କୁନି ଭାଇ ପାଇଁ ବାଘ ସହ ଲଢ଼ିଲା ୧୦ ବର୍ଷର ଝିଅ

ପୌଡି(ଏଜେନ୍ସି): ବାଘ! ନାଁ ଶୁଣିବା କ୍ଷଣି ଆମ ଛାତି ଥରିଉଠେ, ମନରେ ଛନକା ପଶିଯାଏ । ହେଲେ ଜଣେ ୧୦ ବର୍ଷର ଝିଅ ନିଜ କୁନି ଭାଇ ପାଇଁ ବାଘ ସହିତ ଲଢ଼େଇ କରି ଭାଇକୁ ବାଘ ପାଟିରୁ ଛଡ଼ାଇଆଣିବା ସମସ୍ତଙ୍କୁ ବିସ୍ମିତ କରିଛି । ଏଭଳି ଘଟଣା ଘଟିଛି ଉତ୍ତରାଖଣ୍ଡର ପୌଡି ଜିଲ୍ଲା ଭଟୋଲି ଗ୍ରାମରେ । ନିଜ ଘର ବାରଣ୍ଡାରେ ବସି ପାଠ ପଢ଼ୁଥିବାବେଳେ ଅତର୍କିତ ଆକ୍ରମଣ କରିଥିଲା ବାଘ । ମାତ୍ର ମାତ୍ର ଅତର୍କିତ ଭାବେ ନିଜ ସାମନାରେ ଏକ ବାଘ ଦେଖି ଜଣେ ୧୦ ବର୍ଷୀୟା ନାବାଳିକା ଆଦୌ ଭୟଭୀତ ହେଲେନି । ବରଂ ବାଘ ସହ ଲଢ଼ି ନିଜର ଓ ନିଜ ୭ ବର୍ଷ ଭାଇର ଜୀବନ ବଞ୍ଚାଇ ସାହସିକତାର ପରିଚୟ ଦେଇଛନ୍ତି । ଭଟୋଲି ଗାଁରେ ସୋମବାର ସନ୍ଧ୍ୟାରେ ପ୍ରିୟାଂଶି ନାମ୍ନୀ ନାବାଳିକା ନିଜ ୭ ବର୍ଷର ଭାଇ ପ୍ରିନ୍ସ ସହ ଘର ଅଗଣାରେ ପାଠ ପଢ଼ୁଥିଲେ । ଉକ୍ତ ସମୟରେ ଏକ ବାଘ ଆସି ହଠାତ୍ ପ୍ରିନ୍ସ ପିଠି ଉପରକୁ ଝାମ୍ପିଥିଲା । ଏହାଦେଖି ପ୍ରିୟାଂଶି ହଠାତ୍ ଚିଲାଇବା ସହ ନିଜ ଭାଇକୁ ଟାଣି ଆଣିଥିଲେ । ଫଳରେ ଉଭୟେ କିଛି ଦୂରରେ ଛିଟିକି ପଡ଼ିଥିଲେ । ଉଭୟ ଭାଇଭଉଣୀଙ୍କ ଚିତ୍କାର ଶୁଣି ପରିବାରର ଅନ୍ୟମାନେ ପହଞ୍ଚିଯିବାରୁ ବାଘଟି ସେଠାରୁ ପଳାଇଥିଲା । ବାଘ ଆକ୍ରମଣରେ ପ୍ରିନ୍ସ ପିଠିରେ ଆଘାତ ଲାଗିଥିବାରୁ ତାକୁ ହସ୍ପିଟାଲରେ ଭର୍ତ୍ତି କରାଯାଇଛି । ବନ କର୍ମଚାରୀ ଘଟଣାସ୍ଥଳରେ ପହଞ୍ଚି ସ୍ଥିତି ପରଖିବା ସହ ପ୍ରିନ୍ସଙ୍କ ପରିବାର ସହ ଆଲୋଚନା କରି ତାଙ୍କୁ ଆର୍ôଥକ ସହାୟତା ପ୍ରଦାନ କରିଥିବା ଜଣାଯାଇଛି ।