି।