କେନ୍ଦୁ ଗୋଛା କାଟିଲେ ଧଣ୍ଡାମୁଣ୍ଡା ସରପଞ୍ଚ ବୈଦ୍ୟନାଥ ମିଶ୍ର
#ପାଟଣାଗଡ଼(ଏନ୍.ଏମ୍.): ପାଟଣାଗଡ଼ ଖପ୍ରାଖୋଲ ବ୍ଳକ ଧଣ୍ଡାମୁଣ୍ଡା ପଞ୍ଚାୟତ ବେନକେରା ଗ୍ରାମରେ ୨୦୨୪ ବର୍ଷ କେନ୍ଦୁପତ୍ର ଗୋଛା କଟେଇ ଆରମ୍ଭ ହୋଇଛି । ଗୋଛା କଟେଇରେ ଗ୍ରାମର ୩୭ଜଣ ମହିଳା ପୁରୁଷ ଶ୍ରମିକ ଯୋଗ ଦେଇଥିଲେ । ପାଟିମାଲ ସେକ୍ସନ ଫରେଷ୍ଟର ପଦ୍ମଲୟା ସେଠ ତଦାରଖ କରି ଶ୍ରମିକଙ୍କୁ ଠିକ ହିସାବରେ କେନ୍ଦୁ ପତ୍ର କାଟିବା ପାଇଁ ନିର୍ଦ୍ଦେଶ ଦେଇଥିଲେ, ଗୋଛାକୁ ଠିକରେ କାଟିଲେ ଉପଯୁକ୍ତ ପତ୍ର ବାହାରିବ ଫରେଷ୍ଟର ଶ୍ରୀ ସେଠ କହିଛନ୍ତି । ଏହାଦ୍ୱାରା ଗ୍ରାମର ୨୦୮ପରିବାର ରୋଜଗାରକ୍ଷମ ହୋଇପାରିବେ ଏବଂ କେନ୍ଦୁ ପତ୍ରର ସରକାରୀ ଯୋଜନାରେ ଲାଭ ଉଠାଇ ପାରିବେ ବୋଲି ମତ ରଖିଥିଲେ । ଶେଷରେ ଧଣ୍ଡାମୁଣ୍ଡା ସରପଞ୍ଚ ବୈଦ୍ୟନାଥ ମିଶ୍ର ଗୋଛା କଟାଳୀ ଶ୍ରମିକମାନଙ୍କ ସହ ସାକ୍ଷାତ କରି କେବଳ କେନ୍ଦୁ ଗୋଛାକୁ ଚିହ୍ନି କାଟିବା ଓ ଜଙ୍ଗଲ ଜାତ ବୃକ୍ଷକୁ ନକଟିବା, ଜଙ୍ଗଲରେ ନିଆଁ ନଲଗାଇ ଜଙ୍ଗଲ ବୃକ୍ଷକୁ ସୁରକ୍ଷା ଦେବା ପାଇଁ ନିର୍ଦ୍ଦେଶ ଦେଇଥିଲେ । ଶେଷରେ ଶ୍ରମିକମାନଙ୍କ ସେହ କେନ୍ଦୁ ଗୋଛାକାଟି ଥିଲେ ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଚେକର ବିହରିଲାଲ ସାହୁ, ଝସକେତନ ବେହେରା, ଭୋଜରାଜ ବରିହା, ହୀରକାନ୍ତ ବରିହା ପ୍ରମୁଖ ଯୋଗ ଦେଇଥିଲେ ।