କୁଏତରେ ବିପିପି କ୍ରିକେଟ୍ ଟୁର୍ଣ୍ଣାମେଣ୍ଟ : ଚମ୍ପିୟାନ ହେଲା ସ୍କୋର୍ପିନୋ
#କୁଏତ(ଏଜେନ୍ସି): ବିପିପି (ଭାରତୀୟ ପ୍ରଭାସୀ ପରିଷଦ) ଆସୋସିଏସନ ପକ୍ଷରୁ କ୍ରିକେଟ ଟୁର୍ଣ୍ଣାମେଣ୍ଟ କୁଏତରେ ଅନୁଷ୍ଠିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ ସ୍କୋର୍ପିନୋ ଚମ୍ପିୟାନ ହୋଇଛି । ବିପିପି ଆସୋସିଏସନ କୁଏତର ଏକ ବୃହତ ସାମାଜିକ ଓ ଜନ କଲ୍ୟାଣ ସଂଗଠନ, ଭାରତର ବିଭିନ୍ନ ରାଜ୍ୟର ନାଗରିକଙ୍କୁ ନେଇ ଏହି ସଂଗଠନ । ତେବେ ସଂଗଠନ ପକ୍ଷରୁ ଗତ ଫେବୃଆରୀ ୨ତାରିଖ ଶୁକ୍ରବାର ଦିନ, ବିପିପି ଆବୁହଲିଫା କ୍ରିକେଟ୍ ପଡ଼ିଆରେ ଏହାର ସିଜନ୍-୨କ୍ରିକେଟ୍ ଫାଇନାଲ୍ ଉଦଯାପନ ହୋଇଛି ।
ସ୍କର୍ପିଓନ୍ – କୁଏତ ଏବଂ ନାଗା-୧୧ ଫାଇନାଲରେ ପ୍ରବେଶ କରି ମୁହାଁମୁହିଁ ହୋଇଥିଲେ । ବିପିପି କ୍ରିକେଟ୍ ଟୁର୍ଣ୍ଣାମେଣ୍ଟ୍ ମ୍ୟାଚ୍ରେ, ସ୍କର୍ପିଓନ ପ୍ରଥମେ ବ୍ୟାଟିଂଙ୍ଗ୍ କରି ୧୨ ଓଭରରେ, ୭- ୱିକେଟ୍ ହରାଇ ୧୩୫ ରନ୍ କରି ଥିଲେ । ସ୍କରପିନୋ ଦଳରୁ ଦୀପକ୍ ସର୍ବାଧିକ ୧୯ ଟି ବଲ୍ ରୁ ୪୩ ରନ୍ କରିଥିଲେ । ସେହିପରି, ନାଗା- ୧୧ ଟିମ୍, ୧୨ ଓଭର ଖେଳି, ୮ୱିକେଟ୍ ହରାଇ ୭୩ ରନ୍ରେ ସୀମିତ ଥିଲେ । ଫଳରେ ସ୍କରପିଓନ ୬୨ ରନ୍ରେ ବିଜୟ ଲାଭ କରିଥିଲେ । ଏହି ଅବସରରେ ଗ୍ରାଣ୍ଡ ପୁରସ୍କାର ପ୍ରଦାନ ସମାରୋହର ଆୟୋଜନ କରାଯାଇଥିଲା । ବିଜେତା ଏବଂ ରନର୍ ଦଳମାନଙ୍କୁ ଖେଳାଳିଙ୍କ ପାଇଁ ପୁରସ୍କାର ରାଶି ଏବଂ ପଦକ ସହିତ ଟ୍ରଫି ପ୍ରଦାନ କରାଯାଇଥିଲା । ସେମାନଙ୍କୁ ସମ୍ମାନିତ କରିବା ପାଇଁ ଶ୍ରେଷ୍ଠ ଅଂଶଗ୍ରହଣକାରୀଙ୍କୁ ସାର୍ଟିଫିକେଟ୍ ସହିତ ଟ୍ରଫି ପ୍ରଦାନ କରାଯାଇଥିଲା । ଏହି ମ୍ୟାଚ୍ ଆୟୋଜନ ପାଇଁ ଉଦଯାପନ ମ୍ୟାଚ୍ରେ ସନ୍ଥୋଜ ମଣିଙ୍କୁ ସମ୍ମାନିତ ଅତିଥି କରାଯାଇଥିଲା । କପିକୋ ଟୁର୍ ଏବଂ ଟ୍ରାଭେଲ୍ସର ସମସ୍ତ ଆୟୋଜକମାନଙ୍କ ପାଇଁ ଦୁଇଟି ଉପହାର କୁପନ୍ ପ୍ରଦାନ କରିଛନ୍ତି । ପ୍ରାରମ୍ଭରୁ ୧୬ ଟି ଦଳ ସହିତ ବିପିପି ସିଜନ୍-୨ ମ୍ୟାଚ୍ ଆରମ୍ଭ ହୋଇଥିଲା ଏବଂ ଖେଳର, ଷଷ୍ଠ ସପ୍ତାହରେ ଫାଇନାଲ କ୍ରିକେଟ୍ ଟୁର୍ଣ୍ଣାମେଣ୍ଟ୍ ଆୟୋଜନ କରାଯାଇଥିଲା । ସଂଗଠକ ସଚିବ ଶ୍ରୀ ରାଜୀବ, କୋଷାଧ୍ୟକ୍ଷ ଶ୍ରୀ ସୁରେନ୍ଦର ଏବଂ ସାଧାରଣ ସମ୍ପାଦକ ସୁଧୀର ମେନନ୍ଙ୍କ ଦ୍ୱାରା ପ୍ରାରମ୍ଭ ଭାଷଣ ପ୍ରଦାନ କରାଯାଇଥିବା ସହିତ ଉତ୍କୃଷ୍ଟ ସମର୍ଥନ ସହିତ ବିପିପି ଉପାଧ୍ୟକ୍ଷ ସମ୍ପଥ କୁମାର ସିଜିନ-୨ ଟୁର୍ଣ୍ଣାମେଣ୍ଟକୁ ପରିଚାଲାଣ କରିଥିଲେ । ପ୍ରାରମ୍ଭରେ ବିପିପିର ସଭାପତି ଶ୍ରୀ ବିନୋ ସେବାଷ୍ଟିଆନ୍ ଟସ୍ କରି ମ୍ୟାଚ୍ ଉଦ୍ଘାଟନ କରିଥିଲେ । ସାଧାରଣ ସଚିବ ବିପିପି ତାମିଲ ୱିଙ୍ଗ ଶ୍ରୀ କାର୍ତ୍ତିକେୟାନ୍ ଏହି ମ୍ୟାଚ୍ କାର୍ଯ୍ୟକ୍ରମ ନିମନ୍ତେ ସହଯୋଗ କରିଛନ୍ତି । ବିପିପି ତାମିଲ ୱିଙ୍ଗ ଅଫିସ୍ ଧାରକ ଶ୍ରୀ ରାଜାରାମ, ଶ୍ରୀ କ୍ଷୀଭେଲ, ଶ୍ରୀ ମନନାଇ ରାଜା, ଶ୍ରୀ ବିନୋଦ, ଶ୍ରୀ ନାଗରାଜ, ଶ୍ରୀ ପଲାନି ରାଜନ ଏବଂ ବି. ପରଣ ଏହି ସମସ୍ତ ଖେଳକୁ ଏକ ବଡ଼ ସଫଳତା ଦେବାରେ ପ୍ରମୁଖ ଭୂମିକା ପାଇଁ ସମସ୍ତ ସହ ଯୋଗ ବ୍ୟବସ୍ଥା କରିଥିଲେ । ଭାରତୀୟ ପ୍ରବାସୀ ପରିଷଦ ଆସୋସିଏସନରର ଏରିଆ ସଭାପତି ତଥା ଭାରତୀୟ ପ୍ରଭାସୀ ପରିଷଦ ଓଡ଼ିଶା ସଙ୍ଗର ସଭାପତି ବିଶ୍ୱରଂଜନ ସାହୁଙ୍କ ପ୍ରତ୍ୟକ୍ଷ ସହଯୋଗରେ ସଂଗଠନର ଅତିଥି ରୂପେ ଏହି ପୁରସ୍କାର ବିତରଣ କରିଥିଲେ । ସବୁଠାରୁ ବଡ ଖୁସିର କଥା ହେଉଛି, କୁଏତରୁ ଆସିଥିବା ବିଭିନ୍ନ ପ୍ରାନ୍ତରୁ ଶତାଧିକ ଓଡ଼ିଆ ବନ୍ଧୁ ଓ ବିଭିନ୍ନ କମ୍ପାନୀରେ କାର୍ଯ୍ୟରତ ଓଡିଆ ଭାଇମାନେ ଟୁର୍ଣ୍ଣାମେଣ୍ଟ ଦେଖିବା ନିମନ୍ତେ କୁଏତର ସୁଦୂର ପ୍ରାନ୍ତରୁ ସାକ୍ଷାତ୍ କରିବା ସହିତ ଏହି ଖେଳର ଭରପୁର ଆନନ୍ଦ ନେଇଥିଲେ । ଓଡ଼ିଆ ବନ୍ଧୁମାନଙ୍କ ସହିତ ଆଲୋଚନା କରି ବିଭିନ୍ନ ସମସ୍ୟା ବିଷୟରେ ବୁଝିଥିଲେ । ଓଡ଼ିଶା ରାଜ୍ୟର ବିଭିନ୍ନ ଜିଲ୍ଲାସ୍ତରୀୟ ପ୍ରତିନିଧିଙ୍କ ସହିତ ସାକ୍ଷାତ୍ କରି, ମହାପ୍ରଭୂ ଶ୍ରୀ ଜଗନ୍ନାଥଙ୍କ ଆର୍ଶିବାଦରୁ ବହୁତ ଶୀଘ୍ର ନୂତନ ବର୍ଷର ବିଭିନ୍ନ ସାମାଜିକ ଓ ଜନ କଲ୍ୟାଣ କାର୍ଯ୍ୟକ୍ରମର ଆଧାରରେ ଯୋଗଦାନ କରି ସଙ୍ଗଠନକୁ ଆହୁରି ମଜବୁତ୍ କରିବା ଉପରେ ଗୁରୁତ୍ୱାରୋପ କରାଯାଇଥିଲା । ସର୍ବଶେଷରେ, ବ୍ୟକ୍ତିଗତ ଭାବେ, ବିଶ୍ୱରଞ୍ଜନ ସାହୁ ସମସ୍ତ ଓଡ଼ିଆ ଭାଇଙ୍କୁ ଓ ଅନ୍ୟାନ୍ୟ ରାଜ୍ୟର ପ୍ରତିନିଧିମାନଙ୍କୁ ଧନ୍ୟବାଦ ପ୍ରଦାନ କରିଥିଲେ । ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟ ଏବଂ ପୁରସ୍କାର ବିତରଣ ସମାରୋହ ୟୁଟ୍ୟୁବରେ ସିଧା ପ୍ରସାରଣ କରାଯାଇଥିଲା ।