କାଳ ବୈଶାଖୀରେ ବସ୍ତି ଅଞ୍ଚଳର କ୍ଷୟକ୍ଷତି ଅନୁଧ୍ୟାନ କଲେ ମେୟର, ବିଧାୟକ ଓ କମିଶନର
#କଟକ(ଏନ୍.ଏମ୍.): ଗତକାଲି କାଳବୈଶାଖୀ ଯୋଗୁଁ କଟକ ସହରରେ ପ୍ରଭୁଦ କ୍ଷତି ଘଟିଛି । ରାସ୍ତାଉପରେ ଗଛଗୁଡ଼ିକ ଭାଙ୍ଗି ପଡ଼ିବା ଯୋଗୁଁ ରାସ୍ତାଘାଟ ବନ୍ଦ ହୋଇ ଯାଇଥିଲା । ଫଳରେ ଗଛ ଡାଳ ଆଦି କାଟି ରାସ୍ତାଘାଟ ସ୍ୱାଭାବିକ କରିବା ପାଇଁ ବହୁ ବିଳମ୍ବ ଲାଗିଥିଲା । ଏପରିକି ଗତକାଲି ସଂଧ୍ୟା ଠାରୁ ଆଜି ପୂର୍ବାହ୍ନ ପର୍ଯ୍ୟନ୍ତ ବିଦ୍ୟୁତ ସରବରାହ ବନ୍ଦ ରହିଥିଲା । ଏପରିକି ୨୪ଘଣ୍ଟା ପରେ ମଧ୍ୟ ସମସ୍ତ ଅଞ୍ଚଳକୁ ବିଦ୍ୟୁତ ସଂଯୋଗ ଦିଆଯାଇ ପାରିନଥିବା ଜଣାପଡ଼ିଛି । ଏଥି ସହିତ କାଳ ବୈଶାଖୀର ତାଣ୍ଡବ ବସ୍ତି ଅଞ୍ଚଳରେ ଅଧିକ ପ୍ରଭାବ ପକାଇଥିବା ଦେଖିବାକୁ ମିଳିଛି । ଲୋକଙ୍କ ଘର ଛପର ଉଡ଼ିଯାଇଥିବାବେଳେ ସେମାନେ ବେଘର ହୋଇ ପଡ଼ିଥିଲେ । କଟକ ସହରରେ ଜନସାଧାରଣ ପ୍ରଭାବିତ ହୋଇଥିବା ବେଳେ ଆଜି ସିଏମସି ମେୟର ସୁବାସ ସିଂହ, ଚୌଦ୍ୱାର-କଟକ ସୌଭିକ ବିଶ୍ୱାଳ, ସିଏମସି କମିଶନର ନିଖିଳ ପବନ କୁମାର, ଡେପୁଟି କମିଶନର ସଂଜୀବିତା ରାୟ ଏବଂ ଅମୃତ ସରକାର ସ୍ୱାସ୍ଥ୍ୟ ଅଧିକାରୀ ଡାକ୍ତର ସତ୍ୟବ୍ରତ ମହାପାତ୍ର କର୍ପୋରେଟର ସୁବାଶିଷ ପଟ୍ଟନାୟକ, କର୍ପୋରେଟର ରାକେଶ ସ୍ୱାଇଁ, କର୍ପୋରେଟର କାମେଶ୍ୱର ରାଓ, ତହସିଲଦାର ମାନସ ରଞ୍ଜନ ଭୋଇ ପ୍ରମୁଖ ଏକ ଟିମ, ଗତକାଲି ସନ୍ଧ୍ୟା ସମୟରେ ଭୀଷଣ କାଳ ବୈଶାଖୀ ପବନରେ କଟକ ସହର ବିଭିନ୍ନ ଜାଗାରେ ଗଛ ଉପୁଡିବା ସଂଗେ ସଂଗେ ବସ୍ତି ଅଞ୍ଚଳରେ ବହୁ କ୍ଷୟକ୍ଷତି ହୋଇଛି । କାଳବୈଶାଖୀର ପ୍ରବଳ ପବନରେ ଆଜବେଷ୍ଟସ ଘର ଭାଙ୍ଗିବା, ଆଜବେଷ୍ଟସ ଉଡ଼ିଯିବା ଓ କାନ୍ଥ ଫାଟ ସୃଷ୍ଟି ହେବା ଘଟଣା ନଜରକୁ ଆସିଛି । ସେହିପର ଥଇଥାନ ହୋଇଥିବା ବାଲିସାହି ବସ୍ତି ଅଧିକ ପ୍ରଭାବିତ ହୋଇଛି । ସେଠାରେ ୩ ହଜାର ପରିବାରକୁ ଥଇଥାନ କରାଯାଇଛି, ସେଠାରେ ବହୁ କ୍ଷୟକ୍ଷତି ଦେଖିବା ସଂଗେ ସଂଗେ ସବୁ କ୍ଷତିଗ୍ରସ୍ତ ପରିବାରକୁ ରେକର୍ଡ କରି ରାଜ୍ୟସରକାରଙ୍କ ଜଣାଇବାକୁ ନିର୍ଦେଶ ଦିଆଯାଇଛି । ସେହିପରି ଜଗତପୁର ନିମପୁର ବସ୍ତି ଯେଉଁ ଠାରେ କି ଏକ ହଜାର ପରିବାର ରହୁଛନ୍ତି, ସେଠାରେ ମଧ୍ୟ ପୁରା ଟିମ ପହଞ୍ଚି କ୍ଷୟକ୍ଷତିର ଆକଳନ କରିଥିଲେ ।