News by Umakanta Jena (Cuttack)

କାଠଯୋଠି ନଦୀ ପଠାରୁ ମିଳିଲା ସାହିଲର ମୃତ ଦେହ

News by Umakanta Jena (Cuttack)

#କଟକ(ଏନ୍‌.ଏମ୍‌.): ଆଜିକୁ ତିନି ଦିନ ଧରି ନିଖୋଜ ଥିବା କଲ୍ୟାଣନଗର ଉତ୍କଳ ଆପାଟମେଣ୍ଟରେ ରହୁଥିବା ପିତା ସଂଗ୍ରାମ ଜେନା ମାଆ ସସ୍ମିତା ଜେନାଙ୍କ ସାନ ପୁଅ ଥିଲା ସାହିଲ । ସେ ସ୍ଥାନୀୟ ଦରଘାପାଟଣା ସତ୍‌ସଂଘ ସ୍କୁଲର ଦଶମ ଶ୍ରେଣୀର ଛାତ୍ର । ପ୍ରତିଦିନ ଭଳି ସେଦିନ ସ୍କୁଲ ଆସି ଆଉ ଘରକୁ ଫେରି ନଥିଲା । ସ୍ଥାନୀୟ ବନ୍ଧୁ ବାନ୍ଧବ ଏବଂ ପିତା ମାତା ସାଙ୍ଗସାଥି ଅନେକ ସ୍ଥାନରେ ଖୋଜାଖୋଜି କରି ଶେଷରେ ନିରାଶ ହୋଇଥିଲେ । ସାଙ୍ଗରେ ନେଇଥିବା ସ୍କୁଲ ବ୍ୟାଗ ଏବଂ ସାଇକେଲ କଟକ ଗୋପାଳପୁର କାଠଯୋଡି ବ୍ରିଜ ଉପରେ ଥୁଆ ହୋଇଥିବାର ଦେଖି ପରିବାର ଲୋକେ ସ୍ଥାନୀୟ ପୁଲିସକୁ ଜଣାଇ ଥିଲେ । ପୋଲିସ୍ ପହଞ୍ଚି ସାଇକେଲ ଓ ବ୍ୟାଗକୁ ଜବତ କରି ଅନୁସନ୍ଧାନ ଚଳାଇଥିଲା । ଆଜି ସକାଳ ୭ଟା ସମୟରେ ସ୍ଥାନୀୟ ଅଞ୍ଚଳର ଲୋକେ ଗାଧୋଉ ଥିବା ବେଳେ କାଠଯୋଡି ବ୍ରିଜର ସାତ ନମ୍ବର ପିଲର ତଳେ ଏକ ଅଚିହ୍ନା ମୃତ ଦେହ ଦେଖି ନିକଟସ୍ଥ ପୁଲିସକୁ ଜଣାଇ ଥିଲେ । ନିଖୋଜ ଥିବା ସାହିଲର ମୃତ ଦେହ ବୋଲି ପରିବାରଲୋକେ ଚିହ୍ନଟ କରିଥିଲେ । ସେଠାରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା । ମଧୁପାଟଣା ପୁଲିସ୍ ଶବ ଜବତ କରି ବ୍ୟବଛେଦ ନିମନ୍ତେ ଏସସିବି ମେଡ଼ିକାଲକୁ ପଠାଇ ଏକ ଅପମୃତ୍ୟୁ ମାମଲା ରୁଜ୍ଜୁ କରି ସାହିଲର କେଉଁ ପରିସ୍ଥିତିରେ ମୃତ୍ୟୁ ଘଟିଛି ତାର ତଦନ୍ତ ଆରମ୍ଭ କରିଛି । ବ୍ୟବଛେଦ ପରେ ମୃତ ଦେହକୁ ପରିବାରକୁ ହସ୍ତାନ୍ତର କରାଯାଇଛି ।

By admin

Leave a Reply

Your email address will not be published. Required fields are marked *