“ଗୋପବନ୍ଧୁ ସେବା ସଂଗଠନ’ ପକ୍ଷରୁ ତ୍ରିଲୋଚନ କାନୁନଗୋଙ୍କ ଶ୍ରଦ୍ଧାଞ୍ଜଳି ସଭା

#ଜଗତପୁର(ଏନ୍‌.ଏମ୍‌.): କଟକ ପୌରପାଳିକାର ପୂର୍ବତନ ଚେୟାରମ୍ୟାନ, ପୂର୍ବତନ ବିଧାୟକ, ପୂର୍ବତନ ସାଂସଦ, ଓଡିଶା ଅର୍ଥ କମିଶନର ପ୍ରାକ୍ତନ ଅଧ୍ୟକ୍ଷ ତ୍ରିଲୋଚନ କାନୁନଗୋଙ୍କ ପରଲୋକରେ “ଗୋପବନ୍ଧୁ ସେବା ସଂଗଠନ’ ପକ୍ଷରୁ ଏକ ସର୍ବଦଳୀୟ ଶ୍ରଦ୍ଧାଞ୍ଜଳି ସଭା ଜଗତପୁର ୪୯ନମ୍ବର ୱାର୍ଡ ସ୍ଥିତ ଉତ୍କଳମଣି ଶିଶୁ ଉଦ୍ୟାନ ପ୍ରାଙ୍ଗଣରେ ଡ. ଯୁଧିଷ୍ଠିର ଖଟୁଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ସ୍ୱର୍ଗତ ଆତ୍ମାର ସଦଗତି ନିମନ୍ତେ ନିରବ ପ୍ରାର୍ଥନା କରାଯିବା ସହ ତାଙ୍କ ଗୁଣାବଳୀ ଆଲୋଚନା କରାଯାଇଥିଲା । ଏହି ସଭାରେ ସଂଗଠନର ପ୍ରାକ୍ତନ ସଭାପତି ଶଶିକାନ୍ତ ଶର୍ମା ସ୍ୱାଗତ ଭାଷଣ ଦେଇଥିବା ବେଳେ ସଂଗଠନର ସମ୍ପାଦକ ମାନସ ପରିଡା ସଭା ସଂଚାଳନ କରିଥିଲେ । ମୁଖ୍ୟଅତିଥି ଭାବରେ ପୂର୍ବତନ ବିଧାୟକ ଡକ୍ଟର ପ୍ରଭାତ ରଞ୍ଜନ ବିଶ୍ୱାଳ ଯୋଗଦେଇ ଶ୍ରଦ୍ଧାଞ୍ଜଳି ଜଣାଇବା ସହ ତ୍ରିଲୋଚନ କାନୁନଗୋଙ୍କ ଠାରୁ ସ୍ପଷ୍ଟ ବାଦିତା, ସଚ୍ଚୋଟତା ଓ ଅଞ୍ଚଳ ପାଇଁ ଦଳମତ ନିର୍ବିଶେଷରେ କାର୍ଯ୍ୟ କରିବା ଭଳି ଗୁଣ ଶିଖିବା ଦରକାର ବୋଲି କହିଥିଲେ । ଏହି କାର୍ଯ୍ୟକ୍ରମରେ କଟକ ନଗର ବିଜେଡି ସାଧାରଣ ସମ୍ପାଦକ ତାପସ ମହାନ୍ତି, ବାମପନ୍ଥୀ ନେତା ଉଦୟ କେଶରୀ ବର୍ମା, କଂଗ୍ରେସ ନେତା ଅଲେଖ ଚନ୍ଦ୍ର ବେହେରା, ବିଜେପି ନେତା ମହେନ୍ଦ୍ର ମହାନ୍ତି, ପୂର୍ବତନ କର୍ପୋରେଟର ନବକିଶୋର ସ୍ୱାଇଁ, ଶାନ୍ତି କମିଟି ସଭାପତି ତ୍ରିଲୋଚନ ପଣ୍ଡା, ବିଦ୍ୟୁତ ଉପଭୋକ୍ତା ସଙ୍ଘ ସଭାପତି ତୀର୍ଥାନନ୍ଦ ପଣ୍ଡା, ନଗର ବିଜେଡି ସାଧାରଣ ସମ୍ପାଦକ ରାଜେନ୍ଦ୍ର ରଣା, କଳିଙ୍ଗ ରତ୍ନ ବ୍ରହ୍ମାନନ୍ଦ ମହାନ୍ତି, ଶିବଚରଣ ପ୍ରଧାନ, ଅଶୋକ ସାମଲ, କିଶୋର ନାୟକ, ପ୍ରମୋଦ ମହାନ୍ତି, କଟକ ବଡମେଡିକାଲର ଉପଦେଷ୍ଟା ଦିଲ୍ଲୀପ ସାହୁ, ବିଷ୍ଣୁ ଚରଣ ସାହୁ, ଶରତ ବେହେରା, କବି ମନୋରଞ୍ଜନ ପଣ୍ଡା, ନାରୀନେତ୍ରୀ ଗୋପା ସାମଲ, ଇତିଶ୍ରୀ ପଣ୍ଡା, ଗୋଲେଖ ଚନ୍ଦ୍ର ରାଉତ, ବରିଷ୍ଠ ନାଗରିକ ସଙ୍ଘ ସମ୍ପାଦକ ପଦ୍ମନାଭ ବେହେରା, ରବୀନ୍ଦ୍ର ପଣ୍ଡା, ଚିତ୍ତରଞ୍ଜନ ମହାନ୍ତି, ବିଭୁତି ସ୍ୱାଇଁ, ୠଷି ବେହେରା ପ୍ରମୁଖ ଯୋଗଦେଇ ସ୍ୱର୍ଗତ ତ୍ରିଲୋଚନ କାନୁନଗୋଙ୍କ ପ୍ରତି ଶ୍ରଦ୍ଧା ସୁମନ ଅର୍ପଣ କରିଥିଲେ । ଯୁବନେତା ଅଶୋକ ମିଶ୍ର ଧନ୍ୟବାଦ ଦେଇଥିଲେ । ଏହି ଅବସରରେ କୃତି ଛାତ୍ରଛାତ୍ରୀଙ୍କୁ ତ୍ରିଲୋଚନ କାନୁନଗୋ ପ୍ରତିଭା ସମ୍ମାନରେ ସମ୍ମାନିତ କରାଯାଇଥିଲା ।