ଘସିଏନରେ ବିଜୁଜନତା ଦଳ ପକ୍ଷରୁ ବିରାଟ ମହିଳା କର୍ମୀ ସମାବେଶ
ମାତୃଶକ୍ତି ହିଁ ମୋର ଚଳାପଥକୁ ସଫଳ କରିବ: ବିଧାୟକ ସରୋଜ ମେହେର

ପାଟଣାଗଡ଼ (ଏନ୍‌.ଏମ୍‌.): ପାଟଣାଗଡ଼ ନିର୍ବାଚନ ମଣ୍ଡଳୀର ଘସିଏନ ଖେଳପଡିଆ ଠାରେ ବିଜୁଜନତା ଦଳ ପକ୍ଷରୁ ୧୪ ନମ୍ବର ଜୋନସ୍ତରୀୟ ବିରାଟ ମହିଳା କର୍ମୀ ସମାବେଶ ଅନୁଷ୍ଠିତ ହୋଇ ଯାଇଛି । ଆୟୋଜିତ ସମାବେଶରେ ସରକାରୀ ଉପମୁଖ୍ୟ ସଚେତକ ତଥା ପାଟଣାଗଡ଼ ବିଧାୟକ ସରୋଜ କୁମାର ମେହେର ମୂଖ୍ୟଅତିଥି ଭାବେ ଯୋଗଦେଇ ଥିଲେ । ଏହି ମହିଲା କର୍ମୀ ସମାବେଶରେ ୧୧ ଟି ପଞ୍ଚାୟତର ସରପଞ୍ଚ,ସମିତି ସଭ୍ୟ-ସଭ୍ୟା,୧୪ ନମ୍ବର ଜୋନ ଜିଲ୍ଲାପରିଷଦ ସଭ୍ୟା ବିଶେଶ୍ୱରୀ ବରିହା, ବ୍ଳକ ଚେୟାରମ୍ୟାନ୍ ନିଳକାନ୍ତ ବାଗ, ଉପାଧ୍ୟକ୍ଷା ଲକ୍ଷ୍ମୀ ମାଝୀ, ବିଧାୟକଙ୍କ ପାଟଣାଗଡ଼ ନୋମିନୀ ହୀମାଞ୍ଚଳ ପ୍ରଧାନ, ଫଟାମୁଣ୍ଡା ସମିତି ସଭ୍ୟ ଜୟନ୍ତ କୁମ୍ଭାର ପ୍ରମୁଖ ଉପସ୍ଥିତ ଥିଲେ । ପ୍ରାୟ ୧୨ ହଜାରରୁ ଅଧିକ ମହିଳା କର୍ମୀ ଯୋଗଦେଇଥିବା ବେଳେ ଡାଙ୍ଗବାହାଲ ସରପଞ୍ଚ ରିନା ସାହୁଙ୍କ ସହ ୧୦୦ ଜଣ ମହିଲା ପୁରୁଷ କର୍ମୀ ବିଜେଡିରେ ଯୋଗଦାନ କରିଥିଲେ । ବିଧାୟକ ଶ୍ରୀ ମେହେର ସମସ୍ତଙ୍କୁ ସ୍ୱାଗତ କରିବା ସହ ଉତ୍ସାହିତ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମହିଲା ସଶକ୍ତିକରଣ ପାଇଁ ବିଭିନ୍ନ ଜନ ହିତକର ଯୋଜନାର କାର୍ଯ୍ୟକାରିତା ଉପରେ ବିଧାୟକ ଉଦବୋଧନ ଦେଇଥିଲେ । ମାତୃଶକ୍ତି ହିଁ ମୋର ଚଳାପଥକୁ ସଫଳ କରିବ ବୋଲି ସମସ୍ତ ମହିଳା କର୍ମୀଙ୍କ ଠାରୁ ଆର୍ଶୀବାଦ ଭିକ୍ଷା ପ୍ରାର୍ଥନା କରିଥିଲେ । ସେହିପରି ପାଟଣାଗଡ ବିଧାୟକ ସରୋଜ ମେହେରଙ୍କ ଉପସ୍ଥିତି ଓ ଅରକ୍ଷିତ ଦଣ୍ଡସେନାଙ୍କ ତତ୍ତ୍ୱାବଧାନରେ ଫାଟାମୁଣ୍ଡା ପଞ୍ଚାୟତ ଲଣଙ୍ଗାଭଟା ହରିଜନ ବସ୍ତିରେ ମୁଖ୍ୟମନ୍ତ୍ରୀଙ୍କ ଯୋଜନା ଓ ବିଧାୟକ ଶ୍ରୀ ମେହେର କାର୍ଯ୍ୟଧାରାରେ ଅନୁପ୍ରାଣିତ ହୋଇ ହରିଜନ ପଡ଼ାର ୧୦୦ ଜଣରୁ ଉର୍ଦ୍ଧ୍ୱ ମହିଲା ପୁରୁଷ ବିଜେଡିରେ ସାମିଲ ହୋଇଥିଲେ । କାର୍ଯ୍ୟକ୍ରମକୁ ପାଟଣାଗଡ଼ ବ୍ଳକ ସମିତି ସଭ୍ୟ ସଂଘ ସଭାପତି ତଥା ତମିଆଁ ପଞ୍ଚାୟତ ସମିତି ସଭ୍ୟ ଗୋବିନ୍ଦ ମେହେର ପରିଚାଳନା କରିଥିଲେ ।