ଜଗତପୁର କଂଗ୍ରେସ ପକ୍ଷରୁ ବିଦ୍ୟୁତ କାର୍ଯ୍ୟାଳୟ ଘେରାଉ

#ଜଗତପୁର(ଏନ୍‌.ଏମ୍‌.): ସମ୍ପ୍ରତି ସାରା ରାଜ୍ୟରେ ଅସହ୍ୟ ଗରମ ଓ ଗୁଳୁଗୁଳି ହେଉଥିବା ସମୟରେ ଜଗତପୁର ଅଞ୍ଚଳରେ ଉଭୟ ଦିନ ଓ ରାତ୍ରୀ ସମୟରେ ବାରମ୍ବାର ଅଘୋଷିତ ବିଦ୍ୟୁତ କାଟ ପ୍ରତିବାଦରେ “ଜଗତପୁର କଂଗ୍ରେସ’ ପକ୍ଷରୁ ୪୮ନମ୍ବର ୱାର୍ଡ କଂଗ୍ରେସ ସଭାପତି ରଶ୍ମୀକାନ୍ତ ସାମଲ ଓ ୪୯ନମ୍ବର ୱାର୍ଡ କଂଗ୍ରେସ ସଭାପତି ଦୁର୍ଯ୍ୟୋଧନ ପ୍ରଧାନଙ୍କ ନେତୃତ୍ୱରେ କଂଗ୍ରେସ କର୍ମୀ ମାନେ ଜଗତପୁର ଗୋଲେଇ ଛକ ସ୍ଥିତ ଟିପିସିଓଡିଏଲ କାର୍ଯ୍ୟାଳୟ ଘେରାଉ କରିବା ସହ ବିଭାଗୀୟ ଅଧୀକ୍ଷଣ ଯନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଲିଖିତ ଦାବିପତ୍ର ଏସଡ଼ିଓ ଇଂ.ସରୋଜ ସାହୁଙ୍କ ଜରିଆରେ ପ୍ରଦାନ କରାଯାଇଥିଲା । ଜେଇ ବିକାଶ ଭୋଇ ମଧ୍ୟ ଉପସ୍ଥିତ ଥିଲେ । ବିଶେଷ କରି ପୁରୁଣା କେବୁଲ ତାରକୁ ବଦଳା ଯିବା,ଅଧିକ କ୍ଷମତା ସମ୍ପର୍ଣ୍ଣ ଟ୍ରାନ୍ସଫର୍ମର ବସାଇବା, ବିନା ଫାଇନରେ ପ୍ରତି ଉପଭୋକ୍ତାଙ୍କର ଲୋଡ଼ ଭେରିଫିକେସନ କରାଯିବା, ଠିକଣା ସମୟ ବ୍ୟବଧାନରେ ବିଦ୍ୟୁତ ତାର ଉପରେ ଥିବା ଗଛ ଡାଳ ଗୁଡିକୁ ବିଭାଗ ପକ୍ଷରୁ ସଫେଇ କରାଯିବା, ଜଗତପୁର ଅଞ୍ଚଳରେ ପୂର୍ବ ପ୍ରସ୍ତାବ ଅନୁଯାୟୀ ନୂତନ ଗ୍ରୀଡ଼ ସ୍ଥାପନ କରାଯିବା, ଚାଇନା ମିଟର ପରିବର୍ତ୍ତେ ସ୍ୱଦେଶୀ ମିଟର ପ୍ରଚଳନକୁ ପ୍ରୋତ୍ସାହିତ କରାଯିବା ସହ ବାରମ୍ବାର ଓ ଅଧିକ ସମୟ ଅଘୋଷିତ ବିଦ୍ୟୁତ କାଟ କରାଗଲେ ନିୟମାନୁଯାୟୀ ବିଭାଗ ଉପଭୋକ୍ତାଙ୍କୁ ଜୋରିମାନା ପ୍ରଦାନ କରନ୍ତୁ ବୋଲି କଂଗ୍ରେସ କର୍ମୀମାନେ ଦାବି କରିଥିଲେ । ନଚେତ ଆଗାମୀ ଦିନରେ କଂଗ୍ରେସ ପକ୍ଷରୁ ଜନ ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଥିବା ଜଣାଯାଇଛି ।ଏହି କାର୍ଯ୍ୟକ୍ରମରେ ୮ନମ୍ବର ବ୍ଲକ କଂଗ୍ରେସ ସଭାପତି ଅଲେଖ ଚନ୍ଦ୍ର ବେହେରା, କଂଗ୍ରେସ ଯୁବନେତା ମାନସ ପରିଡା, ଶିଳ୍ପଦ୍ୟୋଗୀ ବିରଞ୍ଚି ନାରାୟଣ ପଣ୍ଡା, ଚୌଦ୍ୱାର-କଟକ ଯୁବ କଂଗ୍ରେସ ସଭାପତି ମାନସ ନାୟକଙ୍କ ସମେତ ବରିଷ୍ଠ କଂଗ୍ରେସ ନେତା ଜୟ ନାରାୟଣ ତ୍ରିପାଠୀ, ଲଳିତ ମୋହନ ଭୂୟାଁ, ଆବାସ ମଲ୍ଲିକ, ୪୯ ନମ୍ବର ୱାର୍ଡ କଂଗ୍ରେସ ସମ୍ପାଦକ ଦିଲ୍ଲୀପ ଚୌଧୁରୀ, ସୁଶୀଲ ମହାନ୍ତି, ହେମରାଜ ବିଶ୍ୱାଳ, ଗୋଲେଖ ଚନ୍ଦ୍ର ରାଉତ, ବାମା ଚରଣ ଦାସ, ଜୟନ୍ତ ରାଉତ, ଶ୍ରମିକ ନେତା ଲଷ୍ମୀଧର ଶରଣ, ପ୍ରୀତି ରଞ୍ଜନ ଜେନା, ଉମାଶଙ୍କର ସାମଲ, ଧୀରେନ୍ଦ୍ର ମହାନ୍ତି, ପ୍ରମୋଦ ବେହେରା, ଦୁର୍ଗା ପ୍ରସାଦ ଜେନା, ବିମଳ ବିଶ୍ୱାଳ ପ୍ରମୁଖ ଯୋଗଦେଇ ଥିଲେ ।